ആദ്യം ജനിക്കുന്ന കുഞ്ഞ് സഹോദരങ്ങളെക്കാള്‍ മിടുക്കരാകും

ആദ്യം ജനിക്കുന്ന കുഞ്ഞുങ്ങള്‍ വളര്‍ന്നുവരുമ്പോള്‍ സഹോദരങ്ങളെക്കാള്‍ മിടുക്കരാകുമെന്ന് പഠനം. എഡിന്‍ബറോ സര്‍വകലാശാലയില്‍ നടന്ന ഒരു പഠനത്തിനൊടുവിലാണ് വിദഗ്‍ധര്‍ ഇക്കാര്യത്തില്‍ നിഗമനത്തിലെത്തിയത്.

5000ത്തോളം കുട്ടികളെ 14 വയസ്സു വരെ പഠനവിധേയമാക്കിയാണ് സര്‍വകലാശാലയിലെ വിദഗ്‍ധര്‍ വിധിയെഴുതിയത്. ആദ്യം ജനിക്കുന്ന കുട്ടികള്‍ക്ക് സഹോദരങ്ങളെക്കാള്‍ ഐ.ക്യു ഉണ്ടെന്ന് പഠനത്തില്‍ തെളിഞ്ഞു. മുതിര്‍ന്ന കുട്ടിക്ക് കുടുംബാംഗങ്ങളില്‍നിന്ന് കൂടുതല്‍ പിന്തുണയും പ്രചോദനവും ലഭിക്കുന്നതുകൊണ്ടാകാം ഇതെന്നാണ് ശാസ്ത്രജ്ഞന്മാരുടെ അഭിപ്രായം.

ആദ്യത്തെ കുഞ്ഞിനു ലഭിക്കുന്ന ശ്രദ്ധയും പരിഗണനയും മറ്റു കുഞ്ഞുങ്ങള്‍ക്ക് ലഭിക്കുന്നില്ലെന്നും പഠനത്തില്‍ തെളിഞ്ഞു.

First-born child are smarter than their siblings: study

A study conducted at the University of Edinburgh has proved that first-born child are smarter than their siblings.