ആയുർ സ്വാസ്ഥ്യ യോജന: രോ​ഗങ്ങൾക്ക് ആയുഷ് ചികിത്സ ജനപ്രിയമാക്കുന്നതിനുള്ള പദ്ധതി

രാജ്യത്തെ ആയുഷ് ചികിത്സാരീതികൾ പ്രോത്സാഹിപ്പിക്കുന്നതിനായി കേന്ദ്ര സർക്കാർ വിവിധ നയപരിപാടികൾ സ്വീകരിച്ചിട്ടുണ്ട് അത്തരത്തിൽ സുപ്രധാമായ ഒന്നാണ് ആയുർ സ്വാസ്ഥ്യ യോജന. കമ്മ്യൂണിറ്റി ഹെൽത്ത് കെയർ പ്രോത്സാഹിപ്പിക്കുന്നതിനും ആയുഷ് മെഡിക്കൽ ഹെൽത്ത് യൂണിറ്റ് സ്ഥാപിക്കുന്നതിന് പിന്തുണ നൽകുന്നതിനുമായി ആധികാരിക പരമ്പരാഗത ആയുഷ് ഇടപെടലുകൾ വികസിപ്പിച്ചെടുക്കുക എന്നതാണ് ആയുഷ്‌ സ്വാസ്ത്യ യോജനയുടെ പ്രത്യേകത.

2007-08 വർഷം പുറത്തിറക്കിയ പബ്ലിക് ഹെൽത്ത് ഇന്റർവെൻഷൻ പദ്ധതിയാണ് ഇപ്പോൾ വിജയകരമായി പ്രാവർത്തീകമാക്കി വരുന്നത്. വ്യത്യസ്‌ത പൊതുജനാരോഗ്യ പരിപാടികളിലും പൊതുജനാരോഗ്യ പ്രശ്‌നങ്ങളിലും ആയുഷ് ഇടപെടലിലൂടെ ആയുഷ് സംവിധാനങ്ങളുടെ കാര്യക്ഷമത തെളിയിക്കുന്നതിനാണ് ഈ പദ്ധതി അടിസ്ഥാനപരമായി വികസിപ്പിച്ചിരിക്കുന്നത്. ടൈപ്പ് - II പ്രമേഹം, ഹൈപ്പർടെൻഷൻ, വിവിധ സാംക്രമിക രോഗങ്ങൾ, പ്രസവത്തിന് മുമ്പുള്ള പരിചരണം, മസ്കുലോസ്കലെറ്റൽ ഡിസോർഡേഴ്സ്, അനീമിയ, ഡി-അഡിക്ഷൻ തുടങ്ങിയ വിവിധ പൊതുജനാരോഗ്യ പ്രശ്‌നങ്ങളിൽ ആയുഷ് ഇടപെടലിനായി ഈ പദ്ധതിക്ക് കീഴിൽ വിവിധ സംസ്ഥാനങ്ങളിൽ 67 പദ്ധതികൾക്ക് മന്ത്രാലയം തുടക്കം മുതൽ അനുമതി നൽകിയിട്ടുണ്ട്.

ആയുർ സ്വാസ്ഥ്യ യോജനയുടെ പ്രഥാന ഘടകങ്ങൾ

ആയുഷും പൊതുജനാരോഗ്യവും

ശാരീരിക ക്ഷമത, ചികിത്സ, പരിക്കുകൾ തടയൽ എന്നിവയ്ക്കൊപ്പം സ്പോർട്സും വ്യായാമങ്ങളും ഉൾപ്പെടുന്ന സ്പോർട്സ് മെഡിസിന് വേണ്ടിയുള്ള ആയുഷ് പ്രവർത്തനങ്ങൾ

സെന്റർ ഓഫ് എക്സലൻസ് ആയി സൗകര്യങ്ങളുടെ നവീകരണം

നിരവധി മറ്റ് പദ്ധതികളും ആയുഷ് മന്ത്രാലയത്തിന്റെ നേതൃത്വത്തിൽ നടത്തുന്നുണ്ട്. ദേശീയ ആയുഷ് മിഷൻ (നാം) ആരംഭിക്കുന്നതുൾപ്പെടെ ഇന്ത്യൻ പരമ്പരാഗത വൈദ്യശാസ്ത്ര ശാസ്ത്രത്തെ പ്രോത്സാഹിപ്പിക്കുന്നതിന് നിരവധി സംരംഭങ്ങൾ സ്വീകരിച്ചിട്ടുണ്ടെന്നും എണ്ണം വർധിപ്പിച്ച് ആയുഷ് സേവനങ്ങളിലേക്ക് മികച്ച പ്രവേശനം വിഭാവനം ചെയ്തിട്ടുണ്ടെന്നും രാജ്യസഭയിൽ രേഖാമൂലമുള്ള മറുപടിയിൽ ആയുഷ് മന്ത്രി വ്യക്തമാക്കിയിരുന്നു. ആയുഷ് ഹോസ്പിറ്റലുകളും ഡിസ്പെൻസറികളും, കാൻസർ, പ്രമേഹം, കാർഡിയോ-വാസ്കുലർ രോഗങ്ങൾ, സ്ട്രോക്ക് എന്നിവ തടയുന്നതിനും നിയന്ത്രിക്കുന്നതിനുമുള്ള ദേശീയ പരിപാടിയിൽ ആയുഷിനെ ഉൾപ്പെടുത്തുകയും ചെയ്തിട്ടുണ്ട്.

അതിന് പുറമെ,

ആയുഷ്മാൻ ഭാരതിന് കീഴിൽ 12,500 ആയുഷ് ഹെൽത്ത് ആൻഡ് വെൽനസ് സെന്ററുകൾ പ്രവർത്തിപ്പിക്കുകയും ആയുഷ് ചികിത്സകൾക്ക് ഇൻഷുറൻസ് പരിരക്ഷ ഏർപ്പെടുത്തുകയും ചെയ്തു.

ആയുഷ് മേഖലയിൽ മെഡിക്കൽ ടൂറിസം മെച്ചപ്പെടുത്തുന്നതിനും ലോകോത്തര നിലവാരമുള്ള, അത്യാധുനിക ആയുഷ് ആശുപത്രികൾ സ്ഥാപിക്കുന്നതിനുള്ള പിന്തുണ നൽകുന്നതിനുമായി മെഡിക്കൽ മൂല്യമുള്ള യാത്രകൾക്കായി ചാമ്പ്യൻ സർവീസസ് സെക്ടർ സ്കീം വികസിപ്പിച്ചെടുത്തു.

ആയുഷ് സംവിധാനത്തിലൂടെ ഇന്ത്യയെ ആരോഗ്യ-സുഖ ടൂറിസത്തിന്റെ ലക്ഷ്യസ്ഥാനമായി ഉയർത്തുക എന്ന ലക്ഷ്യത്തോടെ, മെഡിക്കൽ, വെൽനസ്, യോഗ, ആയുർവേദ ടൂറിസം എന്നിവയെ ഉത്തേജിപ്പിക്കുന്നതിന് ഒരു ദേശീയ മെഡിക്കൽ, വെൽനസ് ടൂറിസം ബോർഡ് രൂപീകരിക്കുക.