ധൃവ് പദ്ധതി: മികവുറ്റ വിദ്യാർത്ഥികളുടെ കഴിവുകൾ പര്യവേക്ഷണം ചെയ്യുന്നതിനുള്ള വേദി; സവിശേഷതകൾ അറിയാം

രാജ്യത്തെ കഴിവുറ്റ കുട്ടികളെ കണ്ടെത്തുന്നതിനും അവരുടെ കഴിവുകളും അറിവും സമ്പന്നമാക്കാൻ പ്രോത്സാഹിപ്പിക്കുക എന്ന ലക്ഷ്യത്തോടെ കേന്ദ്ര സർക്കാർ തുടങ്ങിയ പദ്ധതിയാണ് പ്രധാൻ മന്ത്രി ഇന്നൊവേറ്റീവ് ലേണിങ്ങ് പ്രോഗ്രാം അഥവാ ധൃവ് പദ്ധതി. കേന്ദ്ര മാനവ വിഭവശേഷി വികസന മന്ത്രാലയമാണ് പദ്ധതി വിഭാവനം ചെയ്തിരിക്കുന്നത്.

രാജ്യത്തുടനീളമുള്ള മികവിന്റെ കേന്ദ്രങ്ങളിൽ, പ്രതിഭാധനരായ കുട്ടികൾക്ക് വിവിധ മേഖലകളിലെ പ്രശസ്തരായ വിദഗ്ധർ അവരെ ഉപദേശിക്കുകയും പരിപോഷിപ്പിക്കുകയും ചെയ്യും. അതിലൂടെ വിദ്യാർത്ഥികൾക്ക് അവരുടെ മുഴുവൻ കഴിവിലും എത്തിച്ചേരാനാകുമെന്നാണ് കേന്ദ്ര സർക്കാർ കണക്ക് കൂട്ടുന്നത്.

കലയും ശാസ്ത്രവുമാണ് പദ്ധതി പ്രധാനമായും ലക്ഷ്യമിടുന്നത്.

ധൃവ് പദ്ധതി തുടങ്ങിയത് ഐഎസ്ആർഓയിൽ നിന്നുമാണ്.

9-ാം ക്ലാസ് മുതൽ 12-ാം ക്ലാസ് വരെ രാജ്യത്തുടനീളം 60-ഓളം വിദ്യാർത്ഥികളെ തിരഞ്ഞെടുത്തു.

ധൃവ് പദ്ധതിയുടെ പ്രധാന സവിശേഷതകൾ

1. ധ്രുവ് താര എന്ന ധ്രുവനക്ഷത്രത്തിന്റെ പേരിലാണ് പദ്ധതി തുടങ്ങിയിരിക്കുന്നത്. വിദ്യാർത്ഥികൾക്ക് അവരുടെ കഴിവുകൾ പൂർണ്ണമായും തിരിച്ചറിയാനും സമൂഹത്തിന് സംഭാവന നൽകാനും അനുവദിക്കുക എന്നതാണ് പരിപാടിയുടെ പ്രധാന ലക്ഷ്യം.

2. പ്രോഗ്രാമിനെ ധൃവ് (ധ്രുവനക്ഷത്രത്തിന് അപ്പുറം) എന്നും എല്ലാ വിദ്യാർത്ഥികളെയും 'ധൃവ് താര' എന്നും വിളിക്കും. അങ്ങനെ വിദ്യാർത്ഥികൾ അവരുടെ നേട്ടങ്ങളിലൂടെ തിളങ്ങുകയും മറ്റുള്ളവർക്ക് പിന്തുടരാനുള്ള പാത തെളിക്കുകയും ചെയ്യും.

3. ക്രിയേറ്റീവ് റൈറ്റിംഗ് പോലുള്ള കൂടുതൽ മേഖലകളിൽ ആദ്യ ഘട്ടത്തിൽ സയൻസ്, ആർട്സ് എന്നീ രണ്ട് മേഖലകൾ ഉൾപ്പെടുത്താനാണ് പ്രോഗ്രാം ലക്ഷ്യമിടുന്നു.

4. രാജ്യത്തുടനീളമുള്ള മികവിന്റെ കേന്ദ്രങ്ങളിൽ, പ്രതിഭാധനരായ വിദ്യാർത്ഥികൾക്ക് വിവിധ മേഖലകളിലെ പ്രശസ്തരായ വിദഗ്ധർ അവരെ ഉപദേശങ്ങൾ നൽകും. അതുവഴി, അവർക്ക് അവരുടെ മുഴുവൻ കഴിവിലും എത്തിച്ചേരാനാകും.

5. ധൃവയുടെ ആദ്യ ബാച്ചിൽ ഒൻപതാം ക്ലാസ് മുതൽ 12-ാം ക്ലാസ് വരെ 60-ഓളം വിദ്യാർത്ഥികളെ സർക്കാർ, സ്വകാര്യ സ്‌കൂളുകളിൽ നിന്ന് തെരഞ്ഞെടുത്തു.

6. 2019 ഒക്ടോബർ 14 മുതൽ 23 വരെ ഐഐടി, ഡൽഹി, ദേശീയ ബാലഭവൻ എന്നിവിടങ്ങളിലെ വിവിധ പ്രവർത്തനങ്ങളിൽ വിദ്യാർത്ഥികൾ പങ്കെടുത്തു.

പദ്ധതിയുടെ പ്രാധാന്യം

മികവുറ്റ വിദ്യാർത്ഥികളുടെ കഴിവുകൾ പര്യവേക്ഷണം ചെയ്യുന്നതിനുള്ള ഒരു വേദിയായി കേന്ദ്ര പദ്ധതി പ്രവർത്തിക്കും. അതിന് പുറമെ, ശാസ്ത്രം, പ്രകടന കലകൾ, സർഗ്ഗാത്മക രചനകൾ മുതലായവയായാലും അവരുടെ പ്രത്യേക താൽപ്പര്യ മേഖലകളിൽ മികവ് നേടാൻ അവരെ സഹായിക്കും.

പ്രതിഭാധനരായ വിദ്യാർത്ഥികൾ അവരുടെ മുഴുവൻ കഴിവുകളും തിരിച്ചറിയുന്നതിനുപുറമെ സമൂഹത്തിന് വലിയ രീതിയിൽ സംഭാവന നൽകുമെന്ന് പ്രതീക്ഷിക്കുന്നു.

ധ്രുവ്താര വിദ്യാർത്ഥികൾ രാജ്യത്തുടനീളമുള്ള കോടിക്കണക്കിന് കുട്ടികൾക്ക് വഴിവിളക്കായി പ്രവർത്തിക്കും.