കേരളാ സ്റ്റേറ്റ് ലൈഫ് ഇൻഷുറൻസ് പദ്ധതി; പോളിസി ഉടമകൾക്കായുള്ള നിർദ്ദേശങ്ങൾ പരിശോധിക്കാം

സംസ്ഥാന സർക്കാരിന് കീഴിൽ ഉള്ള 50 വയസിൽ താഴെയുള്ള എല്ലാ ജീവനക്കാർക്കും വേണ്ടി സംസ്ഥാന സർക്കാർ അവതരിപ്പിച്ച ഇൻഷുറൻസ് പദ്ധതിയാണ് കേരളാ സ്റ്റേറ്റ് ലൈഫ് ഇൻഷുറൻസ് പദ്ധതി. സ്റ്റേറ്റ് ലൈഫ് ഇൻഷുറൻസ് പദ്ധതി ബാധകമായ ജീവനക്കാരുടെ എസ്.എൽ.ഐ പോളിസികളുടെ പ്രതിമാസ പ്രീമിയം തുക പ്രതിമാസ വരുമാനത്തിനനുസരിച്ച് പുതുക്കിയ നിരക്ക് ഒടുക്കുന്നതിനുളള സമയപരിധി 31/03/2022 വരെ ദീർഘിപ്പിച്ച് ഉത്തരവായിരിക്കുന്നു.

ഇൻഷുറൻസ് പദ്ധതിക്കായുള്ള യോഗ്യത

1. സർക്കാരിന് കീഴിൽ സ്ഥിര-താത്കാലിക ജീവനക്കാർക്ക് ഇൻഷുറൻസ് പദ്ധതിയിൽ ഭാഗമാകാം. എന്നാൽ, 50 വയസിൽ താഴെ മാത്രമായിരിക്കണം അവരുടെ പ്രായം.

2. കഴി‍ഞ്ഞുപോയതോ വരാനിരിക്കുന്നതോ ആയ ഏത് ജന്മദിനമാണ് ആദ്യ പ്രീമിയം അടയ്ക്കുന്ന ദിവസത്തോട് അടുത്ത് വരുന്നത്, അതിനെ അടിസ്ഥാനമാക്കിയാണ് അപേക്ഷന്റെ പ്രായം നിശ്ചയിക്കുന്നത്. എന്നാൽ, ഒന്നാം പ്രീമിയം അടച്ച തീയതിയോട് തുല്യ ദൂരമാണെങ്കിൽ, അത് കഴിഞ്ഞുപോയ ജന്മദിനത്തിലെ പ്രായമായി കണക്കാക്കുക.

3. അപേക്ഷകന്റെ വയസ്സിനെ സൂചിപ്പിക്കുന്ന ഡോക്യുമെന്റ് പ്രൂഫ്, ഓഫീസ് അല്ലെങ്കിൽ സ്ഥാപന മേധാവി പ്രൊപ്പോസൽ ഫോമിൽ നൽകിയ സർട്ടിഫിക്കറ്റ് ആയിരിക്കും.

പോളിസി ഉടമകൾക്കായുള്ള നിർദ്ദേശങ്ങൾ

സംസ്ഥാന ലൈഫ് ഇൻഷുറൻസ് പദ്ധതിയിലെ എല്ലാ പോളിസിയുടമേൾക്കും പോളിസിയുടെ
ആധികാരിക രേഖയായി പോളിസി സർട്ടിഫിക്കറ്റും പ്രീമിയമടവ് വിവരങ്ങൾ രേഖപ്പടുത്തി
സൂക്ഷിക്കുന്നതിന് പ്രീമിയം രസീത് പുസ്തകവും നൽകും.

പോളിസി സർട്ടിഫിക്കറ്റം പ്രീമിയം രസീത് പുസ്തകവും പോളിസിയുടമ സൂക്ഷിച്ചുവയ്ക്കേണ്ടതും പോളിസി കാലാവധി കഴിയുമ്പോൾ ക്ലെയിം അപേക്ഷയോടൊപ്പം തിരികെ നൽകേണ്ടതുണ്ട്.

പോളിസിയിൽ നിന്നും വായ്പലയടുക്കുമ്പോൾ, പോളിസി സർട്ടിഫിക്കറ്റ്, വകുപ്പിലേക്ക് പണയപ്പെടുത്തേണ്ടതുണ്ട്. സർക്കാരിൽ നിന്നോ അനുവദിക്കുന്ന ധനകാര്യ സ്ഥാപനങ്ങളിൽ നിന്നോ അനുവദിക്കുന്ന ഭവന വായ്പകൾക്കും മറ്റ് ആവശ്യങ്ങൾക്കുള്ള വായ്പകൾക്കും ഈട് ആയി നൽകാൻ കഴിയുന്ന ഒരു ആധികാരിക രേഖയാണ് പോളിസി സർട്ടിഫിക്കറ്റ്. ആയതിനാൽ പോളിസി സർട്ടിഫിക്കറ്റ് പോളിസിയുടമ ഭദ്രമായി
സൂക്ഷികക്കണ്ടതാണ്.

പോളിസിയുടമ, തന്റെ കുടുംബാംഗങ്ങൾക്ക്/അവകാശികൾക്ക് കൂടി അറിയുന്ന ഒരു സ്ഥലത്ത് പോളിസി സർട്ടിഫിക്കറ്റ് സൂക്ഷിക്കുന്നതാണ് ഉചിതം. പോളിസി സർട്ടിഫിക്കറ്റും പ്രീമിയം രസീത് പുസ്തകവും
സൂക്ഷിക്കാനായി ഓഫീസിൽ ഏൽപ്പിക്കുന്നത് സുരക്ഷിതമായിരിക്കില്ല.

പ്രീമിയം രസീത് പുസ്തകത്തിൽ പ്രതിമാസമുള്ള പ്രീമിയമടവ് വിവരങ്ങൾ രേഖപ്പടുത്തി
സൂക്ഷിക്കണ്ടതാണ്. അതാത് മാസങ്ങളിലോ അതിന് കഴിയില്ലെങ്കിൽ ഏതാനും മാസങ്ങൾ കുടുമ്പോഴോ പ്രീമിയം അടവ് വിവരങ്ങൽ രേഖപ്പെടുത്തി, ഡ്രായിംഗ് ആന്റ് ഡിസ്ബേഴ്സിംഗ് ഓഫീസറിൽ നിന്നും സാക്ഷ്യപ്പെടുത്തി വാങ്ങി സൂക്ഷിക്കേണ്ടതാണ്.

ഏതെങ്കിലം സാഹചര്യത്തിൽ മേൽപ്പറഞ്ഞ രേഖകൾ തിരിച്ചുകിട്ടാനാവാത്ത വിധം നഷ്ടപ്പെട്ടുപോയാൽ
അവയുടെ ഡൂപ്ലിക്കേറ്റ് എടുത്ത് സൂക്ഷിക്കേണ്ടതാണ്.