കൊവിഡ് നിയന്ത്രണം ലംഘിച്ചു; ബഹ്റൈനില്‍ 23 വ്യാപാര സ്ഥാപനങ്ങള്‍ അടച്ചുപൂട്ടി

മനാമ: കൊവിഡ് വ്യാപന ഭീതി ശക്തമായി നിലനില്‍ക്കെ പെരുമാറ്റച്ചട്ടങ്ങള്‍ ലംഘിച്ച് പ്രവര്‍ത്തിച്ച 23 വ്യാപാര സ്ഥാപനങ്ങള്‍ ബഹ്‌റൈന്‍ അധികൃതര്‍ അടച്ചുപൂട്ടി. ബഹ്‌റൈന്‍ വ്യവസായ- വാണിജ്യ- ടൂറിസം മന്ത്രാലയത്തിന്റേതാണ് നടപടിയെന്ന് ബഹ്‌റൈന്‍ ന്യൂസ് ഏജന്‍സി വ്യക്തമാക്കി.

നേരത്തേയും ഇതേ രീതിയില്‍ കൊവിഡ് നിയന്ത്രണങ്ങള്‍ ലംഘിച്ച് വ്യാപാര സ്ഥാപനം നടത്തിയ ഒരാളെ ഒരു വര്‍ഷത്തെ തടവിന് ശിക്ഷിച്ചിരുന്നു. മറ്റുള്ളവരെ ഫൈന്‍ ഈടാക്കി വിട്ടയച്ചു. 1000 മുതല്‍ 5000 ബഹ്‌റൈന്‍ ദിനാര്‍ വരെയാണ് ഇവരില്‍ നിന്ന് പിഴ ഈടാക്കിയത്.

Also Read: സ്ത്രീകള്‍ക്ക് മയക്ക് ഗുളിക നല്‍കി സെക്സ്; കസ്റ്റമര്‍ ചമഞ്ഞ് പോലീസ്, കുവൈത്തില്‍ ഫാര്‍മസിസ്റ്റ് അറസ്റ്റില്‍

പുതുവര്‍ഷത്തില്‍ മാത്രം മുന്നൂറോളം വ്യാപാര സ്ഥാപനങ്ങളില്‍ അധികൃതര്‍ പരിശോധന നടത്തിയതായി മന്ത്രാലയം അറിയിച്ചു. ആരോഗ്യ വകുപ്പ്, ആഭ്യന്തര വകുപ്പ് എന്നിവയുമായി സഹകരിച്ചായിരുന്നു പരിശോധന. മാസ്‌ക് ധരിക്കാതിരിക്കുക, സാമൂഹിക അകലം പാലിക്കാതെ ഉപഭോക്താക്കളെ പ്രവേശിപ്പിക്കുക.

Also Read: കൊവിഡ് കാലത്തില്ലാത്ത വര്‍ധന; ഇന്ത്യയില്‍ നിന്നുള്ള അരിക്ക് യുഎഇയില്‍ തീ വില, എന്താണ് കാരണം?

അനുവദിച്ചതില്‍ കൂടുതല്‍ ആളുകളെ കയറ്റുക, സാനിറ്റൈസര്‍ ഉള്‍പ്പെടെയുള്ള കൊവിഡ് പ്രതിരോധ സംവിധാനങ്ങള്‍ ഒരുക്കുന്നതില്‍ വീഴ്ച വരുത്തുക തുടങ്ങിയ പെരുമാറ്റച്ചട്ട ലംഘനങ്ങള്‍ കണ്ടെത്തിയതിനെ തുടര്‍ന്നാണ് നടപടി.