നി​യ​മം ലം​ഘി​ച്ച ആ​രോ​ഗ്യ സ്​​ഥാ​പ​നം അ​ട​ച്ചു​പൂ​ട്ടാ​ൻ ഉ​ത്ത​ര​വിട്ട് ബഹ്റെെൻ

ബഹ്റെെൻ: നിയമം ലംഘിച്ച് പ്രവർത്തിക്കുന്ന ആരോഗ്യ സ്ഥാപനം അടച്ചു പൂട്ടാൻ ഉത്തരവിട്ട് ബഹ്റെെൻ. ബഹ്റെെൻ നാഷനൽ ഹെൽത്ത് റെഗുലേറ്ററി അതോറിറ്റിയാണ് ഇക്കാര്യം അറിയിച്ചത്. രാജ്യത്തെ നിയമങ്ങൾ ലംഘിച്ച് പ്രവർത്തിക്കുന്ന സ്ഥാപനങ്ങൾ ആണ് അടച്ചു പൂട്ടാൻ ഉത്തരവ് എത്തിയിരിക്കുന്നത്. രാജ്യത്തെ മറ്റു ആരോഗ്യ സ്ഥാപനങ്ങളിൽ ഇത്തരത്തിൽ നിയമം ലംഘിച്ച് പ്രവർത്തിക്കുന്നുണ്ടോ എന്ന് കണ്ടെത്താൻ പരിശോധന നടത്തി.

Also Read: യുഎഇ പ്രസിഡന്റിന്റെ മൃതദേഹം സംസ്‌ക്കരിച്ചു; അബുദാബി ഹൈന്ദവ ക്ഷേത്രത്തില്‍ പ്രത്യേക പ്രാര്‍ഥന . സംസ്കാരത്തിന്റെ ചിത്രങ്ങൾ കാണാം. മലയാളികള്‍ അടക്കമുള്ള പ്രവാസി സമൂഹവും നമസ്‌ക്കാരത്തില്‍ പങ്കാളികളായി.

അടച്ചുപൂട്ടിയ ആരോഗ്യസ്ഥാപനങ്ങളിലെ മെഡിക്കൽ ഉപകരണങ്ങൾ എല്ലാം കണ്ടുകെട്ടാൻ തീരുമാനിച്ചു. കൊമേഴ്സ്യൽ രജിസ്ട്രേഷൻ അനുമതി മേടിക്കാത്ത സ്ഥാപനങ്ങളിലെ മെഡിക്കൽ ഉപകരണങ്ങളും വസ്തുക്കളും അതോറിറ്റിയുടെ അനുമതിയില്ലാതെ ഇറക്കുമതി ചെയ്തത് ആണ് എന്ന് അതോറിറ്റി കണ്ടെത്തി. കൂടാതെ കാലാവധി കഴിഞ്ഞ പല ഉപകരണങ്ങളും കണ്ടെത്തി. നിയമം ലംഘിച്ച് ഒരേ വിലാസത്തിൽ മറ്റൊരു ലെെസൻസ് കൂടി സംഘടിപ്പിച്ചാണ് ഇവർ ഇവിടെ തട്ടിപ്പ് നടത്തിയിരുന്നത്.

Also Read: മസ്കത്ത് മുനിസിപ്പാലിറ്റിയുടെ 'സുവർണ ജൂബിലി നടപ്പാത പദ്ധതി'; ആദ്യഘട്ട പ്രവർത്തനങ്ങൾക്ക് തുടക്കമായി

അതേസമയം, എയ്ഡ്സിനെതിരെ പ്രഥമ അന്താരാഷ്ട്ര സമ്മേളനത്തിന് വേദിയാകുന്നത് ബഹ്റെെൻ ആയിരിക്കും. സെപ്റ്റംബർ 22, 23 ന് ആണ് സമ്മേളനം നടക്കുന്നത്. ആരോഗ്യ കാര്യ സുപ്രീം കൗൺസിൽ ചെയർമാൻ ലഫ്. ജനറൽ ശൈഖ് മുഹമ്മദ് ബിൻ അബ്ദുല്ല ആൽ ഖലീഫയുടെ അധ്യക്ഷതയിൽ ആണ് പരിപാടി നടക്കുന്നത്. 'എയ്ഡ്സ് ജീവിതത്തിന്‍റെ അവസാനമല്ല'എന്ന പ്രമേയത്തിലാണ് സമ്മേളനം നടക്കുന്നത്. സമ്മേളനത്തിൽ പങ്കെടുക്കാൻ വേണ്ടി സർക്കാർ അതോറിറ്റികളും, വിവിധ മന്ത്രാലയങ്ങളും, സ്വകാര്യ മേഖലയിൽ പ്രവർത്തിക്കുന്നവരും എത്തും. എയ്ഡ്സ് വ്യാപനം തടയുന്നതിന്റെ ഭാഗമായി പല തരത്തിലുള്ള വഴികളും രാജ്യത്ത് നടപ്പാക്കാൻ തീരുമാനിക്കും. ഇതിന് ആവശ്യമായ കാര്യങ്ങൾ ചർച്ച ചെയ്യും.