ബഹ്റൈന്: ബഹ്റൈനിൽ കൊവിഡ് കേസുകള് കൂടിവരുകയാണ്. കൊവിഡ് ആദ്യമായി റിപ്പോര്ട്ട് ചെയ്തിട്ട് ഒരു വർഷം തികയാനിരിക്കെയാണ് കൂടുതല് കേസുകള് ഇപ്പോള് എത്തിയിരിക്കുന്നത്. രോഗികളുടെ എണ്ണം കൂടുന്നത് വലിയ ആശങ്കയാണ് ബഹ്റൈനിൽ സൃഷ്ട്ടിക്കുന്നത്. 896 പേർക്കാണ് കഴിഞ്ഞ ദിവസം പുതുതായി രോഗം സ്ഥിരീകരിച്ചത്. കൊവിഡ് പ്രതിരോധ മുന്കരുതല് കര്ശനമായി പാലിക്കണമെന്നാണ് അധികൃതര് നല്ക്കുന്ന മുന്നറിയിപ്പ്.
Also Read: കൊവിഡ് 19: ഒത്തുചേരലുകള് അനുവദിക്കില്ല, അടുത്ത 20 ദിവസത്തേക്ക് നിയന്ത്രണങ്ങള് ശക്തമാക്കി സൗദി
കൊവിഡ് രോഗികള് ഉയര്ന്നു വരുന്ന സാഹചര്യത്തില് കര്ശന നിര്ദ്ദേശവുമായാണ് ഭരണകൂടം എത്തിയിരിക്കുന്നത്. ഹോട്ടലുകളില് ഭക്ഷണം നല്ക്കുന്നത് നിര്ത്തി. ജിംനേഷ്യം, കായിക കേന്ദ്രങ്ങള് എന്നിവ എല്ലാം നിര്ത്തി. പള്ളികളില് രണ്ടാഴ്ചത്തേക്ക് പ്രാര്ഥനകള് ഇല്ല. കൊവിഡ് പ്രതിരോധത്തിന്റെ മുന് കരുതല് നടപടികള് പാലിക്കാത്തവര്ക്ക് കര്ശന മുന്നറിയിപ്പും നല്കിയിട്ടുണ്ട്. . ബഹ്റൈനിൽ പുതിയ കൊവിഡിന്റെ വകഭോദം കണ്ടെത്തിയ സാഹചര്യത്തിലാണ് നിയന്ത്രണങ്ങള് ശക്തമാക്കിയിരിക്കുന്നത്.