ഭാര്യയ്‍ക്ക് വേണ്ടി കൊവിഡ് പരിശോധനാ ഫലത്തില്‍ കൃത്രിമം; സാമ്പിള്‍ ശേഖരിച്ചത് പ്രതിയായ ഡോക്ടര്‍

ബഹ്റെെൻ: കഴിഞ്ഞ വര്‍ഷം നവംബറിലായിരുന്നു സംഭവം നടക്കുന്നത്. ഭാര്യയ്‍ക്ക് വേണ്ടി കൊവിഡ് പരിശോധനാ ഫലത്തില്‍ ഡോക്ടറായ ഭർത്താവ് കൃത്രിമം കാണിച്ചു. ഈ കേസിന്റെ വിധിയാണ് ബഹ്റൈന്‍ കോടതി അടുത്തയാഴ്‍ച വിധിക്കുന്നത്. ഭാര്യയെ കൂടാതെ ഇയാള്‍ വ്യാജ കൊവിഡ് പരിശോധനാ ഫലം മറ്റൊരാൾക്ക് വേണ്ടിയും തയ്യാറാക്കി നൽകിയിരുന്നു. കൊവിഡ് സർട്ടിഫിക്കറ്റ് നൽകിയ രണ്ട്പേരുടേയും സാമ്പിൾ ശേഖരിച്ചത് പ്രതിയായ ഡോക്ടറായിരുന്നു.

Also Read: ആചാരങ്ങൾ പൂർത്തിയാക്കണം; രണ്ട് മാസം മുമ്പ് സൗദിയിൽ സംസ്കരിച്ച പ്രവാസിയുടെ മൃതദേഹം പുറത്തെടുത്ത് നാട്ടിലേക്ക് അയച്ചു

ബഹ്റെെനിൽ നിന്നും യാത്ര പുറപ്പെടുന്നതിന് വേണ്ടിയാണ് ഇവർ വ്യാജ കൊവിഡ് പരിശോധനാ ഫലം ഹാജരാക്കിയത്. ബഹ്റൈന്‍ അന്താരാഷ്‍ട്ര വിമാനത്താവളത്തിൽ നടത്തിയ പരിശോധനയിലാണ് കള്ളത്തരം പുറത്തുവന്നത്. യാത്രക്കാര്‍ക്ക് കൊവിഡ് പരിശോധനയിലെ നെഗറ്റീവ് ഫലം നിർബന്ധമാക്കിയ സാഹചര്യത്തിലാണ് ഇത്തരത്തിലൊരു സംഭവം നടന്നത്. ഭാര്യയെയും മറ്റൊരാളെയും മറ്റൊരു രാജ്യത്തേക്ക് പറഞ്ഞു വിടുന്നതിന് വേണ്ടിയാണ് ഡോക്ടർ ഇത്തരത്തിലൊരു പരിപാടി ചെയ്തത്.

Also Read: കുവൈറ്റിലെ അമേരിക്കന്‍ സൈനിക താവളം അക്രമിക്കപ്പെട്ടുവെന്ന വാര്‍ത്ത ശരിയല്ലെന്ന് യുഎസ്

താന്‍ തന്നെയാണ് കൊവിഡ് പരിശോധനക്കായി സാമ്പിൾ ശേഖരിച്ചത്. പിന്നീട് വിവരങ്ങൾ ജീവനക്കാരന് നല്‍കി. സാമ്പിളുകളിൽ കൃത്രിമം കാണിച്ചു. ഇതുവഴി പരിശോധനാ ഫലം നെഗറ്റീവായി. കുറ്റം ഡോക്ടർ സമ്മതിച്ചു. കൊവിഡ് പരിശോധനയിൽ കൃത്രിമം കാണിക്കുന്നവര്‍ക്ക് 10 വര്‍ഷം വരെ ജയില്‍ ശിക്ഷ ലഭിക്കുമെന്ന് ബഹ്റെെൻ നേരത്തെ തന്നെ അറിയിച്ചിരുന്നു.