ഭക്ഷണം ഉണ്ടാക്കിയത് ഇഷ്ടമായില്ലെന്ന് പരാതി; സഹതാമസക്കാരനെ ബഹ്‌റൈനില്‍ പ്രവാസി കുത്തിക്കൊലപ്പെടുത്തി

ഭക്ഷണം പാകം ചെയ്തത് ഇഷ്ടമായില്ലെന്ന് പരാതി പറഞ്ഞ സഹതാമസക്കാരനെ ബഹ്‌റൈനില്‍ പ്രവാസി കുത്തിക്കൊലപ്പെടുത്തി. പ്രതിയായ യുവാവ് ഉണ്ടാക്കിയ ഭക്ഷണത്തെപ്പറ്റി സഹതാമസക്കാരന്‍ പരാതി പറഞ്ഞിരുന്നു. ഇത് ചോദ്യം ചെയ്ത് ഇരുവരും തമ്മില്‍ തര്‍ക്കമായി.

ഇരുവരും തമ്മിലുള്ള തര്‍ക്കത്തിന് ശേഷം പിറ്റേ ദിവസം ആണ് പ്രതി പോക്കറ്റില്‍ കത്തിയുമായി എത്തി സഹതാമസക്കാരനെ കൊലപ്പെടുത്തിയത്. ലേബര്‍ ക്യാമ്പിന് പുറത്തുവെച്ചായിരുന്നു സംഭവം നടന്നത്. പ്രതി കുറ്റം സമ്മതിച്ചു. മുന്‍കൂട്ടി ആസൂത്രണം ചെയ്തല്ല പ്രതി കുറ്റം ചെയ്തതെന്ന് ബഹ്റൈന്‍ ക്രിമിനല്‍ കേടാതി കണ്ടെത്തി.

Also Read: നിയമലംഘനം: സൗദി മൊബൈല്‍ സേവന ദാതാക്കള്‍ക്ക് നാലു കോടി റിയാല്‍ പിഴ

കുത്തിയ ശേഷം പ്രതി സംഭവ സ്ഥലത്ത് നിന്നും ഓടി പോയി. സല്‍മാനിയ മെഡിക്കല്‍ കോംപ്ലക്‌സിനുള്ളില്‍ വെച്ചാണ് പ്രതിയെ അറസ്റ്റ് ചെയ്തത്. സംഭവം നടന്ന് അര മണിക്കൂറിനുള്ളില്‍ തന്നെ പ്രതിയെ പോലീസ് അറസ്റ്റ് ചെയ്തു.