നഗരങ്ങളിൽ സൗന്ദര്യവത്കരണം ; പ്രത്യേക പരിഗണന നൽകാൻ സമിതി രൂപീകരിച്ച് കുവെെറ്റ്

കുവെെറ്റ്: കുവെെറ്റിൽ വലിയ മാറ്റങ്ങൾ ആണ് ലക്ഷ്യം വെക്കുന്നത്. നഗരങ്ങൾ മോടിപിടിപ്പിക്കുന്നത് കൂടാതെ, വനവത്കരണം, കൃഷി എന്നിവ പ്രോത്സാഹിപ്പിക്കാനും ആവശ്യമായ പരിപാടികൾ ആസുത്രണം ചെയ്യും. പ്രകൃതി സംരക്ഷണത്തിന് പ്രത്യേക പരിഗണന നൽക്കുന്നതിനായി പ്രത്യേക സമിതി തന്നെ കുവെെറ്റിൽ നിലവിൽ വന്നിട്ടുണ്ട്. കുവെെറ്റിലെ പൊതുമരാമത്ത്, ജല, വൈദ്യുതി മന്ത്രി ആണ് പ്രത്യേക സമിതി രൂപവത്കരിച്ചത്.

Also Read: ജൂൺ 13 മുതൽ ഹമദ് രാജ്യാന്തര വിമാനത്താവളത്തിൽ നിയന്ത്രണങ്ങൾ, അറിയേണ്ടതെല്ലാം

കാർഷിക മത്സ്യവിഭവ അതോറിറ്റി, പൊതുമരാമത്ത് മന്ത്രാലയം, വൈദ്യുതി മന്ത്രാലയം തുടങ്ങിയ മന്ത്രാലയത്തിലെ ഉദ്യോഗസ്ഥർ അടങ്ങുന്ന സമിതിയാണ് കുവെെറ്റ് രൂപീകരിച്ചിരിക്കുന്നത്. നിയമിച്ച് സമിതിയെ കുവെെറ്റ് മന്ത്രി നേരിട്ട് നയിക്കും. കുവെെറ്റിലെ ആൾ താമസം ഉള്ള സ്ഥലങ്ങളിലും, ഉൾ ഏരിയകളിലും റോഡിന്റെ ഇരുവശത്തും പാർക്കുകളിലും മരങ്ങൾ വെച്ച് പിടിപ്പിക്കും. ഇതിന് ആവശ്യമായ പദ്ധതികൾ ആണ് ആദ്യഘട്ടത്തിൽ സമിതി തയ്യാറാക്കുന്നത്.

Also Read: നഷ്ടപരിഹാരങ്ങളുടെ കാര്യത്തില്‍ മുസ്ലിംകള്‍ക്കും അല്ലാത്തവര്‍ക്കും ഇടയിലെ വിവേചനം ഒഴിവാക്കാന്‍ സൗദി

കുവെെറ്റ് റോഡരികിൽ പിടിപ്പിക്കുന്ന മരങ്ങൾ കാലാവസ്ഥക്ക് അനുയോജ്യമായ രീതിയിൽ ആണോ എന്ന കാര്യം നോക്കണം. കുറഞ്ഞ ജലസേചനവും പരിചരണവും മാത്രം നൽകുന്ന മരങ്ങൾ ആയിരിക്കും വേണ്ടത്. അത്തരത്തിലുള്ള മരങ്ങൾക്ക് മാത്രമേ റോഡരികിൽ പിടിപ്പിക്കാൻ പാടുള്ളു. വെച്ച മരങ്ങൾ ശ്രദ്ധയോടെ പരിപാലിക്കണം. ഇതിന് ആവശ്യമായ സൗകര്യങ്ങൾ ഒരുക്കണം. വെച്ച മരങ്ങളുടെ സ്ഥിരം സംവിധാനവും മേൽനോട്ടവും ഉറപ്പുവരുത്താനാണ് ഇത്തരത്തിൽ ഒരു സമിതി തന്നെ രൂപീകരിച്ചിരിക്കുന്നത്.