കുവൈറ്റ്: കുവൈറ്റി രണ്ട് വയസുകാരി മരണപ്പെട്ട സംഭവത്തില് പ്രവാസിയായ വീട്ടുജോലിക്കാരി അറസ്റ്റില്. എത്യോപ്യന് സ്വദേശിനിയായ വീട്ടുജോലിക്കാരിയെയാണ് കുവൈറ്റ് പോലീസ് അറസ്റ്റ് ചെയ്തത്. കഴിഞ്ഞ ദിവസം ആയിരുന്നു സ്വദേശിയായ രണ്ട് വയസുകാരി പെണ്കുട്ടി മരിച്ചത്.
പെണ്കുട്ടി മരിച്ചതുമായി ബന്ധപ്പെട്ട് ചോദ്യം ചെയ്യാന് വേണ്ടിയാണ് വീട്ടുജോലിക്കാരിയെ പോലീസ് കസ്റ്റഡിയില് എടുത്തത്. പെണ്കുട്ടി മരണപ്പെട്ടതുമായി ബന്ധപ്പെട്ട് വിവരം ലഭിച്ച ഉടന് തന്നെ ആഭ്യന്തര മന്ത്രാലയത്തിലെ ഉദ്യോഗസ്ഥര് വീട്ടിലെത്തി അന്വേഷണം ആരംഭിച്ചിരുന്നു. സുരക്ഷാ ഉദ്യോഗസ്ഥരും പാരാമെഡിക്കല് ജീവനക്കാരും സ്ഥലം വിശദമായി പരിശോധിച്ച ശേഷം ആണ് മൃതദേഹം ഫോറന്സിക് വിഭാഗത്തിലേക്ക് മാറ്റിയത്.
Also Read:
വീട്ടുജോലിക്കാരിക്ക് മരണത്തില് പങ്കുണ്ടെന്ന് പോലീസ് ഇതുവരെ പറഞ്ഞിട്ടില്ല. ഇവരെ കസ്റ്റഡിലെടുത്ത് ചോദ്യം ചെയ്യല് പുരോഗമിക്കുകയാണ് . കുവെെറ്റിലെ പ്രാദേശിക മാധ്യമങ്ങളാണ് വാര്ത്തകള് പുറത്തുവിട്ടിരിക്കുന്നത്.