കുവൈറ്റിലേക്ക് ഇന്ത്യയില്‍ നിന്ന് ആഗ്‌സ്ത് 10 വരെ വിമാനങ്ങളില്ല

കുവൈറ്റ് സിറ്റി: ആഗസ്ത് ഒന്നുമുതല്‍ കുവൈറ്റ് വിദേശ വിമാനയാത്രാ വിലക്ക് പിന്‍വലിക്കുമെങ്കിലും ഇന്ത്യ ഉള്‍പ്പെടെ അഞ്ച് രാജ്യങ്ങളില്‍ നിന്നുള്ള വിമാനങ്ങള്‍ക്കുള്ള വിലക്ക് ആഗസ്ത് 10 വരെ തുടരും. കുവൈറ്റ് ഡയരക്ടറേറ്റ് ഓഫ് സിവില്‍ ഏവിയേഷന്‍ എയര്‍ലൈനുകള്‍ക്ക് അയച്ച സര്‍ക്കുലറിലാണ് ഈ അറിയിപ്പുള്ളത്. ഇന്ത്യയ്ക്കു പുറമെ, പാകിസ്താന്‍, ശ്രീലങ്ക, ബംഗ്ലാദേശ്, നേപ്പാള്‍ എന്നിവയാണ് യാത്രാ വിലക്ക് തുടരുന്ന മറ്റ് രാജ്യങ്ങള്‍. ഈ രാജ്യങ്ങളില്‍ നിന്ന് നേരിട്ടുള്ള വിമാനങ്ങള്‍ക്കും ട്രാന്‍സിറ്റ് വിമാനങ്ങള്‍ക്കും വിലക്ക് ബാധകമാണ്.

Also Read: അബുദാബി: സാനിറ്റൈസര്‍ തെറിച്ച് നാലു വയസുകാരിയുടെ കണ്ണിന് ഗുരുതര പരിക്ക്
ഇതേത്തുടര്‍ന്ന് ഈ രാജ്യങ്ങളില്‍ നിന്നുള്ള ടിക്കറ്റ് ബുക്കിംഗ് എയര്‍ലൈനുകള്‍ നിര്‍ത്തിവച്ചു. അതേസമയം, നിരോധനമുള്ള രാജ്യങ്ങളില്‍ നിന്നുള്ളവര്‍ക്ക് മൂന്നാമതൊരു രാജ്യത്ത് 14 ദിവസത്തെ ക്വാറന്റൈന്‍ വേണമെന്ന് നിബന്ധനയില്ലെന്നും ഡയരക്ടറേറ്റ് ഓഫ് സിവില്‍ ഏവിയേഷന്‍ അറിയിച്ചു. രാജ്യത്ത് റെസിഡന്‍സി വിസയുള്ളവരും ഫൈസര്‍, ആസ്ട്രാസെനെക്ക, മൊഡേണ വാക്‌സിനുകളുടെ രണ്ട് ഡോസുകളോ ജോണ്‍സണ്‍ ആന്റ് ജോണ്‍സന്റെ ഒരു ഡോസോ എടുത്തവരുമായ പ്രവാസികള്‍ക്കാണ് പ്രവേശനാനുമതി നല്‍കുക. വാക്സിനേഷന്‍ സര്‍ട്ടിഫിക്കറ്റിനൊപ്പം 72 മണിക്കൂറിനിടയില്‍ എടുത്ത പിസിആര്‍ ടെസ്റ്റിലെ നെഗറ്റീവ് സര്‍ട്ടിഫിക്കറ്റും നിര്‍ബന്ധമാണ്. ഇതിനു പുറമെ, കുവൈറ്റിലെത്തുന്നവര്‍ക്ക് ഹോം ക്വാറന്റൈനും നിര്‍ബന്ധമാണ്. ക്വാറന്റൈന്‍ അവസാനിപ്പിക്കാന്‍ ആഗ്രഹിക്കുന്നവര്‍ മൂന്നാം ദിവസം വീണ്ടും പിസിആര്‍ ടെസ്റ്റിന് വിധേയരാവണം. ടെസ്റ്റ് ഫലം നെഗറ്റീവാണെങ്കില്‍ മൂന്നു ദിവസം കഴിഞ്ഞ് ക്വാറന്റൈന്‍ ഒഴിവാക്കാം.

Also Read:
വാ​ക്​​സി​നെ​ടു​ക്കാ​ൻ വി​സ​മ്മ​തി​ക്കു​ന്ന​വ​ർ​ക്കെ​തി​രെ എ​ന്ത്​ ന​ട​പ​ടി വേ​ണ​മെ​ന്ന കാ​ര്യം ആ​ലോ​ച​ന​യി​ല്‍: ഒമാന്‍ ആരോഗ്യമന്ത്രി
അതേസമയം, ആരോഗ്യപരമായ കാരണങ്ങളാല്‍ വാക്‌സിനേഷന്‍ എടുക്കുന്നതില്‍ നിന്ന് ഇളവ് അനുവദിക്കപ്പെട്ടവര്‍ക്ക് കുവൈറ്റിലേക്ക് പ്രവേശനം അനുവദിക്കില്ലെന്ന് കുവൈറ്റ് അന്താരാഷ്ട്ര വിമാനത്താവളം അധികൃതരെ ഉദ്ധരിച്ച് അല്‍ ഖബസ് പത്രം റിപ്പോര്‍ട്ട് ചെയ്തു. എന്നാല്‍ വാക്‌സിനെടുക്കാത്ത 16 വയസ്സിന് താഴെയുള്ള കുട്ടികള്‍ വാക്‌സിനെടുത്ത മുതര്‍ന്നവര്‍ക്കൊപ്പമാണ് വരുന്നതെങ്കില്‍ അവരെ അനുവദിക്കും.