കു​വൈ​റ്റി​ല്‍നി​ന്ന് പ്ര​വാ​സി​ക​ൾ നാ​ട്ടി​ലേ​ക്ക് അ​യ​ക്കു​ന്ന പ​ണ​ത്തി​ല്‍ വ​ർ​ധ​ന

കുവെെറ്റ്: കുവെെറ്റിൽ നിന്നും പ്രവാസികൾ നാട്ടിലേക്ക് അയക്കുന്ന പണത്തിൽ വർധന. കഴിഞ്ഞ വർഷത്തെ കണക്കുകൾ പരിശോധിക്കുമ്പോൾ ആണ് ഈ വർധനവ് കാണുന്നത്. 3.6 ശതമാനത്തിലേറെ വർധനയുണ്ടായതായി കണക്കുകൾ വ്യക്തമാക്കുന്നത്. സെൻട്രൽ ബാങ്ക് ഓഫ് കുവൈറ്റ് പുറത്തുവിട്ട കണക്കുകൾ ആണ് ഇക്കാര്യം വ്യക്തമാക്കുന്നത്.

ബാങ്കുകള്‍, ധനകാര്യ സ്ഥാപനങ്ങള്‍ എന്നിവ കൂടാതെ കുവെെറ്റിലെ പ്രവാസികൾ നാട്ടിലേക്ക് അയച്ചത് 4.27 ബില്യൺ ദിനാറാണ്. 2022ലെ കണക്കുകൾ പരിശോധിക്കുമ്പോൾ വർഷത്തിന്റെ തുടക്കത്തിൽ 1.49 ബില്യൺ ദിനാർ നാട്ടിലേക്ക് അയച്ചപ്പോൾ രണ്ടാം പകുതിയിൽ 1.51 ബില്യൺ ദിനാർ ആണ് അയച്ചത്. വർഷത്തിന്റെ മൂന്നാം പാതത്തിൽ 1.28 ബില്യൺ ദിനാറുമാണ് കുവെെറ്റിൽ നിന്നും വിദേശികൾ നാട്ടിലേക്ക് അയച്ചത്. കഴിഞ്ഞ വർഷത്തെ അപേക്ഷിച്ച് വിദേശികൾ നാട്ടിലേക്ക് അയച്ച പണത്തിന്റെ 3.6 ശതമാനം വർധിച്ചതായി ആണ് അധികൃതർ പുറത്തുവിടുന്ന റിപ്പോർട്ടിൽ പറയുന്നത്.

Also Read: കൊവിഡ് വാക്സിൻ മുഴുവൻ ഡോസും എടുത്തിട്ടില്ലെന്നും അതിനുവേണ്ടി രജിസ്റ്റർ ചെയ്യണമെന്നു പറഞ്ഞ് വാട്സ്ആപ് കോൾ; ജാഗ്രത

ഇന്ത്യ, ബംഗ്ലാദേശ്, ഈജിപ്ത് അടക്കമുള്ള രാജ്യങ്ങളിലെ കറൻസികൾ മൂല്യം കുറഞ്ഞതാണ് കുവെെറ്റ് ദിനാർ വിനിമയ നിരക്കിൽ വലിയ വർധവാണ് ഉണ്ടാക്കിയത്. കൊവിഡ് അവാസിച്ചതോടെ പലരും കുവെെറ്റിൽ ജോലിക്കായി എത്തി. പല തൊഴിൽ മേഖലകളും മെച്ചപ്പെടുത്തി. നിരവധി പേർ ജോലിക്കായി എത്തി. ഇതെല്ലാം പണത്തിന്റെ ഒഴുക്ക് മറ്റു രാജ്യങ്ങളിലേക്ക് കൂടാൻ കാരണമായി.

Also Read: ലോകകപ്പിന് ശേഷവും ഖത്തറിന് വിശ്രമമില്ല; 2023ലെ 300 ദിവസവും മെഗാ ആഘോഷങ്ങള്‍- അറിയേണ്ടതെല്ലാം..
അതേസമയം, കുവെെറ്റ് സാറ്റ്-1 വിജയകരമായി വിക്ഷേപിച്ചതോടെ സമാനമായ രണ്ടാമത്തെ പദ്ധതിയിലേക്ക് കുവെെറ്റ് കടന്നു. കുവെെറ്റ് സാറ്റ് 2 ആണ് അടുത്ത ലക്ഷ്യം. മൂന്ന് വർഷത്തിനുള്ളിൽ രണ്ടാമത്തെ ഉപഗ്രഹം വിക്ഷേപിക്കും എന്നാണ് കുവെെറ്റ് പ്രതീക്ഷിക്കുന്നത്. അതിന് വേണ്ടിയുള്ള തയ്യാറെടുപ്പുകൾ നടത്തുകയാണ് ഇപ്പോൾ അധികൃതർ. ഇത്തരത്തിലുള്ള പ്രവർത്തനങ്ങൾ‍ക്ക് നേതൃത്വം വഹിക്കുന്നതിന്റെ ഒരുക്കത്തിൽ ആണ് കുവെെറ്റ്. കുവെെറ്റ് സാറ്റിന്റെ നിർണായക ചുമതലകൾ വഹിച്ച ഡോ. യാസർ അബ്ദുൽ റഹിം ആണ് ഈ പദ്ധതിയെ കുറിച്ച് പറഞ്ഞത്. ക്യൂബ് സാറ്റ് 2 ഇനത്തിൽ ആണ് പുതിയ ഉപഗ്രഹം ഉൾപ്പെടുന്നത്. അത് കൊണ്ട് പഴയതിനേക്കാളും കൂടുതൽ വലുതായിരിക്കും.

Read Latest Gulf News and Malayalam News