കുവൈറ്റ് യുഎസ് എംബസിയിലെ ഇന്ത്യന്‍ ഉദ്യോഗസ്ഥന്‍ ആത്മഹത്യ ചെയ്ത നിലയില്‍

കുവൈറ്റ് സിറ്റി: കുവൈറ്റിലെ അമേരിക്കന്‍ എംബസിയിലെ സുരക്ഷാ ചുമതലയുള്ള ഇന്ത്യന്‍ ഉദ്യോഗസ്ഥന് സ്വയം വെടിവച്ച് മരിച്ചു. ഇന്നലെ രാവിലെ ബയാന്‍ പ്രദേശത്തെ യുഎസ് എംബസി കെട്ടിടത്തിലാണ് ജഗദീഷ് (44) ആത്മഹത്യ ചെയ്തത്. സ്വന്തം പിസ്റ്റള്‍ ഉപയോഗിച്ച് തലയിലേക്ക് നിറയൊഴിക്കുകയായിരുന്നുവെന്ന് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.

Also Read: ഉംറ തീര്‍ഥാടനം പുനരാരംഭിച്ചു; വിദേശികള്‍ക്ക് ആഗസ്ത് 10 മുതല്‍ അനുമതി
വെടിയൊച്ച കേട്ട് സുരക്ഷാ ഉദ്യോഗസ്ഥര്‍ എംബസി കെട്ടിടത്തിനകത്തേക്ക് കുതിച്ചെത്തിയപ്പോള്‍ കണ്ടത് കുളിമുറിയില്‍ രക്തത്തില്‍ കുളിച്ചു കിടക്കുന്ന ജഗദീഷിനെയാണ്. തലയിലേക്കാണ് ഇയാള്‍ വെടിയുതിര്‍ത്തതെന്ന് അധികൃതര്‍ അറിയിച്ചു. ജഗദീഷ് ഏത് സംസ്ഥാനത്ത് നിന്നുള്ളയാളാണെന്നോ ആത്മഹത്യയുടെ കാരണം എന്തെന്നോ വ്യക്തമായിട്ടില്ല. മൃതദേഹം ഫോറന്‍സിക് പരിശോധനയ്ക്ക് വിധേയമാക്കി.