വേനൽ അടുത്തുവരുന്നു, മുൻകരുതൽ നടപടികൾ പാലിക്കുന്നുവെന്ന് ഉറപ്പാക്കാൻ പരിശോധന ആരംഭിച്ച് കുവെെറ്റ്

കുവൈറ്റ്: തണുപ്പ് കഴിഞ്ഞ് വേനൽ അടുത്ത് വരുന്ന സാഹചര്യത്തിൽ അഗ്നിസുരക്ഷ പാലിക്കുന്നത് ഉറപ്പാക്കാൻ പരിശേധനയുമായി കുവെെറ്റ് അധികൃതർ. ഇതിന്റെ ഭാഗമായി ഫീൽഡ് പരിശോധന അധികൃതർ ആരംഭിച്ചു. സുരക്ഷ മാനദണ്ഡങ്ങൾ പാലിക്കാത്ത സ്ഥാപനങ്ങൾക്കെതിരെ ശക്തമായ നടപടി സ്വീകരിക്കും. പരിശോധന നടത്തിയ 11 സ്ഥാപനങ്ങൾക്ക് മുന്നറിയിപ്പ് നൽകിയിട്ടുണ്ട്. കുവൈറ്റിലെ ശുവൈഖ് ഭാഗത്താണ് പരിശോധന നടത്തിയത്.

Also Read: ശരീരത്തിന്‍റ ഒരു ഭാഗം തളർന്നു; ആശുപത്രിയിൽ ചികിത്സയിലായിരുന്ന പ്രവാസി നാട്ടിലേക്ക്. 14 വർഷം മുമ്പായിരുന്നു അദ്ദേഹം ജോലി തേടി എത്തിയത്.

എല്ലാ ഗവർണറേറ്റുകളിലും പരിശോധന നടത്താൻ ആണ് തീരുമാനിച്ചിരിക്കുന്നത്. വാണിജ്യ സ്ഥാപനങ്ങളിലും കെട്ടിടങ്ങളിലും ഇത്തരത്തിൽ സുരക്ഷ ക്രമീകരണങ്ങൾ ഒരുക്കണം.രാജ്യത്തെ എല്ലാ കെട്ടിടങ്ങളിലും ഇത് ബാധകമാണ്. ഫയർ അലാറം, കൺട്രോൾ സംവിധാനം, വെന്റിലേഷൻ എന്നിവയെല്ലാം ഒരുക്കിയിരിക്കണം. അടുത്ത ദിവസങ്ങളിൽ പരിശോധ ശക്തമാക്കാൻ ആണ് തീരുമാനിച്ചിരിക്കുന്നത്.

Also Read: ആറാട്ട് ഗോപന്റെ ഇൻട്രോ രംഗമാണ് ട്രോളുകളിൽ എത്തി ചിരി പടർത്തുന്നത്. സോഷ്യൽ മീഡിയയിൽ വൈറലായ ട്രോളുകൾ കാണാം

നിയമങ്ങള്‍ ലംഘിച്ച് രാജ്യത്ത് തുടരുന്ന സ്ഥാപനങ്ങള്‍ക്കെതിരെ ശക്തമായ നടപടികൾ സ്വീകരിക്കും. നിയമങ്ങൾ പാലിക്കാത്ത സ്ഥാപനങ്ങൾക്കെതിരെ പരാതി നൽകാം. കുവൈറ്റ് അഗ്നിരക്ഷാ സേനക്ക് പരാതി നൽകാൻ വാട്സ്ആപ്പ് ഉപയോഗിക്കാം എന്നും അധികൃതർ മുന്നറിയിപ്പ് നൽകിയിട്ടുണ്ട്.

രാജ്യത്തെ അഗ്നിസുരക്ഷ ഉദ്യോഗസ്ഥരുടെ സേവനം 24 മണിക്കൂറും ലഭ്യമാണ്. 6591441 എന്ന നമ്പറിൽ വിവരങ്ങൾ അറിയിക്കണം. സ്വദേശികൾക്കും വിദേശികൾക്കും വിവരങ്ങൾ അറിയിക്കാൻ സാധിക്കും. 112 എന്ന ഹോട്ട്ലൈൻ നമ്പറിലും ബന്ധപ്പെടാവുന്നതാണ്. അഗ്നിശമന വകുപ്പ് ആദ്യം പുറത്തിറക്കിയ നമ്പർ ആണ് ഇത്.