ലക്ഷ്യം ശുചിത്വ നിലവാരം ഉറപ്പാക്കുക; കുവെെറ്റിൽ ഫീൽഡ് ക്യാംപയിൻ

കുവെെറ്റ് സിറ്റി: രാജ്യത്ത് ശുചിത്വ നിലവാരം ഉറപ്പാക്കുന്നതിന്‍റെ ഭാഗമായി ഫീൽഡ് ക്യാംപയിനുകൾ കുവെെറ്റിൽ ശക്തമാക്കി. കുവെെറ്റ് മുൻസിപാലിറ്റി ആണ് ഫീൽഡ് ക്യാംപയിൻ ശക്തമാക്കിയിരിക്കുന്നത്. ജഹ്‌റ ഗവർണറേറ്റിൽ രണ്ടാമത്തെ പരിശോധന കഴിഞ്ഞ ദിവസം ഫീൽഡ് ക്യാംപയിന്റെ ഭാഗമായി ആരംഭിച്ചു. കബ്ദ് മേഖലയിൽ അവശിഷ്ടങ്ങളും മാലിന്യങ്ങളും ഇതിന്റെ ഭാഗമായി കഴിഞ്ഞ ദിവസം നീക്കം ചെയ്തു. റോഡിന്റെ പല ഭാഗത്തും ഉപേക്ഷിക്കപ്പെട്ട നിലിയിൽ കണ്ടെത്തിയ സാധനങ്ങൾ എല്ലാം എടുത്ത് കളഞ്ഞു. റോഡിന് തടസ്സം സൃഷ്ട്ടിക്കുന്ന രീതിയിലായിരുന്നു പല തരത്തിലുള്ള സാധനങ്ങളും കിടന്നിരുന്നത്. ഇതെല്ലാം നീക്കം ചെയ്തു. ഉപേക്ഷിക്കപ്പെട്ട എട്ടു കാറുകളാണ് ഈ പ്രദേശത്ത് നിന്നും നീക്കം ചെയ്തത്.


Also Read: ഒരു വർഷത്തോളം കഴിഞ്ഞത് തെരുവിൽ; ഒമാനിൽ പ്രവാസിയായ മലയാളി ഒടുവിൽ നാട്ടിലേക്ക്
ഇവിടെ കിടക്കുന്ന 120 കാറുകൾക്ക് മുന്നറിയിപ്പ് നോട്ടീസ് നൽകിയിട്ടുണ്ട്. ഈ കാറുകളിൽ എല്ലാം അധികൃതർ സ്റ്റിക്കർ പതിപ്പിച്ചിട്ടുണ്ട്. കൂടാതെ ഇവിടെയുളള 3 പലചരക്ക് കടകളിൽ നിയമ ലംഘനം കണ്ടെത്തി. ലചരക്ക് കട ഉടമകളും തൊഴിലാളികളും നിശ്ചയിച്ച സ്ഥലങ്ങളിൽ അല്ലാതെ മാലിന്യം ഉപേക്ഷിക്കുന്ന ശ്രദ്ധയിൽപ്പെട്ടപ്പോൾ ആണ് അദികൃതർ നടപടിയുമായി എത്തിയത്. ഇവർക്കെല്ലാം മുന്നറിയിപ്പ് നൽകിയിട്ടുണ്ട്.

രാജ്യത്തിന്റെ എല്ലാ മേഖലകളിലും പരിശോധന ക്യാംപയിൻ ശക്തമാക്കാൻ ആണ് തീരുമാനിച്ചിരിക്കുന്നത്. ജഹ്‌റ ഗവർണറേറ്റ് മുനിസിപ്പാലിറ്റി പൊതു ശുചിത്വ സൂപ്പർവൈസർ ദഹം അൽ അനാസി ആണ് ഇക്കാര്യം അറിയിച്ചത്. നിയമങ്ങൾ ശ്രദ്ധയിൽപ്പെട്ടാൽ കർശന നടപടി സ്വീകരിക്കും. എന്തെങ്കിലും തരത്തിലുള്ള നിയമ ലംഘനങ്ങൾ കണുകയാണെങ്കിൽ മുനിസിപ്പാലിറ്റി ഹോട്ട്‌ലൈൻ നമ്പറിൽ (139) അറിയിക്കാം.

കൊട്ടാരക്കരയിൽ നടന്ന നോർക്ക - ഇൻഡ്യൻ ബാങ്ക് ലോൺ മേളയിൽ 4.61 കോടി യുടെ വായ്പകള്‍ക്ക് ശിപാര്‍ശ

പ്രവാസിസംരംഭകര്‍ക്കായി നോർക്ക റൂട്ട്സും ഇൻഡ്യൻ ബാങ്കും സംയുക്തമായി കൊല്ലം ജില്ലയിലെ കൊട്ടാരക്കരയിൽ സംഘടിപ്പിച്ച വായ്‌പ്പാനിർണയ ക്യാമ്പിൽ 4.61 കോടി രൂപയുടെ വായ്പകൾക്ക് ശിപാര്‍ശ നൽകി. 41 പ്രവാസി സംരംഭങ്ങൾക്കായാണ് ഈ തുക ലഭിക്കുക. നോര്‍ക്ക ഡിപ്പാര്‍ട്ട്മെന്റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്‍സ് അഥവ എന്‍.ഡി.പി.ആര്‍.ഇ.എം പദ്ധതിപ്രകാരമാണ് വായ്പകള്‍ അനുവദിക്കുക.നടപടിക്രമങ്ങള്‍ പൂര്‍ത്തിയാക്കുന്നമുറയ്ക്ക് വായ്പാ ലഭ്യമാക്കും.

കൊട്ടാരക്കര ഗണപതി ക്ഷേത്രത്തിന് സമീപമുള്ള കല്യാണി ഇവന്റ്സിൽ നടന്ന മേള
ഇൻഡ്യൻ ബാങ്ക് സോണൽ മാനേജർ സാം സമ്പത്ത് ഉദ്ഘാടനം ചെയ്തു. ഇൻഡ്യൻ ബാങ്ക് ചീഫ് മാനേജർ ശ്രീലത, നോര്‍ക്ക റൂട്ട്സ് അസിസ്റ്റന്റ് മാനേജര്‍ ജെന്‍സി ജോസി,
ബീന, ഷിജി, മനോജ് തുടങ്ങിയവർ പങ്കെടുത്തു. മേളയിൽ ആകെ 89 പ്രവാസി സംരംഭകരാണ് പങ്കെടുക്കാനെത്തിയത്.

രണ്ട് വര്‍ഷമെങ്കിലും വിദേശരാജ്യത്ത് ജോലിചെയ്ത ശേഷം സ്ഥിരമായി നാട്ടില്‍ മടങ്ങിയെത്തിയവര്‍ക്കാണ് അപേക്ഷിക്കാന്‍ കഴിയുക. പ്രവാസി സംരംഭങ്ങള്‍ക്ക് ഒരു ലക്ഷം രൂപ മുതല്‍ പരമാവധി 30 ലക്ഷം രൂപ വരെയുളള വായ്പകളാണ് എന്‍.ഡി.പി. ആര്‍.ഇ.എം പദ്ധതി പ്രകാരം അനുവദിക്കുക. കൃത്യമായ വായ്പാ തിരിച്ചടവിന് 15 ശതമാനം മൂലധന സബ്സിഡിയും ആദ്യത്തെ നാലു വര്‍ഷത്തേക്ക് മൂന്ന് ശതമാനം പലിശ സബ്സിഡിയും പദ്ധതി വഴി സംരംഭകര്‍ക്ക് ലഭിക്കും.