തൊ​ഴി​ലു​ട​മ​ക​ൾ​ക്ക് ​വ​ർ​ക്ക് പെ​ർ​മി​റ്റ് വി​വ​ര​ങ്ങ​ൾ ഓ​ൺ​ലൈ​നാ​യി പുതുക്കാം: കുവെെറ്റ്

കുവെെറ്റ്: തൊഴിലുടമകൾക്ക് വർക്ക് പെർമിറ്റ് വിവരങ്ങൾ പുതുക്കാൻ ഓൺലൈനായി അവസരമൊരുക്കി കുവെെറ്റ് മാൻപവർ പബ്ലിക് അതോറിറ്റി. അശ്അൽ ആപ് വഴിയാണ് വിവരങ്ങൾ തിരുത്താൻ സാധിക്കുക. . മാൻപവർ അതോറിറ്റി വക്താവ് അസീൽ അൽ മസായിദ് ആണ് ഇക്കാര്യം അറിയിച്ചത്. ഉദ്യോഗസ്ഥരുടെ പേര്, പാസ്‌പോർട്ട് നമ്പർ, വിദ്യാഭ്യാസ യോഗ്യത തുടങ്ങിയ വിവരങ്ങൾ എല്ലാം മാറ്റാൻ സാധിക്കും. അപേക്ഷ അംഗീകരിച്ചാൽ തൊഴിലാളിയുടെ വിസയിലെ ഡേറ്റ ആഭ്യന്തര മന്ത്രാലയവുമായുള്ള ഇ-ലിങ്ക് വഴി അപ്ഡേറ്റ് ചെയ്യും.

അതേസമയം, കുവെെറ്റ് മിച്ച ബജറ്റ് അവതരിപ്പിക്കുമെന്ന് റിപ്പോർട്ട്. 2014ന് ശേഷം ആദ്യമായാണ് മിച്ച ബജറ്റ് അവതരിപ്പിക്കുമെന്ന് റിപ്പോർട്ട് വരുന്നത്. ബജറ്റ് കമ്മി രണ്ടു മാസം കൊണ്ട് 94 ശതമാനം കുറഞ്ഞു. ഓക്സ്ഫഡ് ഇക്കണോമിക്സ് പഠനം നടത്തിയതിന്റെ അടിസ്ഥാനത്തിൽ ആണ് കണക്കുകൾ പുറത്തുവന്നിരിക്കുന്നത്. ഏഴു ശതമാനം ജി.ഡി.പി വളർച്ചയാണ് കുവെെറ്റ് പ്രതീക്ഷിക്കുന്നത്. 2021ൽ 2.5 ശതമാനം ആയിനിന്നിടത്തു നിന്നും വൻ കുതിപ്പാണുണ്ടായത്.

Also Read: വിമാന യാത്രക്കാർ ലഗേജ് മാറി എടുക്കുന്ന സംഭവങ്ങൾ ആവർത്തിക്കുന്നു; പ്രയാസത്തിലായി യാത്രക്കാർ

എണ്ണയിതര വരുമാനം രാജ്യത്ത് വർധിച്ചിട്ടുണ്ട്. കഴിഞ്ഞ വർഷം 3.1 ശതമാനം വളർച്ചയാണ് എണ്ണയിതര വരുമാനത്തിൽ നിന്നു മാത്രം കുവെെറ്റിന് ഉണ്ടായത്. ഈ വർഷം 4.7 ശതമാനത്തിന്റെ വളർച്ചയാണ് കുവെെറ്റ് പ്രതീക്ഷിക്കുന്നത്. റിയൽ എസ്റ്റേറ്റ് മേഖലയിൽ വലിയ കച്ചവടങ്ങൾ ആണ് കഴിഞ്ഞ വർഷം നടന്നത്. അത് ഇപ്പോഴും ആവർത്തിക്കുമെന്നാണ് കുവെെറ്റ് പ്രതീക്ഷിക്കുന്നത്. വാർഷിക എണ്ണ വരുമാനത്തിൽ11.8 ശതമാനം വർധനയാണ് പ്രതീക്ഷിക്കുന്നത്.

Also Read: പിതാവ് മയക്കുമരുന്ന് കേസില്‍ അറസ്റ്റിൽ; തനിച്ചായ ഒന്‍പത് വയസുകാരിയെ നാട്ടിലെത്തിച്ച് യുഎഇ അധികൃതര്‍

2020ൽ നിന്ന് 2021ൽ എത്തിയപ്പോൾ 10 ശതമാനത്തിന്റെ കുറവാണ് വരുമാനത്തിൽ രേഖപ്പെടുത്തിയത്. 2022ൽ എണ്ണവില ബാരലിന് 112 ഡോളറിനു മുകളിൽ ലഭിക്കുമെന്നാണ് ഇപ്പോൾ കുവെെറ്റ് കണക്കുക്കൂട്ടുന്നത്. ഇപ്പോൾ 118 ഡോളർ വിലയാണ് ഒരു ബാരലിന് ലഭിക്കുന്നത്. എണ്ണ വില ബാരലിന് 65 ഡോളർ കണക്കാക്കിയാണ് ബജറ്റ് തയ്യാറാക്കിയിരിക്കുന്നത്.