പള്ളിയുടെ പാര്‍ക്കിങ് ഏരിയയില്‍ മോഷണം; കുവെെറ്റിൽ യുവാവ് അറസ്റ്റില്‍

കുവെെറ്റ്: കുവെെറ്റിലെ പള്ളിക്ക് സമീപത്ത് പാർക്ക് ചെയ്യുന്ന കാറുകളില്‍ നിന്ന് മോഷണം നടത്തിയ യുവാവിനെ പോലീസ് അറസ്റ്റ് ചെയ്തു, കുവെെറ്റ് പൗരനെയാണ് പോലീസ് അറസ്റ്റ് ചെയ്ത്. 33 വയസുകാരനെയാണ് പോലീസ് അറസ്റ്റ് ചെയ്തത്. വിശ്വാസികൾ പള്ളികളിൽ പ്രാര്‍ത്ഥനക്ക് എത്തുമ്പോൾ കാറുകളില്‍ നിന്ന് മോഷണം നടത്തുന്നതാണ് ഇയാളുടെ രീതി.

Also Read: സ്വദേശിവല്‍ക്കരണം ശക്തമാക്കാന്‍ യുഎഇയും; പദ്ധതി നടപ്പിലാക്കാത്ത കമ്പനികള്‍ക്ക് കനത്ത പിഴ
കാറുകളിൽ മേഷണം നടത്തുന്നതുമായി ബന്ധപ്പെട്ട നിരവധി പരാതികൾ ഉയർന്ന സാഹചര്യത്തിലാണ് പോലീസ് അന്വേഷണം ആരംഭിച്ചത്. തുടർന്ന് അബ്‍ദുല്ല അല്‍ മുബാറക് ഏരിയയിലെ അല്‍ മുവാസിരി പള്ളിയ്ക്ക് സമീപത്ത് നിന്നും ആണ് ഇയാളെ പിടിക്കൂടിയത്. ഡിറ്റക്ടീവ് സംഘം ആയിരുന്നു ഇയാളെ തിരിച്ചറിഞ്ഞത്. പ്രതി മയക്കുമരുന്നിന് അടിമയാണെന്നാണ് പോലീസ് പറയുന്നത്. പ്രതി നേരത്തേയും ഇത്തരത്തിലുള്ള പ്രവർത്തികൾ ചെയ്തിരുന്നത് എന്നാണ് പോലീസ് പറയുന്നത്.



Also Read: സൗദി: ഭിന്നശേഷിക്കാരായ പ്രവാസികള്‍ക്ക് വിവിധ ആനുകൂല്യങ്ങളുമായി തസ്ഹീലാത്ത് കാര്‍ഡ് പുറത്തിറക്കി

ഒരു കേസില്‍ ശിക്ഷക്കപ്പെട്ട് ജയിലിലായിരുന്ന ഇയാള്‍ ഒരു മാസം മുമ്പാണ് ജയിലിൽ നിന്നും പുറത്തിറങ്ങിയത്. ആഭ്യന്തര മന്ത്രാലയം ഇയാളെ തിരിച്ചറിഞ്ഞ് അറസ്റ്റ് ചെയ്തതായി അറിയിച്ചിട്ടുണ്ട്. പോലീസ് അയാളെ ചോദ്യം ചെയ്തു. തുടർന്നു നാല്‍പതിലധികം കാറുകളില്‍ ഇദ്ദേഹം മോഷണം നടത്തിയിട്ടുണ്ടെന്ന് സമ്മതിച്ചിട്ടുണ്ട്. ഫര്‍വാനിയ, ഹവല്ലി ഗവര്‍ണറേറ്റുകളിലായിരുന്നു പ്രധാനമായും മോഷണം നടന്നത്. കയ്യിലുള്ള ഹാമർ ഉപയോഗിച്ച് വാഹനങ്ങളുടെ ഗ്ലാസ് പൊട്ടിക്കും. പിന്നീട് മോഷണം നടത്തും. ഇയാളുടെ കെെവശത്ത് നിന്നും സാധനങ്ങളും, മോഷ്ടിച്ച പണവും കണ്ടെടുത്തു. തുടര്‍ നടപടികള്‍ക്കായി കേസ് പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയം അറിയിച്ചു.

Read Latest Gulf News and Malayalam News