അസുഖത്തെ തുടര്‍ന്ന് ഏറെ നാളായി ചികിത്സയിലായിരുന്ന മലയാളി യുവാവ് മരിച്ചു

കുവെെറ്റ്: കുവെെറ്റിൽ ചികിത്സയിൽ ആയിരുന്ന പ്രവാസി മലയാളി മരിച്ചു. കുവൈറ്റ് കെഎംസിസി കുന്ദമംഗലം മണ്ഡലം അംഗം മുഹമ്മദ് കുട്ടി പിലാശ്ശേരി (ഫൈസല്‍) ആണ് മരിച്ചത്. 44 വയസായിരുന്നു. അസുഖത്തെ തുടര്‍ന്ന് ഏറെ നാളായി ചികിത്സയിൽ ആയിരുന്നു ഇദ്ദേഹം.

പരേതനായ അബ്‍ദുല്ലക്കുട്ടി കുണ്ടത്തിൽ ആണ് പിതാവ്. മാതാവ് മറിയ. ഭാര്യ - ഫൗസിയ. മക്കള്‍ - ഫാത്തിമ ഫിദ, മുഹമ്മദ് തസ്‍നീം, മുഹമ്മദ് യാസീന്‍. എന്നിവർ ആണ്. മൃതദേഹം നാട്ടിലേക്ക് കൊണ്ടുപോകാൻ ആണ് തീരുമാനിച്ചിരിക്കുന്നത്. ഇതിന് വേണ്ടിയുള്ള പ്രവർത്തനങ്ങൾ നടന്നു കൊണ്ടിരിക്കുകയാണ്. കെഎംസിസിയുടെ നേതൃത്വത്തില്‍ ആണ് പ്രവർത്തനങ്ങൾ നടന്നു കൊണ്ടിരിക്കുന്നത്.

Also Read: പ്രവാസികൾക്ക് ഡ്രൈവിങ് ലൈസൻസ് അനുവദിക്കുന്നതിന് പുതിയ ചട്ടങ്ങൾ; പ്രഖ്യാപനവുമായി കുവെെറ്റ്

യുഎഇയിൽ കെട്ടിട വാടകയും സ്കൂൾ ഫീസും വർധിക്കുന്നു

ദുബായിൽ കെട്ടിട വാടകയും സ്കൂൾ ഫീസും വർധിക്കുന്നു. മലയാളികൾ ഉൾപ്പടെ നിരവധി പേർക്ക് തിരിച്ചടിയാകുന്ന തീരുമാനം ആണ് ഇവിടെ എത്തിയിരിക്കുന്നത്. വർധിച്ച ജീവിതച്ചെലവ് എങ്ങനെ പിടിച്ചു നിർത്തും എന്ന ആലോചനയിൽ ആണ് പ്രവാസികൾ ഇപ്പോൾ. ദുബായിലും ഷാർജയിലും ചിലയിടങ്ങളിൽ 10% മുതൽ 25% വരെ വാടക ഉയർന്നിട്ടുണ്ടെന്നാണ് റിപ്പോർട്ട്. ചില എമിരേറ്റുകളിൽ 5% വീതം വാടക കൂടിയിട്ടുണ്ട്.

വാടക വർധനയിൽ നിന്നും രക്ഷപ്പെടാൻ പലരും ടൗണിൽ നിന്നും ദൂരേക്ക് താമസം മാറുകയാണ് പതിവ്. വീടുമാറ്റം വലിയ ബുദ്ധിമുട്ടായതിനാൽ പലരും ഇപ്പോൾ വാടക കൂട്ടി നൽകുന്നതിനെ കുറിച്ച് ചിന്തിച്ചു തുടങ്ങി. സ്കൂൾ ഫീസ് വർധിപ്പിച്ചതും വാടക കൂടിയതും ഒരുപോലെ പ്രവാസികളെ പ്രയാസത്തിൽ ആക്കിയിരിക്കുകയാണ്.

Read Latest Gulf News and Malayalam News