രാ​ജ്യ​ത​ല​സ്ഥാ​നം മോ​ടി​കൂ​ട്ടാ​ൻ പ​ദ്ധ​തി​യു​മാ​യി കു​വൈ​റ്റ് മുനിസിപ്പാലിറ്റി

കുവെെറ്റ്: കുവെെറ്റ് രാജ്യതലസ്ഥാനം മോടിക്കൂട്ടാൻ പദ്ധതിയുമായി കുവെെറ്റ് മുനിസിപ്പാലിറ്റി. നഗര സൗന്ദര്യവത്കരണം സംബന്ധിച്ച പദ്ധതി തയ്യാറായി കഴിഞ്ഞു. പദ്ധതിക്ക് സ്റ്റാൻഡിങ് കമ്മിറ്റി അംഗീകാരം നൽകിയതായി അധികൃതർ അറിയിച്ചു. കുവെെറ്റിൽ ജീവിക്കുന്ന പാരമ്പര്യ ജീവിതത്തിനും പരിസ്ഥിതിക്കും ഇണങ്ങുന്ന തരത്തിലുള്ള വികസനം സാധ്യമാക്കുകയാണ് മുനിസിപ്പാലിറ്റി ലക്ഷ്യം വെക്കുന്നത്. സാമ്പത്തികവും സാംസ്കാരികവുമായ വികസനം കൊണ്ടു വരുന്നതിലൂടെ രാജ്യത്തേക്ക് കൂടുതൽ സഞ്ചാരികളെ ആകർഷിക്കുകയാണ് ലക്ഷ്യം വെക്കുന്നത്. വലിയ തരത്തിലുള്ള സാധ്യത പഠനങ്ങൾ ആണ് കുവെെറ്റ് നടത്തിയത്. അതിന് ശേഷം ആണ് പുതിയ പദ്ധതി ആവിഷ്കരിച്ചത്. മാധ്യമം ആണ് വാർത്ത റിപ്പോർട്ട് ചെയ്യുന്നത്.

Also Read: ടെക്നോളജിയുടെ കടന്നുകയറ്റം; 10 വർഷത്തിനകം ഈ മേഖലകളിൽ ജോലി നഷ്ടപ്പെട്ടേക്കാം, ആശങ്കയിൽ പ്രവാസികൾ

ക്യാപ്പിറ്റൽ സിറ്റിക്ക് അനുയോജ്യമായ രീതിയിൽ ആണ് പരിഷ്കരണങ്ങൾ വരുത്തുന്നത്. നഗരം മനേഹരമാക്കുന്ന തരത്തിലാണ് പദ്ധതി തയ്യാറാക്കിയിരിക്കുന്നത്. പ്രോജക്ട് പ്ലാൻ തയാറാക്കുന്നതിന് മുനിസിപ്പാലിറ്റിയിലെ പർച്ചേസ് കമ്മിറ്റി ഫണ്ട് അനുവദിച്ചിട്ടുണ്ട്. 10 മാസം ആണ് സമയം അനുവദിച്ചിരിക്കുന്നത്. ഈ പത്തുമാസത്തെ സമയം കൊണ്ട് പഠനവും പദ്ധതി രൂപരേഖയും തയ്യാറാക്കി നൽകണം. ഈ വ്യവസ്ഥ മുന്നോട്ടുവെച്ചാണ് തുക അനുവദിച്ചത്.

Also Read: കള്ള ടാക്‌സി ഓടിച്ചാല്‍ 1000 റിയാല്‍ പിഴ; 35 ട്രാഫിക് നിയമ ലംഘനങ്ങള്‍ക്കുള്ള പിഴ പ്രഖ്യാപിച്ച് സൗദി

ഇതുസംബന്ധിച്ച വിവിധ സർക്കാർതല അനുമതികൾ വാങ്ങിക്കേണ്ടതുണ്ട്. അത് സമയബന്ധിതമായി ലഭ്യമാക്കാനും കമ്മിറ്റി നിർദേശിച്ചു. ബജറ്റിൽ സൗന്ദര്യവത്കരണ പദ്ധതി ഉൾപ്പെടുത്താനാണ് കുവെെറ്റ് മുനിസിപ്പാലിറ്റിയുടെ തീരുമാനം. ഇതിലൂടെ രാജ്യത്തേക്ക് കൂടുതൽ സഞ്ചാരികളെ ആകർഷിക്കാൻ സാധിക്കും. എണ്ണ ഇതര വരുമാനം കൂട്ടാനും സാധിക്കും. ഇത്തരത്തിൽ നിരവധി പരിഷ്കാരങ്ങൾ നടപ്പാലാക്കാൻ ആണ് കുവെെറ്റ് തീരുമാനിച്ചിരിക്കുന്നത്.