കടലില്‍ ചാടി മരിച്ചുവെന്ന് പോലീസ്
ഫരീദിന്റെ ഫോണ്‍ വിളികളൊന്നും കാണാതിരുന്നതിനെ തുടര്‍ന്ന് കഴിഞ്ഞ ഡിസംബര്‍ 27ന് കുടുംബക്കാര്‍ നടത്തിയ അന്വേഷണത്തിലാണ് യുവാവ് ആത്മഹത്യ ചെയ്തതായി വിവരം ലഭിക്കുന്നത്. ഫരീദ് ജോലി ചെയ്യുന്ന ഫുഡ് ഡെലിവറി കമ്പനിയിലെ സഹപ്രവര്‍ത്തകരാണ് യുവാവ് ആത്മഹത്യ ചെയ്തുവന്നെ കാര്യം കുടുംബത്തെ അറിയിച്ചത്. യുവാവ് കടലില്‍ ചാടിയാണ് ആത്മഹത്യ ചെയ്തതെന്ന് പോലിസും ബന്ധുക്കളെ അറിയിച്ചു.
താമസമുറിയിലെ കിടക്കയില്‍ രക്തക്കറ
മരണ വിവരം അറിയഞ്ഞ ഉടന്‍ തന്നെ ഫരീദിന്റെ നാട്ടിലെ കുടുംബക്കാര്‍ കുവൈത്തിലുള്ള സുഹൃത്തുക്കളെ വിവരം അറിയിച്ചതു പ്രകാരം അവര്‍ യുവാവ് താമസിച്ച മുറിയിലെത്തിയിരുന്നു. ഇവര്‍ ഫരീദിന്റെ കിടക്കയില്‍ വലിയ അളവില്‍ രക്തക്കറ കണ്ടെത്തി. ഇതേത്തുടര്‍ന്നാണ് മരണത്തില്‍ ദുരൂഹതയുണ്ടെന്ന ആരോപണം ഉയര്‍ന്നത്. തുടര്‍ന്ന് സംഭവത്തെ കുറിച്ച് അന്വേഷിക്കണമെന്നാവശ്യപ്പെട്ട് യുവാവിന്റെ കുടുംബവും സുഹൃത്തുക്കളും രംഗത്തെത്തിയിട്ടുണ്ട്.
കേന്ദ്ര സര്‍ക്കാര്‍ ഇടപടെണമെന്ന് ആവശ്യം
യുവാവിന്റെ മരണത്തെ കുറിച്ച് ശരിയായ രീതിയില്‍ അന്വേഷണം നടത്താനും സത്യാവസ്ഥ പുറത്തുകൊണ്ടുവരാനും കേന്ദ്ര സര്‍ക്കാര്‍ കുവൈത്തുമായി ബന്ധപ്പെടണമെന്നാണ് ബന്ധുക്കളുടെ ആവശ്യം. സംഭവവുമായി ബന്ധപ്പെട്ട് ഷിമോഗ ഡെപ്യൂട്ടി പോലിസ് കമ്മീഷണര്‍ക്ക് സഹോദരന്‍ പരാതി നല്‍കിയിട്ടുണ്ട്. ഇതുമായി ബന്ധപ്പെട്ട് ഫരീദിന്റെ കുടുംബക്കാര്‍ നല്‍കിയ നിവേദനം സംസ്ഥാന ആഭ്യന്തര മന്ത്രാലയത്തിന് കൈമാറിയതായി ഡെപ്യൂട്ടി കമ്മീഷണര്‍ കെ ബി ശിവകുമാര്‍ അറിയിച്ചു.