ഐ​ഡി അ​പ്​​ഡേ​റ്റ്​ ചെ​യ്യാ​തിരുന്നാൽ എടിഎം കാ​ർ​ഡ് ​ബ്ലോ​ക്കാണ്; ​ഈ മേസേജ് വന്നാൽ ശ്രദ്ധിക്കുക, മുന്നറിയിപ്പുമായി ഒമാൻ

ഒമാൻ: ഐഡി അപ്ഡേറ്റ് ചെയ്യാതിരുന്നാൽ എടിഎം കാർഡ് ബ്ലോക്കായി പോകും ഈ കാര്യം ശ്രദ്ധിക്കണം എന്ന ഒരു വ്യാജ സന്ദേശം വ്യാപകമായി പ്രചരിക്കുന്നുണ്ടെന്നും ഇത്തരം മേസേജുകൾ അവഗണിക്കണമെന്നും ഒമാൻ സെൻട്രൽ ബാങ്ക് അധികൃതർ. പ്രിയപ്പെട്ട ഉപഭോക്താവേ, നിങ്ങളുടെ എടിഎം കാർഡ് ഒമാൻ ഐഡി അപ്ഡേറ്റ് ചെയ്യാത്തതിനാൽ സേവനം അവസാനിപ്പിച്ചിരിക്കുകയാണ്.

പ്രവാസികൾ ആയ നിരവധി മലയാളികൾക്ക് ഇത്തരത്തിലുള്ള സന്ദേശങ്ങളും ഫോൺ വിളികളും കഴിഞ്ഞ കുറച്ചു ദിവസമായി കിട്ടുന്നുണ്ട്. 24 ന്യൂസ് ആണ് വാർത്ത റിപ്പോർട്ട് ചെയ്യുന്നത്. നിരവധി പേർ ഈ ചതിയിൽപ്പെട്ടിട്ടുണ്ടെന്നും പലരും പരാതി പുറത്തു പറയാത്തത് കാരണം ചതിയിൽപ്പെട്ടവരുടെ എണ്ണം കൂടി വരുകയാണ്.

Also Read: പുതിയ വിസയില്‍ സൗദിയില്‍ തിരികെ എത്തുന്നവര്‍ക്ക് പഴയ ഡ്രൈവിംഗ് ലൈസന്‍സ് ഉപയോഗിക്കമോ ? വ്യക്തതവരുത്തി അധികൃതർ

എന്നാൽ ചിലർ വ്യാജമെസേജ് കിട്ടിയ ശേഷം ബാങ്കിൽ നേരിട്ട് ചെന്ന് അന്വേഷിച്ചു. അപ്പോഴാണ് ഇത്തരത്തിലൊരു സന്ദേശം അയച്ചിട്ടില്ലെന്ന് ഒമാൻ സെൻട്രൽ ബാങ്ക് അധികൃതർ വ്യക്തമാക്കി. ആരും വിവരങ്ങൾ കെെമാറരുതെന്നും വ്യക്തിഗത വിവരങ്ങൾ രഹസ്യമാക്കിവെക്കണം. തട്ടിപ്പിനിരയായാൽ ബാങ്കുമായി ബന്ധപ്പെട്ട് അകൗണ്ട്, ക്രെഡിറ്റ് കാർഡ് എന്നിവ മരവിപ്പിക്കണം എന്നാണ് ഒമാൻ സെൻട്രൽ ബാങ്ക് അധികൃതർ അറിയിച്ചു.

Also Read: ജിദ്ദയിലെയും ജിസാനിലെയും ചിരപരിചിതർ; തിരിച്ചറിഞ്ഞത് മണിക്കൂറുകൾക്ക് ശേഷം; മലയാളി സഹോദരങ്ങളുടെ മരണത്തിൽ ഞെട്ടി പ്രവാസികൾ, വർഷങ്ങളായി ജിദ്ദയിൽ കച്ചവടക്കാർ, വിശ്വസ്തരായിരുന്നു ഈ സഹോദരങ്ങൾ എല്ലാവർക്കും

നിങ്ങൾക്ക് സന്ദേശം ലഭിച്ച നമ്പറിലേക്ക് വിളിക്കരുത്. അതിലേക്ക് മെസേജുകളും അയക്കരുത്. തുടങ്ങിയ നിർദ്ദേശങ്ങൾ ആണ് ബാങ്ക് അധികൃതർ നൽക്കുന്നത്. ഇത്തരത്തിലുള്ള സന്ദേശങ്ങളോട് പ്രതികരിച്ച് പണം നഷ്ടപ്പെട്ടാൽ ബാങ്ക് അതിന് ഉത്തരവാദിയല്ല. ആവശ്യമായ ജാഗ്രത എല്ലാം ഇക്കാര്യത്തിൽ എല്ലാവരും സ്വീകരിക്കണമെന്ന് ബാങ്ക് അധികൃതർ പറഞ്ഞു.