ജൂണിൽ പണപ്പെരുപ്പം 1.25 ശതമാനം ഉയർന്നു; ഒമാനിലെ ജീവിതച്ചെലവ്​ വർധിച്ചു

ഒമാന്‍: 2021 ജൂണിനെ അപേക്ഷിച്ച് പണപ്പെരുപ്പത്തിൽ 1.25 ശതമാനത്തി‍െൻറ വർധനയാണ് ഇത്തവണ ഉണ്ടായിരിക്കുന്നത്. ഇതോടെ ഒമാനിൽ ജൂണിൽ ജീവിതച്ചെലവ് വര്‍ധിച്ചു. ദേശീയ സ്ഥിതിവിവരകേന്ദ്രത്തി‍െന്‍റെ കണക്കുകള്‍ ആണ് ഇക്കാര്യം വ്യക്തമാക്കുന്നത്.

തുണിത്തരങ്ങളുടെയും ചെരിപ്പുകളുടെ വിപണനത്തില്‍ 0.31 ശതമാനത്തി‍ന്‍റെ വളര്‍ച്ചയാണ് ഉണ്ടായിരിക്കുന്നത്. ഗതാഗത ചെലവിലാണ് ജൂണിൽ ഏറ്റവുമധികം വർധനയുണ്ടായത്. കഴിഞ്ഞ വർഷത്തെ അപേക്ഷിച്ച് 5.72 ശതമാനത്തി‍ന്‍റെ വളര്‍ച്ചയാണ് ഉണ്ടായിരിക്കുന്നത്. സാധനങ്ങളുടെയും സേവനങ്ങളുടെയും വിഭാഗത്തില്‍ 3.30 ശതമാനത്തി‍ന്‍റെ വർധവും ഉണ്ടായിട്ടുണ്ട്.

Also Read: ഇന്ത്യന്‍ യാത്രികള്‍ക്കുള്ള ക്വാറന്റൈന്‍: വ്യാജ വാര്‍ത്തകള്‍ കരുതിയിരിക്കണമെന്ന് ഖത്തര്‍ എംബസി
പുകയില ഉൽപന്നങ്ങളുടെ വില 2.96 ശതമാനം വര്‍ദ്ധിച്ചിട്ടുണ്ട്. സാംസ്കാരിക-വിനോദ വിഭാഗത്തിൽ 1.61 ശതമാനത്തി‍െൻറയും വിദ്യാഭ്യാസ-ആരോഗ്യ വിഭാഗത്തിൽ 0.08 ശതമാനത്തി‍െൻറയും വര്‍ധനവ് ഈ വര്‍ഷം ഉണ്ടായിട്ടുണ്ട്. വൈദ്യുതി, ഗ്യാസ് തുടങ്ങിയവയുടെ വിഭാഗത്തിൽ 0.07 ശതമാനത്തി‍ന്‍റെ വളര്‍ച്ചയാണ് ഉണ്ടായിരിക്കുന്നത്. എന്നാല്‍ ഭക്ഷണപാനീയങ്ങളുടെ വിലയിൽ 0.58 ശതമാനത്തി‍െൻറ കുറവുണ്ടായതായി കണക്കുകള്‍ പറയുന്നു.