വി​മാ​ന​ത്താ​വ​ള​ങ്ങ​ളി​ൽ വ​ൻ തി​ര​ക്ക്; യാ​ത്ര​ക്കാ​ര്‍ നാ​ലു മ​ണി​ക്കൂ​ര്‍ മു​മ്പ് എ​ത്ത​ണം

ഒമാൻ: പെരുന്നാൾ അവധി 9 ദിവസം ലഭിച്ചതിനാൽ നാട്ടിലേക്ക് പോകുന്ന പ്രവാസികളുടെ എണ്ണം കൂടുതൽ ആണ്. ഇതോടെ വിമാനത്താവളത്തിൽ എത്തുന്ന യാത്രക്കാരുടെ എണ്ണത്തിലും വലിയ വർധനവ് ആണ് ഉള്ളത്. ഇതോടെയാണ് പുതിയ തീരുമാനവുമായി വിമാനക്കമ്പനികൾ രംഗത്തെത്തിയിരിക്കുന്നത്. യാത്രക്കാർ വിമാനത്താവളങ്ങളിൽ നേരത്തെ എത്തണമെന്നാണ് എയര്‍ ഇന്ത്യയും എയര്‍ ഇന്ത്യ എക്സ്പ്രസും ആവശ്യപ്പെട്ടിരിക്കുന്നത്. രാജ്യത്തിന്റെ വിവിധ വിമാനത്താവളത്തിൽ വലിയ തിരക്കാണ് അനുഭവപ്പെടുന്നത്.

Also Read: ഷെൻെഗൻ വിസ ആവശ്യമില്ലാത്ത രാജ്യങ്ങളുടെ പട്ടികയിൽ ഇടം പിടിച്ച് കുവൈറ്റും ഖത്തറും

തിരക്ക് അനുഭവപ്പെടുന്ന സാഹചര്യം ഉള്ളതിനാൽ ട്രാവൽ ഏജന്റുമാർ യാത്രക്കാര്‍ക്ക് ഇതുസംബന്ധിച്ച നിർദേശം നൽകണം. വിമാനത്താവളത്തിൽ എത്തുമ്പോൾ പാലിക്കേണ്ട നിർദേശങ്ങളും നൽകണം. യാത്ര പുറപ്പെടുന്നതിന്റെ നാല് മണിക്കൂർ മുമ്പ് എങ്കിലും യാത്രക്കാർ ചെക്ക് ഇന്‍ ചെയ്തിരിക്കണമെന്ന് എയര്‍ ഇന്ത്യ ആവശ്യപ്പെട്ടു.

Also Read: പെരുന്നാൾ അവധിക്കാലം; കനത്ത സുരക്ഷയൊരുക്കി ദുബായ് പൊലീസ്

വിമാനം പുറപ്പെടുന്നതിന്റെ ഒരു മണിക്കൂർ മുമ്പ് തന്നെ കൗണ്ടർ അടക്കും. വിസ റദ്ദാക്കുന്ന യാത്രക്കാരാണെങ്കില്‍ നാല് മണിക്കൂർ മുമ്പ് എങ്കിലും മുന്നെ വിമാനത്താവളത്തിൽ എത്തണം. ബോര്‍ഡിങ് ഗേറ്റില്‍ 30 മിനിറ്റ് മുമ്പ് റിപ്പോർട്ട് ചെയ്യണം. രേഖകൾ എല്ലാം കൃത്യമായി പരിശോധിക്കണം. അനുവദിച്ചതിൽ കൂടുതൽ ബാഗേജ് കൊണ്ടു പോകാൻ അനുവദിക്കില്ല. കൊണ്ടുപോകേണ്ട ഹാന്‍ഡ് ബാഗിലും കൂടുതൽ തൂക്കം പാടില്ല. നീണ്ട അവധി ലഭിച്ചതിനാൽ ഒരുപാട് പേർ ആണ് പെരുന്നാൾ ആഘോഷിക്കാൻ നാട്ടിലേക്ക് പോകൻ ഒരുങ്ങി നിൽക്കുന്നത്. കഴിഞ്ഞ രണ്ട് വർഷം കൊവി‍ഡ് പടർന്ന് പിടിച്ചതിനാൽ പെരുന്നാൾ ആഘേഷങ്ങളും യാത്രകളും ഒന്നും ഉണ്ടായിരുന്നില്ല. ഇത്തവണ നിരവധി പേരാണ് നാട്ടിലേക്ക് പോകാൻ വേണ്ടി ടിക്കറ്റ് എടുത്തിരിക്കുന്നത്.