ഭക്ഷണശാലയിൽ അതിക്രമിച്ച് കയറി മോഷണം; ഒമാനില്‍ പ്രവാസി പിടിയിൽ

മസ്കറ്റ്‌: ഒമാനിലെ ഒരു ഭക്ഷണ ശാലയില്‍ അതിക്രമിച്ചെത്തി മോഷണം നടത്തിയ പ്രവാസി പിടിയില്‍. വടക്കൻ അൽ ബാത്തിന ഗവർണറേറ്റ് പൊലീസ് ആണ് പ്രതിയെ അറസ്റ്റ് ചെയ്തിരിക്കുന്നത്. അറസ്റ്റിലായ പ്രവാസിക്കെതിരെ നിയമനടപടികൾ സ്വീകരിച്ചുവരികയാണെന്ന് പോലീസ് അറിയിച്ചു. പ്രതിയുടെ പേരുവിവരങ്ങള്‍ പുറത്തുവിട്ടിട്ടില്ല.

ഒമാനിലേക്ക് അനധികൃതമായി സമുദ്രമാര്‍ഗം പ്രവേശിക്കാന്‍ ശ്രമിച്ച 15 വിദേശികളെ കോസ്റ്റ് ഗാര്‍ഡ് പിടികൂടി. ഇവര്‍ സഞ്ചരിച്ചിരുന്ന ബോട്ട് പോലീസ് പിടിച്ചെടുത്തു. ഒമാന്‍റെ വടക്കൻ തീരദേശ പ്രദേശമായ ഷിനാസിൽ നിന്നാണ് സംഘത്തെ കോസ്റ്റ് ഗാര്‍ഡ് അറസ്റ്റ് ചെയ്‍തത്. ബോട്ടിലെ ജീവനക്കാരായ മൂന്ന് പ്രവാസികളും പിടിയിലായി.

Also Read: മദീന പള്ളിയിലെ പ്രഭാത പ്രാര്‍ഥന വൈകി; ഇമാമിനും മുഅദ്ദിനും ജോലി പോയി
തൊഴില്‍ നിയമങ്ങളും, കുടിയേറ്റ നിയമങ്ങൾ ലംഘിച്ച് രാജ്യത്തിലേക്ക് നുഴഞ്ഞുകയറാൻ ശ്രമിച്ച നിയമ പ്രകാരം ആണ് പോലീസ് അറസറ്റ് ചെയ്തിരിക്കുന്നത്. രാജ്യത്തേക്ക് നുഴഞ്ഞു കയറുന്നവരേയും,പുറത്തുകടക്കാന്‍ ശ്രമിക്കുന്നവരേയും ഒമാൻ സ്വദേശികൾ ഒരു കാരണവശാലും സഹായിക്കരുതെന്ന് ഒമാന്‍ പേലീസ് അറിയിച്ചു. പിടിയിലായവര്‍ക്കെതിരെ നിയമ നടപടികൾ ആരംഭിച്ചതായി പോലീസ് അറിയിച്ചു.