ഒമാനില്‍ പ്ലാസ്റ്റിക് ബാഗുകളുടെ ഇറക്കുമതി നിരോധിക്കുന്നു; പകരം മറ്റു മാർ​​ഗങ്ങളുമായി അധികൃതർ

ഒമാൻ: ഒമാനിൽ പ്ലാസ്റ്റിക്ക് ബാഗുകളുടെ ഇറക്കുമതി നിരോധിക്കുന്നു. അടുത്ത വർഷം 2023 ജനുവരി മുതൽ ആണ് തീരുമാനം പ്രാബല്യത്തില്‍ വരുക. വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയമാണ് ഇതുമായി ബന്ധപ്പെട്ട ഉത്തരവ് പുറത്തിറക്കിയത്. ഉത്തരവ് ലംഘിച്ച് പ്ലാസ്റ്റിക് ബാഗുകൾ വിൽക്കുന്ന കമ്പനികള്‍, സ്ഥാപനങ്ങള്‍, വ്യക്തകള്‍ എന്നിവർക്കെതിരെ ശക്തമായ നിയമനടപടി സ്വീകരിക്കും. 1000 റിയാല്‍ ആണ് പിഴ ചുമത്തുന്നത്.

Also Read: യുഎഇയില്‍ ജോലി ചെയ്യുന്ന കമ്പനിയില്‍ നിന്ന് 50 ലക്ഷം ദിര്‍ഹം മോഷ്ടിച്ചു, പ്രവാസിയും സഹോദരനും പിടിയിൽ

നിയമം ലംഘിച്ചാൽ പിഴ ഇരട്ടിയാകും. ഒമാനിൽ സമ്പൂർണ്ണ പ്ലാസ്റ്റിക് നിരേധനം നടപ്പിലാക്കുകയാണ് ലക്ഷ്യം വെക്കുന്നത്. ഒമാന്‍ പരിസ്ഥിതി മന്ത്രാലയം ആണ് ഇതുമായി ബന്ധപ്പെട്ട നിർദേശങ്ങൾ പുറത്തിറക്കിയിരിക്കുന്നത്. കഴിഞ്ഞ വർഷം കട്ടി കുറഞ്ഞ പ്ലാസ്റ്റിക് ബാഗുകള്‍ ഒമാനിൽ നിരോധിച്ചിരുന്നു. ഒറ്റത്തവണ ഉപയോഗിക്കാവുന്ന ഇത്തരം ബാഗുകള്‍ പൂർണ്ണമായും ഒഴിവാക്കി രണ്ടും മൂന്നും തവണ ഉപയോഗിക്കാന്‍ സാധിക്കുന്ന ബാഗുകൾ രാജ്യത്ത് കൊണ്ടുവരുകയാണ് ലക്ഷ്യം വെക്കുന്നത്. കഴിഞ്ഞ വര്‍ഷം മാര്‍ച്ച് ഒമ്പത് മുതലാണ് ഒമാനില്‍ ഒറ്റത്തവണ ഉപയോഗിക്കാവുന്ന പ്ലാസ്റ്റിക് ബാഗുകള്‍ നിരോധിച്ചത്.

Also Read: അബുദാബി ബിഗ് ടിക്കറ്റ് നറുക്കെടുപ്പ്; ഖത്തറിൽ ജോലിചെയ്യുന്ന മലയാളിക്ക് 65 ലക്ഷം രൂപ
ഒറ്റത്തവണ ഉപയോഗത്തിനുള്ള പ്ലാസ്റ്റിക് ബാഗുകള്‍ക്ക് നിരോധനവുമായി യുഎഇ രംഗത്തെത്തിയിരുന്നു. അബുദാബിയിലും പ്ലാസ്റ്റിക് ബാഗുകള്‍ക്ക് ജൂണ്‍ ഒന്നു മുതല്‍ നിരോധനം ഏര്‍പ്പെടുത്തിയിട്ടുണ്ട്. 2020ല്‍ കൊണ്ടുവന്ന ഒറ്റത്തവണ ഉപയോഗ പ്ലാസ്റ്റിക് നിയമ പ്രകാരം ആണ് ഈ നിബന്ധന കൊണ്ടുവന്നത്. ഒറ്റത്തവണ ഉപയോഗിക്കുന്ന പ്ലാസ്റ്റിക് ഉല്‍പ്പന്നങ്ങള്‍ രാജ്യത്ത് കുറക്കുക എന്നതാണ് ഇതിലൂടെ ലക്ഷ്യം വെക്കുന്നത്.

Read Latest Gulf News and Malayalam News