'മ​സ്‌​ക​ത്ത് നൈ​റ്റ്സി’​ന്​ ഇന്ന്​ തി​ര​ശ്ശീ​ല വീ​ഴും

മസ്കറ്റ്: നഗരത്തിന് ആഘോഷങ്ങൾ സമ്മാനിച്ച ‘മസ്‌കത്ത് നൈറ്റ്സി’ന് ഇന്ന സമാപനം. ഒമാനിൽ ഇന്ന് വാരാന്ത്യ അവധി ആയതിനാൽ കൂടുതൽ പേർ പരിപാടിയിൽ പങ്കെടുക്കാൻ എത്തും എന്നാണ് കരുതുന്നത്. ഒമാനിൽ ഇപ്പോൾ തണുപ്പാണ്. എന്നിട്ട് പോലും നിരവധി ആളുകൾ ഇങ്ങോട്ട് ഒഴുകി എത്തുന്നുണ്ട്. കഴിഞ്ഞ ദിവസങ്ങളിൽ നടന്ന പരിപാടിയിൽ വലിയ തിരക്കാണ് അനുഭവപ്പെട്ടത്. ഖുറം നാച്ചുറല്‍ പാര്‍ക്ക്, ഒമാന്‍ കണ്‍വെന്‍ഷന്‍ ആൻഡ് എക്സിബിഷന്‍ സെന്റര്‍, ഒമാന്‍ ഓട്ടോമൊബൈല്‍ അസോസിയേഷന്‍ ഗ്രൗണ്ട്, നസീം പാർക്ക് എന്നിവിടങ്ങളിലാണ് ഈ വർഷത്തെ ‘മസ്‌കത്ത് നൈറ്റ്സി’ലെ പരിപാടികൾ നടന്നത്. നിരവധി മലയാളികൾ മസ്കറ്റ് നെെറ്റ് കഴിഞ്ഞതിന് ശേഷം നാട്ടിലേക്ക് മടങ്ങാൻ വേണ്ടി കാത്തിരിക്കുന്നുണ്ട്.

Also Read: സമ്പന്നരുടെ വിവാഹം നടത്തുന്നതിനുള്ള ഇഷ്ടരാജ്യമായി ബഹ്റൈൻ മാറുന്നു

ഗെയിമുകൾ, വിനോദ-സാംസ്കാരിക പരിപാടികൾ, മാജിക് ഷോ തുടങ്ങിയവ പരിപാടികൾ ആസ്വദിക്കാൻ വേണ്ടി നിരവധി പേർ കുടുംബവുമായി ആണ് എത്തിയത്. വ്യത്യസ്തമായ ലേസര്‍ ഷോകളും വെടികെട്ടുകളും ഇന്ന് അരങ്ങേറും. കുട്ടികളേയും യുവാക്കളേയും കൂടുതലായി ആകർശിക്കാൻ വേണ്ടി നിരവധി സമാനപരിപാടികൾ സംഘടിപ്പിച്ചിട്ടുണ്ട്. വൈകീട്ട് നാലു മുതൽ രാത്രി 11 വരെയാണ് മസ്കത്ത് നൈറ്റ്സിന്‍റെ പരിപാടികൾ നടന്നിരുന്നത്. ജോലി തിരക്ക് കഴിഞ്ഞാൽ എല്ലാവരും പരിപാടികൾ കാണാൻ എത്തും. ഇന്ന അവസാന ദിവസം വലിയ പരിപാടികൾ തന്നെയാണ് അദികൃതർ ഒരുക്കിയിരിക്കുന്നത്.

ആലപ്പുഴ സ്വദേശി ഒമാനിൽ മരണപ്പെട്ടു

മസ്കത്ത്: ആലപ്പുഴ ചെങ്ങന്നൂർ സ്വദേശി പരേതനായ തുണ്ടിയിൽ ചാക്കോ മകൻ സജി ജോൺ ഒമാനിൽ വെച്ച് മരിച്ചു. 62 വയസായിരുന്നു. 40 വർഷത്തോളം മസ്കത്തിൽ കോൺട്രാക്ടർ ആയി ജോലി ചെയ്യുകയാണ് സജി

മാതാവ്: പരേതയായ അമ്മിണി ചാക്കോ. ഭാര്യ: ശോഭ ജോൺ (ഒമാൻ റോയൽ ആശുപത്രി ജീവനക്കാരി) മക്കൾ: സോജിൻ ജോൺ (അയർലൻഡ്), സിബിൻ ജോൺ (മസ്‌കത്ത്). സഹോദരങ്ങൾ: പരേതനായ സണ്ണി ചാക്കോ, സാബു ചാക്കോ, സന്തോഷ് ചാക്കോ (മസ്‌കത്ത്), സോണി ഷാജി. മൃതദേഹം നാട്ടിലേക്ക് കൊണ്ടുപോകാൻ ആണ് തീരുമാനിച്ചിരിക്കുന്നത്. ഇതിന് ആവശ്യമായ നടപടിക്രമങ്ങളുമായി മുന്നോട്ട് പോകുന്നു.

Read Latest Gulf News and Malayalam News