ഒമാനിലെ ഇന്ത്യൻ സ്കൂൾ അഡ്​മിഷൻ: രജിസ്​ട്രേഷൻ ഫെബ്രുവരി ഒന്ന്​ മുതൽ

ഒമാൻ: ഒമാനിലെ ഇന്ത്യൻ സ്ക്കൂൾ ബോർഡ് ഓഫ് ഡയറക്ടേഴ്‌സിന് കീഴിലെ ഇന്ത്യൻ സ്കൂളുകളിലേക്കുള്ള അടുത്ത അധ്യയന വർഷത്തെ നടപടിക്രമങ്ങൾ ആരംഭിക്കാൻ പോകുന്നു. അടുത്ത മാസം ഫെബ്രുവരി ഒന്നിനാണ് ഇതിന്റെ നടപടി ക്രമങ്ങൾ ആരംഭിക്കുക. ഏഴ് ഇന്ത്യൻ സ്‌കൂളുകളിലേക്കുള്ള അഡ്മിഷനാണ് നടക്കുന്നത്. ഓൺലൈൻ രജിസ്‌ട്രേഷനിലൂടെ ആയിരിക്കും ഇത് നടക്കുക. കെജി മുതൽ ഒമ്പതാം ക്ലാസ് വരെയുള്ള പ്രവേശനത്തിനാണ് ഓൺലൈൻ രജിസ്‌ട്രേഷൻ നടക്കുക. അഡ്മിഷൻ നടപടികൾ എല്ലാം പൂർണ്ണമായും ഓൺലൈനിലൂടെയാണ് നടക്കുന്നത്. അതുകൊണ്ട് തന്നെ പൂർണമായും രേഖകൾ സമർപ്പിക്കുന്നതിനോ ഫീസ് അടക്കുന്നതിനോ രക്ഷിതാക്കൾ സ്‌കൂകളിൽ എത്തേണ്ടതില്ല.

Also Read: പ്രവാസികളും ജോലി തേടി വരുന്നവരും രജിസ്റ്റർ ചെയ്യണം; മുന്നറിയിപ്പുമായി സൗദിയിലെ ഇന്ത്യൻ അംബാസഡർ

www.indianschoolsoman.com എന്ന പോർട്ടലിലാണ് രജിസ്റ്റർ ചെയ്യേണ്ടത്. സീബ്, ഗുബ്ര, മബേല, മസ്‌കത്ത്, ദാർസൈത്ത്, വാദി കബീർ, ബൗഷർ ഇന്ത്യൻ സ്‌കൂളുകളിലേക്കാണ് ഓൺലൈൻ രജിസ്‌ട്രേഷൻ സൗകര്യമുള്ളത്. കുട്ടികളെ സ്ക്കൂളിൽ ചേർക്കുന്നതിന് വേണ്ടിയുള്ള നിയമങ്ങളും പ്രഖ്യാപിച്ചിട്ടുണ്ട്. 2023 ഏപ്രിൽ ഒന്നിന് മൂന്നു വയസ് പൂർത്തിയായ കുട്ടികൾ ആയിരിക്കും കിന്റർഗാർട്ടൻ പ്രവേശനത്തിന് അപേക്ഷിക്കാൻ പാടുള്ളു. റസിഡന്റ് വിസയുള്ള ഇന്ത്യക്കാരുടെ മക്കൾക്ക് പുറമെ മറ്റ് പ്രവാസി സമൂഹങ്ങളിലെയും കുട്ടികൾക്ക് ഇത്തവണ സ്ക്കൂളുകളിൽ പ്രവേശിക്കാൻ സാധിക്കും. എന്നാൽ ഇന്ത്യക്കാർ അല്ലാത്ത മറ്റ് പ്രവാസികളുടെ മക്കൾക്ക് സീറ്റുകൾ മാർച്ച് ആദ്യം മുതൽ നൽകി തുടങ്ങും.

Also Read: മലയാളി യുവാവിനെ ദുരൂഹ സാഹചര്യത്തിൽ പോളണ്ടിൽ മരിച്ച നിലയിൽ കണ്ടെത്തി, കൊലപാതകമെന്ന് സംശയം

പ്രത്യേക പരിഗണന ആവശ്യമുള്ള കുട്ടികൾകളെ പ്രവേശിപ്പിക്കുന്നതിന് ആവശ്യമായ ചില നിബന്ധകൾ പുറത്തിറക്കിയിട്ടുണ്ട്. ഇന്ത്യൻ സ്‌കൂൾ മസ്‌കത്ത് പരിസരത്ത് സ്ഥിതി ചെയ്യുന്ന കെയർ ആൻഡ് സ്പെഷ്യൽ എജ്യുക്കേഷനിൽ (സി എസ് ഇ) ഇവർക്ക് അഡ്മിഷൻ ലഭിക്കും.
പ്രവേശനത്തിനായി www.cseoman.com വഴി അപേക്ഷകൾ നൽകാൻ സാധിക്കും.

Read Latest Gulf News and Malayalam News