ഒമാനിലെ സൂപ്പർ മാർക്കറ്റുകളിലെ സ്വദേശിവത്​കരണം ജൂലൈ മുതൽ

ഒമാന്‍: ഷോപ്പിങ് മാളുകളിലും സൂപ്പർ മാർക്കറ്റുകളിലും സ്വദേശിവത്കരണം നടപ്പിലാക്കുന്നത് ജൂലൈ മുതൽ ആരംഭിക്കുമെന്ന് ഒമാന്‍ തൊഴിൽ മന്ത്രാലയം . ജൂലൈ 20 മുതലാണ് ഉത്തരവ് നിലവിൽ വരുന്നത്.

സെയില്‍സ്, കറൻസി എക്സ്ചേഞ്ച്, ബില്ലിങ്, അഡ്മിനിസ്ട്രേഷൻ, സ്റ്റോര്‍ കീപ്പര്‍ എന്നീ ജോലികളില്‍ ആണ് സ്വദേശികൾക്ക് മാത്രമാക്കുന്നത്. നിയമം ലംഘിക്കുന്നവര്‍ക്കെതിരെ ശക്തമായ നടപടി സ്വീകരിക്കിമെന്ന് മന്ത്രാലയം വ്യക്തമാക്കി. സ്വദേശികള്‍ക്ക് തൊഴില്‍ നല്‍കാത്ത സ്ഥാപനങ്ങളുടെ ലൈസന്‍സ് റദ്ദാക്കുകയും പിഴ ഈടാക്കുകയും ചെയ്യും. വലിയ കച്ചവട കേന്ദ്രങ്ങളില്‍ സ്വദേശിവത്കരണം വേഗത്തില്‍ നടപ്പിലാക്കാന്‍ സാധിക്കും എന്നാണ് തൊഴിൽ മന്ത്രാലയത്തിന്‍റെ വിലയിരുത്തല്‍.

Also Read: മൊബൈൽ നെറ്റ് വർക്ക് വേഗത; ആഗോളതലത്തിൽ യുഎഇക്ക് ഒന്നാം സ്ഥാനം
പതിനായിരം ഒമാനികൾക്ക് ജോലി നല്‍കാന്‍ സാധിക്കും എന്നാണ് ഇതിലൂടെ ലക്ഷ്യം വെക്കുന്നത്. വിവിധ മേഖലകളില്‍ സ്വദേശിവത്കരണം നടത്തുന്നതിലൂടെ 32,000 പേർക്ക് ജോലി നല്‍കാന്‍ സാധിക്കും എന്നാണ്
സർക്കാർ പദ്ധതിയിടുന്നത്.