ഇന്നലെ മുതൽ ഒമാനിൽ വനിത ടാക്​സി ഓടിത്തുടങ്ങി; ആ​ദ്യ​ഘ​ട്ട​ സ​ർ​വി​സ്​ മ​സ്​​ക​ത്ത്​ ഗ​വ​ർ​ണ​റേ​റ്റി​ൽ, സ്​​ത്രീ​ക​ൾ​ക്ക് ലഭിക്കുന്നത് വലിയ​ തൊ​ഴി​ല​വ​സ​ര​ങ്ങ​ൾ

ഒമാൻ: ഇന്നലെ മുതൽ ആണ് ഒമാനിൽ വനിതകൾ ടാക്സികൾ ഓടിച്ച് തുടങ്ങിയത്. പരീക്ഷണാടിസ്ഥാനത്തിൽ ആയിരുന്നു ആദ്യം നടപ്പിലാക്കിയിരിക്കുന്നത്. മസ്കത്ത് ഗവർണറേറ്റിലായിരുന്നു ഇന്നലെ വനിതകൾ ടാക്സി ഓടിച്ചെത്തിയത്. മറ്റു ഗവർണറേറ്റികളിലേക്ക് ഈ പുതിയ സംവിധാനം വ്യാപിക്കാൻ ഉള്ള തീരുമാനത്തിലാണ് ഒമാൻ. ഒമാൻ ഗതാഗത, വാര്‍ത്താവിനിമയ, വിവരസാങ്കേതിക മന്ത്രാലയം ആണ് വനിത ടാക്സി എന്ന ആശയത്തിന് അനുമതി നൽകിയത്. ഇതുമായി ബന്ധപ്പെട്ട ഉത്തരവ് പുറപ്പെടുവിച്ചതും ഗതാഗത മന്ത്രാലയം തന്നെയാണ്.

Also Read: ചരിത്രപ്രാധാന്യമുള്ള സൗദിയിലെ പഴയ കൊട്ടാരങ്ങൾ ആഡംബര ഹോട്ടലുകളായി മാറുന്നു; പദ്ധതി പ്രഖ്യാപിച്ച് കിരീടാവകാശി
ഒമ്പതു വനിതകളാണ് ടാക്സിയുമായി ആദ്യമായി നിരത്തുകളിൽ എത്തിയത്. ഒമാന്റെ ചരിത്രത്തിൽ ആദ്യമായാണ് ഇത്തരത്തിലൊരു സംഭവം നടന്നത്. വെള്ളയും പിങ്ക് നിറത്തിലുള്ള ടാക്സികൾ ആണ് വനികൾക്ക് ഓടിക്കാൻ നൽകിയിരിക്കുന്നത്. ആവശ്യക്കാർ വിളിക്കുന്നതിന് അനുസരിച്ച് വീടിന്റെ മുറ്റത്ത് ടാക്സി എത്തും. സ്ക്കൂൾ , കോളേജ്. ജോലി സ്ഥലങ്ങൾ എന്നിവിടങ്ങളിലേക്ക് പോകുന്നവർക്ക് പുതിയ സംവിധാനം വളരെ ഉപകാരമായിരിക്കും.

Also Read: വാഹനങ്ങൾ വാടകക്ക്​ നൽകുന്നതുമായി ബന്ധപ്പെട്ട നിയമങ്ങൾ പരിഷ്കരിച്ച്​ ദുബായ്

ഒമാനിലെ മറ്റു സ്ഥലങ്ങളിലേക്ക് ഈ ടാക്സി സർവീസ് വ്യാപിക്കുന്നതോടെ കൂടുതൽ സ്ത്രീകൾ ഈ രംഗത്തെക്ക് ജോലിക്കെത്തും എന്നാണ് പ്രതീക്ഷിക്കുന്നത്. ഒരുപാട് സ്ത്രീകൾക്ക് ഭാവിയിൽ വലിയ ജോലി സാധ്യതയാണ് ഇത് നൽക്കുന്നത്. ജനുവരി 20 മുതൽ ടാക്സികൾ നിരത്തിൽ ഓടിത്തുടങ്ങും എന്ന് കഴിഞ്ഞ ദിവസം ഗതാഗത മന്ത്രാലയം അറിയിച്ചിരുന്നു. കൂടുതൽ സ്ത്രീകൾ ഈ രംഗത്തേക്ക് വരുന്നതോടെ രാജ്യത്തെ വനികൾക്ക് ‍ഡ്രൈവിങ് സ്ക്കൂളുകൾ തുടങ്ങും. നിരവധി ജോലി സാധ്യതയാണ് സ്ത്രീകൾക്ക് ഇതിലൂടെ എത്തുന്നത്.