സ്വന്തം ജീവൻ പോലും പണയംവെച്ച് വെള്ളപ്പൊക്കത്തിൽ നിന്നും രണ്ടു കുട്ടികളെ രക്ഷിച്ചു; സോഷ്യൽ മീഡിയയിൽ താരമായി ഒമാൻ പൗരൻ

ഒമാൻ: വെള്ളപ്പൊക്കത്തിൽ സ്വന്തം ജീവൻ പോലും പണയംവെച്ച് രണ്ട് കുട്ടികളെ രക്ഷിച്ച ഒമാനി പൗരൻ സോഷ്യൽ മീഡിയയിൽ താരമാകുന്നു. ഒമാൻ പൗരൻ അലി ബിൻ നസീർ അൽ വാർദിയാണ് താരമായിരിക്കുന്നത്. കഴിഞ്ഞ വെള്ളിയാഴ്ചയാണ് ഒമാനിലെ വാദി ബാഹ്‍ല മേഖലയിൽ കനത്ത വെള്ളപ്പൊക്കം ഉണ്ടായത്. വെള്ളപ്പൊക്കത്തിൽ കുടുങ്ങിയ രണ്ടു കുട്ടികളെ അലി സാഹസികമായി രക്ഷിക്കുകയായിരുന്നു. ഇതിന്റെ ദൃശ്യങ്ങൾ ആണ് സോഷ്യൽ മീഡിയയിൽ വെെറലായിരിക്കുന്നത്.

ശക്തമായ മഴപെയ്തപ്പോൾ അലിയും പിതാവും പുറത്തെ കാഴ്ചകൾ കാണാൻ വീടിന് പുറത്തേക്ക് പോയി. അപ്പോഴാണ് നിറഞ്ഞു കവിഞ്ഞു ഒഴുകുന്ന വാദിയുടെ സമീപം രണ്ടു കുട്ടികൾ സഹായത്തിനായി കരയുന്നതായി കണ്ടത്. ഇന്തപ്പനയുടെ തടിയിൽ പിടിച്ച് നിന്നായിരുന്നു അവർ കരയുന്നത്. ഉടൻ തന്നെ അലി നദിയിലേക്ക് ചാടി കുട്ടികളെ രക്ഷിക്കുകയായിരുന്നു.



Also Read: കാണാതായ യുവതിയുടെ മൃതദേഹം കാറിനുള്ളില്‍; രണ്ട് മണിക്കൂറിനുള്ളില്‍ പ്രതിയെ പിടികൂടി ഷാര്‍ജ പൊലീസ്

കുട്ടികളെ എങ്ങനെയെങ്കിലും രക്ഷിക്കണം എന്ന ചിന്തമാത്രമേ തനിക്ക് ഉണ്ടായിരുന്നു ഒള്ളു. പ്രാർഥിച്ചാണ് താൻ ഇറങ്ങിയത്. പേടിക്കേണ്ടിതില്ലെന്നും താൻ രക്ഷിക്കാമെന്നും കുട്ടികളോട് പറ‍ഞ്ഞു. പിടിച്ചു നിൽക്കുന്നിടത്ത് നിൽക്കണം. അവിടെ നിന്നും മാറരുതെന്ന് അവർക്ക് നിർദ്ദേശം നൽകി. തുടർന്ന് അലി അവരുടെ അടുത്തേക്ക് എത്തി കുട്ടികളെയും ഒരുമിച്ച് ചേർത്തുപിടിച്ച് അദ്ദേഹം വെള്ളത്തിലൂടെ നീന്തി കരയിലേക്ക് വന്നു. ഇതിന്റ വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്. കുട്ടികളെ രക്ഷിക്കാൻ സാധിച്ചതിൽ ദൈവത്തോട് നന്ദി പറയുന്നു എന്ന് അലി പറയുന്നു. ഗൾഫ് ന്യൂസ് ആണ് വാർത്ത റിപ്പോർട്ട് ചെയ്യുന്നത്.

Also Read: സോഷ്യൽ മീഡിയ പ്രമോഷൻ അംഗീകൃത ഏജൻസിയിലൂടെ മാത്രം; മുന്നറിയിപ്പുമായി സൗദി

ഏഴ്, 13 വയസുള്ള കുട്ടികളെയാണ് അലി രക്ഷിച്ചത്. ഒഴുക്കിൽപെട്ട് കുട്ടികൾ മരിക്കേണ്ടിയിരുന്നു. അലിയുടെ ധീരമായ ഇടപെടൽ മൂലം ആണ് കുട്ടികൾക്ക് ജീവൻ നഷ്ടമാവാതിരുന്നത്. അൽ ഹജാർ മലനിരകളിലും ഒമാന്റെ മറ്റു പല ഭാഗങ്ങളിലും ശക്തമായ മഴയാണ് കഴിഞ്ഞ ദിവസം ലഭിച്ചത്. ഇതേ തുടർന്ന് പലയിടത്തും വാദികൾ നിറഞ്ഞൊഴുകിയിരുന്നു. തുടർന്ന് വീഡിയോ സേഷ്യൽ മീഡിയയിൽ വെെറലായി. അലിക്ക് അഭിനന്ദനവുമായി അധികൃതരും രംഗത്തെത്തി. സിവില്‍ ഡിഫന്‍സ് ആന്റ് ആംബുലന്‍സ് വിഭാഗം ആണ് അലിയെ ആദരിച്ചത്. സര്‍ട്ടിഫിക്കറ്റും ജാക്കറ്റും ഇദ്ദേഹം അലിക്ക് കെെമാറി.