​ജീ​വി​തം സാ​ധാ​ര​ണ​ നി​ല​യി​ലേ​ക്ക്;​ ഒമാനില്‍ ബീ​ച്ചി​ലും പാ​ർ​ക്കു​ക​ളി​ലും എത്തുന്നവരുടെ എണ്ണം വര്‍ധിച്ചു

ഒമാന്‍: കൊവിഡിന്‍റെ വ്യാപനം കുറഞ്ഞ സാഹചര്യത്തിലാണ് ഒമാന്‍ സുപ്രീംകമ്മിറ്റി നിയന്ത്രണങ്ങളില്‍ ഇളവ് ഏര്‍പ്പെടുത്തിയത്. ഇതിന്‍റെ ഭാഗമായി ബീച്ചുകളിലും പാർക്കുകളിലും ആളുകള്‍ എത്തിത്തുടങ്ങി.
കൊവിഡ് നിയന്ത്രണങ്ങള്‍ പാലിച്ച് തന്നെയാണ് ആളുകള്‍ പുറത്തിറങ്ങുന്നത്. മാളുകളിൽ കുട്ടികളുമായി എത്തുന്നവരുടെ എണ്ണവും കൂടി.

12വയസിൽ താഴെയുള്ള കുട്ടികള്‍ക്ക് മാളുകളില്‍ പ്രവേശനം ഉണ്ടായിരുന്നില്ല. പള്ളികളില്‍ അഞ്ചുനേരത്തെ നമസ്കാരത്തിനായി ആളുകൾ എത്തിത്തുടങ്ങി. പാർക്കുകളും മറ്റു പൊതുയിടങ്ങളും തുറന്നു. പ്രവാസികള്‍ കുടുംബത്തോടൊപ്പം ഇവിടെ എത്തുന്നുണ്ട്. എല്ലാവരും കർശനമായി കൊവിഡ് മാനദണ്ഡങ്ങൾ പാലിക്കണമെന്ന് റോയൽ ഒമാൻ പൊലീസും ആരോഗ്യ വകുപ്പും അറിയിച്ചു.

Also Read: ദുബായില്‍ ഡേറ്റിംഗ് ആപ്പിലൂടെ തട്ടിപ്പ് വീണ്ടും; പ്രവാസിക്ക് നഷ്ടമായത് 19,000 ദിര്‍ഹം
നിയമങ്ങള്‍ ലംഘിക്കുന്നവര്‍ക്കെതിരെ ശക്തമായ നടപടികള്‍ സ്വീകരിക്കും. കഴിഞ്ഞ ദിവസങ്ങളില്‍ കൊവിഡ് കേസുകള്‍ ഉയരാന്‍ പ്രധാന കാരണം ഒത്തുചേരലുകൾ ആണ്. കൊവിഡ് മാനദണ്ഡങ്ങൾ പാലിക്കാതിരുന്ന് രോഗ വ്യാപനം കൂടാന്‍ കാരണമായി. ഇനിയും രോഗവ്യാപനം ഉണ്ടായാല്‍ ലോക്ഡൗൺ അടക്കമുള്ള കാര്യങ്ങളിലേക്ക് വീണ്ടും പോകുമെന്ന് അധികൃതര്‍ അറിയിച്ചു.