വാഹനങ്ങളില്‍ സ്റ്റിക്കറ്റുകളും പോസ്റ്ററുകളും പതിക്കാൻ പൊതുജനങ്ങള്‍ക്ക് അനുമതി നല്‍കി ഒമാൻ; 8 നിബന്ധനകൾ ഇങ്ങനെ

ഒമാൻ: വിപുലമായ പരിപാടികൾ ആണ് 52-ാമത് ദേശീയ ദിനാഘോഷങ്ങളുടെ ഭാഗമായി ഒമാനിൽ നടക്കാൻ പോകുന്നത്. ഇതിന്റെ ഭാഗമായി സ്റ്റിക്കറ്റുകളും പോസ്റ്ററുകളും വാഹനങ്ങളില്‍ പതിയ്ക്കാന്‍ പൊതുജനങ്ങള്‍ക്ക് അനുമതി നൽകി. ദേശീയ ദിനാഘോഷം നടക്കുന്നതിന്റെ ഭാഗമായി അലങ്കാരങ്ങള്‍ക്കാണ് അനുമതി നൽകിയിരിക്കുന്നത്. റോയല്‍ ഒമാന്‍ പൊലീസ് ജനറല്‍ ട്രാഫിക് ഡയറക്ടറേറ്റ് ഇതുമായി ബന്ധപ്പെട്ട സർകുലർ പുറത്തിറക്കി. നവംബര്‍ മൂന്ന് വ്യാഴാഴ്ച മുതല്‍ നവംബര്‍ 30 ബുധനാഴ്‍ച വരെ വാഹനങ്ങളില്‍ സ്റ്റിക്കറുകള്‍ അനുവദിക്കും.

Also Read: യുഎഇ ഫുട്‌ബോള്‍ കോച്ചിന് തായ്‌ലന്‍ഡിലുണ്ടായ അപകടത്തില്‍ ഗുരുതര പരിക്ക്; ദുബായ് പ്രത്യേക വിമാനം അയച്ചു.

സിക്കറുകൾ വാഹനത്തിൽ ഒട്ടിക്കുന്നതിന് ശക്തമായ നിർദ്ദേശം ആണ് നൽകിയിരിക്കുന്നത്. ഇതുമായി ബന്ധപ്പെട്ട നിർദ്ദേശങ്ങൾ ഇതാണ്

1. സ്റ്റിക്കറുകള്‍ ഇളകിയിരിക്കാതെ നല്ല രീതിയിൽ വാഹനങ്ങളില്‍ ഒട്ടിച്ചിരിക്കണം
2. വിന്‍ഡോകളിലേക്കോ നമ്പര്‍ പ്ലേറ്റുകളിലോക്കോ വാഹനത്തിന്റെ രണ്ട് വശങ്ങളിലേക്ക് സ്റ്റിക്കറുകൾ നീണ്ടുനിൽക്കരുത്.
3. പിന്‍ഭാഗത്തെ വിന്‍ഡോയില്‍ പതിക്കുന്ന ചിത്രങ്ങൾ കാരണം ഡ്രൈവര്‍ക്ക് ഗ്ലാസിലൂടെയുള്ള കാഴ്ച മറക്കരുത്.
4. വാഹനവുമായി ചേര്‍ത്ത് ഉറപ്പിച്ചിട്ടില്ലാത്ത തുണികള്‍ എഞ്ചിന്‍ കവറിന് മുകളില്‍ വെക്കാൻ പാടില്ല.
5. വെറുപ്പുളവാക്കുന്നതും, സദാചാര വിരുദ്ധമായ രീതിയിലുള്ള സ്റ്റിക്കറുകൾ പതിക്കരുത്.
6. വാഹനത്തിന്റെ നിറമോ രൂപമോ മാറ്റുന്ന തരത്തിലുള്ള സ്റ്റിക്കറുകൾ ഒരിക്കലും പതിക്കരുത്.
7.ഗതാഗത സുരക്ഷാ മാനദണ്ഡങ്ങൾക്ക എതിരായ രീതിയിലുള്ള സ്റ്റിക്കറുകൾ പതിക്കരുത്.
8. പോസ്റ്ററുകളും ചിത്രങ്ങളും വാഹനങ്ങളില്‍ ആലേഖനം ചെയ്യുന്ന തരത്തിലുള്ള വാചകങ്ങളും ഉൾപ്പെടുത്തിയ സിറ്റിക്കറുകൾ പതിക്കരുത്.
9. രാജകീയ ചിഹ്നങ്ങളും അവയുടെ സ്റ്റിക്കറുകളും ഉൾപ്പെടുത്താൻ സാധിക്കരുത്.