മസ്‌കറ്റ്: ഒമാനില്‍ ലൈംഗികാതിക്രമത്തിന് ഇരയായ പ്രവാസി ഇന്ത്യക്കാരി നാട്ടിലേക്ക് മടങ്ങാന്‍ വഴിതേടുന്നു. ഹൈദരാബാദില്‍ നിന്നുള്ള 29 കാരിയായ യുവതിയാണ് മസ്‌കറ്റില്‍ ജോലി തേടി എത്തിയ ശേഷം കുരുക്കില്‍ അകപ്പെട്ടത്. ഇന്ത്യയിലേക്ക് തിരിച്ചെത്തിക്കാന്‍ സഹായംതേടി യുവതിയുടെ മാതാവ് വിദേശകാര്യ മന്ത്രി എസ് ജയശങ്കറിന് നിവേദനം നല്‍കി.
ഒമാനിലേക്ക് പോകുന്നതിന് മുമ്പ് ഹൈദരാബാദിലെ ഒരു ആശുപത്രിയില്‍ യുവതി സഹായിയായി ജോലിചെയ്തിരുന്നു. ഈ സമയമത്ത് ഷൗക്കത്ത് എന്ന വിസ ഏജന്റ് യുവതിയെ സമീപിച്ച് ഒമാനിലെ മസ്‌കറ്റില്‍ ജോലി വാഗ്ദാനം ചെയ്യുകയായിരുന്നുവെന്ന് മാതാവിന്റെ പരാതിയില്‍ പറയുന്നു.
2023 ജനുവരി 30ന് വിസിറ്റ് വിസയിലാണ് യുവതി ഒമാനിലേക്ക് പോയത്. ഒമാനില്‍ എത്തിയപ്പോള്‍ നാസര്‍ എന്ന വ്യക്തി അവളെ സ്വീകരിച്ചു. തുടര്‍ന്ന് ഒരാഴ്ചയോളം മാന്‍പവര്‍ കണ്‍സള്‍ട്ടന്‍സി ഓഫീസില്‍ പാര്‍പ്പിച്ചു. പിന്നീട് തൊഴിലുടമയ്ക്ക് കൈമാറുകയും വീട്ടുജോലിക്കായി നിയോഗിക്കുകയും ചെയ്തു.
ആറു മാസത്തോളം വീട്ടുജോലികള്‍ ചെയ്തു. ഇതിനിടെ പീഡനങ്ങള്‍ നേരിടേണ്ടിവന്നുവെന്നും ശരിയായ ഭക്ഷണവും താമസസൗകര്യവും നിഷേധിക്കപ്പെട്ടുവെന്നും പരാതിയില്‍ ചൂണ്ടിക്കാട്ടുന്നു. ചിലപ്പോള്‍ കഫീലിന്റെ (തൊഴിലുടമ) സഹോദരനാല്‍ ലൈംഗികമായി ആക്രമിക്കപ്പെടുകയും ചെയ്തു.
ജീവിതം ദുരിതപൂര്‍ണമായതോടെ യുവതി ഇന്ത്യയിലേക്ക് മടങ്ങാന്‍ ആഗ്രഹിച്ചു. ഇക്കാര്യം പറഞ്ഞപ്പോള്‍ കഫീല്‍ യുവതിയ നാസറിന് തിരികെ കൈമാറിയെന്നും പറയുന്നു. ദിവസങ്ങള്‍ കഴിഞ്ഞിട്ടും മടക്കയാത്രക്ക് വഴിയില്ലാതായതോടെ മാന്‍പവര്‍ കണ്‍സള്‍ട്ടന്‍സി ഓഫീസില്‍ നിന്ന് യുവതി ഒളിച്ചോടി. തുടര്‍ന്ന് മസ്‌കറ്റിലുള്ള ഇന്ത്യന്‍ എംബസിയെ സമീപിച്ചു.
കഴിഞ്ഞ രണ്ട് മാസമായി മസ്‌കറ്റിലെ ഇന്ത്യന്‍ എംബസി ഓഫീസിന് പുറത്ത് റോഡരികിലാണ് മകള്‍ കഴിയുന്നതെന്നും മറ്റുള്ളവര്‍ നല്‍കുന്ന ഭക്ഷണം കഴിച്ച് ജീവിക്കുകയാണെന്നും മാതാവ് അറിയിച്ചു. മകളെ രക്ഷിച്ച് നാട്ടിലേക്ക് തിരിച്ചയക്കാന്‍ മസ്‌കറ്റിലെ ഇന്ത്യന്‍ എംബസിയോട് ആവശ്യപ്പെടണമെന്ന് കേന്ദ്ര മന്ത്രിക്ക് അയച്ച കത്തില്‍ മാതാവ് ആവശ്യപ്പെട്ടു.
വീട്ടുജോലിക്കായി ഒമാനിലേക്ക് പോയ ശേഷം കുരുക്കില്‍ അകപ്പെട്ട ഹൈദരാബാദ് സ്ത്രീകളുടെ സമാനമായ രണ്ട് കേസുകള്‍ കഴിഞ്ഞ ഒരാഴ്ചയ്ക്കിടെ പുറത്തുവന്നിരുന്നു.
ഒമാനിലേക്ക് പോകുന്നതിന് മുമ്പ് ഹൈദരാബാദിലെ ഒരു ആശുപത്രിയില്‍ യുവതി സഹായിയായി ജോലിചെയ്തിരുന്നു. ഈ സമയമത്ത് ഷൗക്കത്ത് എന്ന വിസ ഏജന്റ് യുവതിയെ സമീപിച്ച് ഒമാനിലെ മസ്‌കറ്റില്‍ ജോലി വാഗ്ദാനം ചെയ്യുകയായിരുന്നുവെന്ന് മാതാവിന്റെ പരാതിയില്‍ പറയുന്നു.
2023 ജനുവരി 30ന് വിസിറ്റ് വിസയിലാണ് യുവതി ഒമാനിലേക്ക് പോയത്. ഒമാനില്‍ എത്തിയപ്പോള്‍ നാസര്‍ എന്ന വ്യക്തി അവളെ സ്വീകരിച്ചു. തുടര്‍ന്ന് ഒരാഴ്ചയോളം മാന്‍പവര്‍ കണ്‍സള്‍ട്ടന്‍സി ഓഫീസില്‍ പാര്‍പ്പിച്ചു. പിന്നീട് തൊഴിലുടമയ്ക്ക് കൈമാറുകയും വീട്ടുജോലിക്കായി നിയോഗിക്കുകയും ചെയ്തു.
ആറു മാസത്തോളം വീട്ടുജോലികള്‍ ചെയ്തു. ഇതിനിടെ പീഡനങ്ങള്‍ നേരിടേണ്ടിവന്നുവെന്നും ശരിയായ ഭക്ഷണവും താമസസൗകര്യവും നിഷേധിക്കപ്പെട്ടുവെന്നും പരാതിയില്‍ ചൂണ്ടിക്കാട്ടുന്നു. ചിലപ്പോള്‍ കഫീലിന്റെ (തൊഴിലുടമ) സഹോദരനാല്‍ ലൈംഗികമായി ആക്രമിക്കപ്പെടുകയും ചെയ്തു.
ജീവിതം ദുരിതപൂര്‍ണമായതോടെ യുവതി ഇന്ത്യയിലേക്ക് മടങ്ങാന്‍ ആഗ്രഹിച്ചു. ഇക്കാര്യം പറഞ്ഞപ്പോള്‍ കഫീല്‍ യുവതിയ നാസറിന് തിരികെ കൈമാറിയെന്നും പറയുന്നു. ദിവസങ്ങള്‍ കഴിഞ്ഞിട്ടും മടക്കയാത്രക്ക് വഴിയില്ലാതായതോടെ മാന്‍പവര്‍ കണ്‍സള്‍ട്ടന്‍സി ഓഫീസില്‍ നിന്ന് യുവതി ഒളിച്ചോടി. തുടര്‍ന്ന് മസ്‌കറ്റിലുള്ള ഇന്ത്യന്‍ എംബസിയെ സമീപിച്ചു.
കഴിഞ്ഞ രണ്ട് മാസമായി മസ്‌കറ്റിലെ ഇന്ത്യന്‍ എംബസി ഓഫീസിന് പുറത്ത് റോഡരികിലാണ് മകള്‍ കഴിയുന്നതെന്നും മറ്റുള്ളവര്‍ നല്‍കുന്ന ഭക്ഷണം കഴിച്ച് ജീവിക്കുകയാണെന്നും മാതാവ് അറിയിച്ചു. മകളെ രക്ഷിച്ച് നാട്ടിലേക്ക് തിരിച്ചയക്കാന്‍ മസ്‌കറ്റിലെ ഇന്ത്യന്‍ എംബസിയോട് ആവശ്യപ്പെടണമെന്ന് കേന്ദ്ര മന്ത്രിക്ക് അയച്ച കത്തില്‍ മാതാവ് ആവശ്യപ്പെട്ടു.
വീട്ടുജോലിക്കായി ഒമാനിലേക്ക് പോയ ശേഷം കുരുക്കില്‍ അകപ്പെട്ട ഹൈദരാബാദ് സ്ത്രീകളുടെ സമാനമായ രണ്ട് കേസുകള്‍ കഴിഞ്ഞ ഒരാഴ്ചയ്ക്കിടെ പുറത്തുവന്നിരുന്നു.