മസ്‍കറ്റിൽ നിന്ന് തിരുവനന്തപുരത്തേക്ക് പുറപ്പെട്ട എയർ ഇന്ത്യ എക്സ്പ്രസ് 45 മിനിറ്റിന് ശേഷം അടിയന്തരമായി തിരിച്ചിറക്കി

ഒമാൻ: ഒമാനിൽ നിന്നും പുറപ്പെട്ട എയർ ഇന്ത്യ എക്സ്പ്രസ് വിമാനം അടിയന്തരമായി മസ്‍കറ്റ് അന്താരാഷ്‍ട്ര വിമാനത്താവളത്തിൽ തിരിച്ചിറക്കി. മസ്‍കറ്റിൽ നിന്ന് തിരുവനന്തപുരത്തേക്ക് പുറപ്പെട്ട വിമാനം ആണ് തിരിച്ചിറക്കിയത്. ഒമാന്‍ സമയം രാവിലെ 10.30ന് പുറപ്പെടേണ്ടിയിരുന്ന IX 554 വിമാനം മണിക്കൂറുകള്‍ വൈകി ആണ് പുറപ്പെട്ടത്. വൈകുന്നേരം 3.30ഓടെയാണ് മസ്‍കറ്റ് അന്താരാഷ്ട്ര വിമാനത്താവളത്തില്‍ നിന്നും പുറപ്പെട്ടത്. എന്നാൽ പറന്നു 45 മിനിറ്റിന് ശേഷം വിമാനം ഇറക്കി. ചില സാങ്കേതിക തകരാറുണ്ടെന്ന് പൈലറ്റ് യാത്രക്കാരെ അറിയിച്ചായിരുന്നു ഇറക്കിയത്.

Also Read: പാര്‍ക്കിംഗ് സ്‌പേസ് ഒഴിവുള്ളത് എവിടെയൊക്കെ എന്ന് ഇനി മൊബൈല്‍ പറയും; സ്മാര്‍ട്ട് പാര്‍ക്കിംഗ് ആപ്പുമായി ഖത്തര്‍

കരുനാഗപ്പള്ളി എം.എല്‍.എ സി.ആര്‍ മഹേഷ് വിമാനത്തിൽ ഉണ്ടായിരുന്നു. മസ്‍കറ്റ് അന്താരാഷ്‍ട്ര വിമാനത്താവളത്തില്‍ ആണ് അടിയന്തരമായി തിരിച്ചിറക്കിയത്. വിമാനത്തിന് ചില സാങ്കേതിക തകരാറുകൾ ഉണ്ടെന്ന് പെെലന്റ് ആണ് എയര്‍ ഇന്ത്യ എക്സ്പ്രസ് അധികൃതരെ അറിയിക്കുന്നത്. തുടർന്ന് യാത്ര അവസാനിപ്പിക്കുകയായിരുന്നു. യാത്രക്കാരെ മറ്റു വിമാനത്തിൽ തിരുവനന്തപുരത്തോ കൊച്ചിയിലോ എത്തിക്കുമെന്നാണ് അധികൃതർ പറഞ്ഞത്.

Also Read: ദുബായില്‍ കാണാമറയത്തിരുന്ന് വാട്ട്‌സാപ്പില്‍ മയക്കുമരുന്ന് വ്യാപാരം നടത്തിയ 'ദി ബാറ്റ്' പോലിസ് പിടിയില്‍

യാത്രക്കാർക്ക് വിമാനം വെെകുന്നത് മുൻകൂട്ടി അറിയിപ്പ് നൽകിയിരുന്നില്ല. രാവിലെ 10.30ന് പുറപ്പെടേണ്ടിയിരുന്ന വിമാനത്തില്‍ കയറാൻ വേണ്ടി രാവിലെ ഏഴ് മണി മുതല്‍ തന്നെ യാത്രക്കാര്‍ വിമാനത്താവളത്തിൽ എത്തിയിരുന്നു. എന്നാൽ ബോര്‍ഡിങ് പാസ് നൽകേണ്ട സമയം നീട്ടുകയായിരുന്നു. മറ്റു വിവരങ്ങൾ ഒന്നും അവർക്ക് ലഭിച്ചില്ല. തുടർന്ന് മറികൂറുകൾ വെെകി വിമാനം പുറപ്പെട്ടു. പിന്നീട്45 മിനിറ്റ് പറന്നു താഴെ ഇറക്കി.

Read Latest Gulf News and Malayalam News