പിതാവും രണ്ട് കുട്ടികളും ഒമാനിലെ കടലിൽ മുങ്ങി മരിച്ചു

ഒമാൻ: ഒമാനിലെ കടലിൽ രണ്ട് കുട്ടികളും പിതാവും മുങ്ങി മരിച്ചു. ബര്‍ക്കയിലെ അല്‍ സവാദി ബീച്ചിലാണ് സംഭവം നടന്നത്. തെക്കന്‍ അല്‍ ബത്തിന ഗവര്‍ണറേറ്റിലെ സിവില്‍ ഡിഫന്‍സ് ആന്‍ഡ് ആംബുലന്‍സ് അതോറിറ്റി ആണ് ഇതുമായി ബന്ധപ്പെട്ട വിവരം പുറത്തുവിട്ടത്. അഞ്ച് പേർ അടങ്ങുന്ന കുടുംബം ആണ് അപകടത്തിൽപ്പെട്ടത്. രണ്ട് കുട്ടികളും അവരുടെ പിതാവും ആണ് മരിച്ചത്. അധികൃതർ ആണ് ഇക്കാര്യം അറിയിച്ചത്. അമ്മയെയും മൂന്ന് കുട്ടികളില്‍ ഒരാളെയും രക്ഷപ്പെടുത്തി.

അതേസമയം, ബഹ്റെെനിൽ ഒരു പ്രവാസി മലയാളി യുവാവ് സ്വിമ്മിങ് പൂളില്‍ മുങ്ങിമരിച്ചു. കോഴിക്കോട് പയ്യോളി സ്വദേശിയായ സിദ്ദാര്‍ത്ഥ് സജീവ് ആണ് മുങ്ങി മരിച്ചത്. 27 വയസായിരുന്നു. ബഹ്റൈനിലെ സ്വകാര്യ കമ്പനിയില്‍ ആണ് അദ്ദേഹം ജോലി ചെയ്തിരുന്നത്. ഡെലിവറി സെക്ഷനില്‍ ആണ് ജോലി ചെയ്തിരുന്നത്. ഓഗസ്റ്റ് ഒന്നിനാണ് സജീവ് അവധി കഴിഞ്ഞ് നാട്ടിൽ നിന്നും എത്തിയത്.

Also Read: ഗള്‍ഫില്‍ ജോലി വാഗ്ദാനം ചെയ്‍ത് ഒരു ലക്ഷം രൂപ വാങ്ങിയ ഏജിന്റ് ചതിച്ചു, ഭക്ഷണവും വെള്ളവുമില്ലാതെ കഴിഞ്ഞത് പാർക്കിൽ


ഒരു റിസോര്‍ട്ടിലെ ഓപ്പണ്‍ പൂളിൽ വെച്ചാണ് അപകടം നടന്നത്. മുങ്ങി മരിച്ചതെന്ന് ഗള്‍ഫ് ഡെയ്‍ലി ന്യൂസ് റിപ്പോർട്ട് ചെയ്യുന്നുണ്ട്. ജന്മദിന പാര്‍ട്ടിയില്‍ പങ്കെടുക്കാന്‍ വേണ്ടിയാണ് അദ്ദേഹം റിസോർട്ടിൽ എത്തിയത്. സുഹൃത്തുക്കള്‍ക്കൊപ്പം ആണ് അദ്ദേഹം റിസോർട്ടിൽ എത്തിയത്. നിരവധിപ്പേര്‍ പാർട്ടിയിൽ പങ്കെടുക്കാൻ വേണ്ടി എത്തിയിരുന്നു. എന്നാൽ പുലര്‍ച്ചെ രണ്ട് മണിയോടെ ഒട്ടുമിക്ക ആളുകളും പാർട്ടി കഴിഞ്ഞ് മടങ്ങി പോയി.

Also Read: തൊഴില്‍ സുരക്ഷ ഉറപ്പാക്കാന്‍ പദ്ധതിയുമായി യുഎഇ; തൊഴിലാളിയുടെ പേരില്‍ ബാങ്ക് ഗ്യാരന്റിയോ ഇന്‍ഷൂറന്‍സോ വേണം

എന്നാൽ സജീവും ചില സുഹൃത്തുക്കളും സ്വിമ്മിങ് പൂളില്‍ നീന്താനായി പോവുകയായിരുന്നു. എല്ലാം കഴിഞ്ഞ് 2.30ഓടെ ഒപ്പമുണ്ടായിരുന്നവര്‍ കാറിലേക്ക് തിരിച്ച് പോയപ്പോഴാണ് സജീവിനെ കാണാനില്ലെന്ന് മനസിലായത്. സുഹൃത്തുക്കള്‍ തിരികെ വന്ന് തെരച്ചിൽ നടത്തിയപ്പോൾ ആണ് പൂളിന്റെ അടിത്തട്ടില്‍ അദ്ദേഹത്തെ മരിച്ച നിലയിൽ കണ്ടെത്തിയത്. ഉടന്‍ തന്നെ ആംബുലന്‍സ് വിളിച്ച് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.