വി​ദ്യാ​ർ​ഥി​ക​ൾ​ക്കും സ്കൂ​ൾ ജീ​വ​ന​ക്കാ​ർ​ക്കും ബു​ക്കി​ങ്​ ഇ​ല്ലാ​തെ ബൂ​സ്റ്റ​ർ ഡോ​സ് നൽകും: ഖത്തർ

ഖത്തർ: കെവിഡ് കേസുകൾ കൂടുന്ന സാഹചര്യത്തിൽ കർശന നിയന്ത്രണങ്ങളുമായി ഖത്തർ രംഗത്തെത്തിയിരിക്കുന്നത്. എല്ലാവരോരും ബൂസ്റ്റർ ഡോസ് സ്വീകരിക്കാൻ ആണ് അധികൃതർ നൽക്കുന്ന നിർദ്ദേശം. കൂടാതെ ഖത്തറിലെ സ്കൂൾ അധ്യാപകർക്കും, ജീവനക്കാർക്കും, വിദ്യാർഥികൾക്കും ബൂസ്റ്റർ ഡോസിന് അപോയ്മെന്‍റ് എടുക്കാതെ എത്തിയാൽ സ്വീകരിക്കാൻ സാധിക്കും. ഖത്തർ വിദ്യഭ്യാസ-ഉന്നത വിദ്യഭ്യാസ മന്ത്രാലയം ആണ് ഇക്കാര്യം അറിയിച്ചത്.

Also Read: ജനുവരി രണ്ടുമുതൽ പിസിആർ പരിശോധന ഫീസ് പരമാവധി ഒമ്പത് ദിനാർ: കുവൈറ്റ് ആരോഗ്യ മന്ത്രാലയം

വ്യാഴാഴ്ച പുറത്തിറക്കിയ സർക്കുലർ പ്രകാരമാണ് സ്വകാര്യ-പൊതു വിദ്യഭ്യാസ സ്ഥാപനങ്ങളിൽ ജീവനക്കാർക്കും കുട്ടികൾക്കും അർഹരായ വിഭാഗങ്ങൾക്ക് ബൂസ്റ്റർ ഡോസ് ലഭ്യമാക്കിയിരിക്കുന്നത്. ഇവർക്ക് ഹെൽത്ത് സെന്ററിൽ നേരിട്ട് എത്തി വാക്സിൻ സ്വീകരിക്കാൻ സാധിക്കും. ഇപ്പോൾ 12 വയസിന് താഴെ പ്രായമുള്ള കുട്ടികൾക്കാണ് ഖത്തറിൽ വാക്സിൻ നൽക്കുന്നത്. കുട്ടികൾ സ്ക്കൂളിൽ എത്തുമ്പോൾ അവർക്ക് സുരക്ഷിതമായ പഠന സാഹചര്യം ഒരുക്കുന്നതിന് വേണ്ടിയാണ് ബൂസ്റ്റർ ഡോസ് എളുപ്പമാക്കിയതെന്ന് മന്ത്രാലയം അറിയിച്ചു.

Also Read: യുഎഇയിലെ രണ്ടര ദിവസം അവധി; പുതിയ രീതിയോട് സ്വകാര്യ കമ്പനികള്‍ക്ക് താല്‍പര്യമില്ല

അതേസമയം, കൊവിഡ് പരിശോധനക്ക് ഓൺലൈൻ രജിസ്ട്രേഷൻ നിർബന്ധമാക്കിയതായി സിദ്ര മെഡിസിൻ അറിയിച്ചു. ഖത്തറിലെ ഇപ്പോഴത്തെ കൊവിഡ് സാഹചര്യങ്ങളുടെ അടിസ്ഥാനത്തിലാണ് പരിശോധിക്കാൻ എത്തുന്നവർക്ക് ഓൺലെെൻ വഴി രജിസ്ട്രേഷൻ ഒരുക്കിയിരിക്കുന്നത്. ഇനിമുതൽ നേരിട്ട് വന്ന് രജിസ്റ്റർ ചെയ്യാനോ പരിശോധന നടത്താനോ സാധിക്കില്ലെന്ന് സിദ്ര മെഡിസിൻ പുറത്തിറക്കിയ അറിയിപ്പിൽ പറയുന്നു. https://www.sidra.org/covid-19-pcr-and-antibody-testing എന്ന ലിങ്ക് വഴി പരിശോധനക്ക് രജിസ്റ്റർ ചെയ്യാവുന്നതാണ്.