ഖത്തറിലെത്തുന്നത് ഫൈസര്‍ വാക്‌സിന്‍
ഖത്തര്‍ അമീറിന്റെ നിര്‍ദേശപ്രകാരമാണ് കോവിഡ് വാക്‌സിന്റെ ആദ്യ ബാച്ച് രാജ്യത്ത് എത്തുന്നത്. ആരോഗ്യ മാനദണ്ഡങ്ങള്‍ പാലിച്ച് എല്ലാവര്‍ക്കും വാക്‌സിന്‍ വിതരണം ചെയ്യാന്‍ ആരോഗ്യമേഖലയിലെ ബന്ധപ്പെട്ടവര്‍ക്ക് നിര്‍ദ്ദേശം നല്‍കിയിട്ടുണ്ടെന്നും മന്ത്രി പറഞ്ഞു. കൊവിഡ് മഹാമാരിയെ പിടിച്ചുകെട്ടാനും ജനജീവിതം സാധാരണ നിലയിലേക്ക് തിരിച്ചുകൊണ്ടുവരാനും രാജ്യം നടത്തുന്ന പരിശ്രമങ്ങളിലെ സുപ്രധാന ചുവടുവയ്പ്പാണ് വാക്‌സിന്‍ വിതരണം.
നന്ദി അറിയിച്ച് പ്രധാനമന്ത്രി
പകര്‍ച്ചവ്യാധിയെ നേരിടുന്നതില്‍ രാജ്യം കൈവരിച്ച വിജയത്തില്‍ അഭിമാനം കൊള്ളുന്നെന്ന് ഖത്തര്‍ പ്രധാനമന്ത്രിയും ആഭ്യന്തരമന്ത്രിയുമായ ശെയ്ഖ് ഖാലിദ് ബിന്‍ ഖലീഫ ബിന്‍ അബ്ദുല്‍ അസീസ് അല്‍ താനി പറഞ്ഞു. കൊവിഡിനെതിരായ പോരാട്ടത്തില്‍ മുന്‍നിരയില്‍ പ്രവര്‍ത്തിച്ച ആരോഗ്യ പ്രവര്‍ത്തകര്‍ക്കും ഈ യഞ്ജനത്തിന്റെ ഭാഗമായി കൂടെനിന്ന എല്ലാവര്‍ക്കും നന്ദി അറിയിക്കുന്നതായും അദ്ദേഹം ട്വിറ്റര്‍ സന്ദേശത്തില്‍ വ്യക്തമാക്കി. യുഎസ്-ജന്‍മന്‍ കമ്പനിയായ ഫൈസര്‍ ആന്റ് ബയോഎന്‍ടെക്കിന്റെ പ്രതിരോധ വാക്‌സിനാണ് നാളെ എത്തുന്നത്.
ആദ്യഘട്ടത്തില്‍ പ്രായമായവര്‍ക്കും രോഗികള്‍ക്കും
വാക്‌സിന്‍ വിതരണത്തിന്റെ ആദ്യ ഘട്ടത്തില്‍ പ്രായമായവര്‍ക്കും വൃക്ക, ഹൃദയം, ശ്വാസകോശം തുടങ്ങിയവയുമായി ബന്ധപ്പെട്ട രോഗങ്ങള്‍, കാന്‍സര്‍, വിട്ടുമാറാത്ത അസുഖങ്ങള്‍ തുടങ്ങിയവ ഉള്ളവര്‍ക്കും കൊവിഡ് പ്രതിരോധത്തിന്റെ മുന്‍നിരയില്‍ പ്രവര്‍ത്തിക്കുന്നവര്‍ക്കുമാണ് വാക്‌സിന്‍ നല്‍കുകയെന്ന് ആരോഗ്യമന്ത്രിയുടെ ഉപദേഷ്ടാവ് ഡോ. അബ്ദുല്‍ വഹാബ് അല്‍ മുസ്ലിഹ് നേരത്തേ വ്യക്തമാക്കിയിരുന്നു. അവര്‍ക്കു നല്‍കിയ ശേഷം മാത്രമേ മറ്റുള്ളവര്‍ക്കിടയില്‍ വിതരണം ആരംഭിക്കുകയുള്ളൂ. രാജ്യത്തെ സ്വദേശികള്‍ക്കും വിദേശികള്‍ക്കും സൗജന്യമായാണ് വാക്‌സിന്‍ നല്‍കുക. അതേസമയം, നാളെ എത്തിച്ചേരുന്ന പ്രതിരോധ വാക്‌സിന്‍ എപ്പോള്‍ മുതലാണ് വിതരണം ആരംഭിക്കുകയെന്ന് പ്രഖ്യാപിച്ചിട്ടില്ല.നേതാക്കള്‍ക്കെതിരെ പോസ്റ്ററുകള്‍