ആപ്പ്ജില്ല

പെരുന്നാള്‍ അവധിക്ക് ഖത്തറിന് പുറത്തേക്കാണോ യാത്ര; യാത്രക്കാര്‍ക്ക് നിര്‍ദ്ദേശങ്ങളുമായി ഹമദ് എയര്‍പോര്‍ട്ട്

ചെക്ക് ഇന്‍ നടപടിക്രമങ്ങള്‍ ലളിതമാക്കുന്നതിനായി യാത്ര ചെയ്യുന്ന രാജ്യത്തെ കൊവിഡ് നിയന്ത്രണങ്ങള്‍ എന്തൊക്കെയെന്ന് നേരത്തേ തന്നെ അറിഞ്ഞുവയ്ക്കുകയും അവ അനുസരിച്ചുള്ള തയ്യാറെടുപ്പുകള്‍ നടത്തുകയും വേണം.

Samayam Malayalam 13 Jul 2021, 1:27 pm
ദോഹ: ബലിപെരുന്നാള്‍ അവധി പ്രമാണിച്ച് ദോഹയില്‍ നിന്നും യാത്ര പുറപ്പെടുന്നവര്‍ക്കുള്ള മാര്‍ഗ നിര്‍ദേശങ്ങളുമായി ഹമദ് ഇന്റര്‍നാഷണല്‍ എയര്‍പോര്‍ട്ട് അധികൃതര്‍. ദോഹയില്‍ നിന്നും പുറപ്പെടുന്ന യാത്രക്കാര്‍ ഓണ്‍ലൈനില്‍ ചെക്ക് ഇന്‍ ചെയ്യാനും വിമാനം പുറപ്പെടുന്നതിന് മൂന്നു മണിക്കൂര്‍ മുമ്പ്
Samayam Malayalam hamad international airport issues advisory for passengers departing during eid al adha holidays
പെരുന്നാള്‍ അവധിക്ക് ഖത്തറിന് പുറത്തേക്കാണോ യാത്ര; യാത്രക്കാര്‍ക്ക് നിര്‍ദ്ദേശങ്ങളുമായി ഹമദ് എയര്‍പോര്‍ട്ട്

തന്നെ വിമാനത്താവളത്തില്‍ എത്തിച്ചേരാനും എച്ച്‌ഐഎ അധികൃതര്‍ നിര്‍ദേശിച്ചു.


​സെല്‍ഫ് സര്‍വീസ് ചെക്ക് ഇന്‍ ഉപയോഗപ്പെടുത്തണം


ഇഹ്തിറാസ് ആപ്പിലെ ആരോഗ്യ സ്റ്റാറ്റസ് പച്ച നിറത്തിലുള്ളവരെയോ ടെര്‍മിനല്‍ കെട്ടിടത്തില്‍ പ്രവേശിക്കുന്നതിന് 72 മണിക്കൂറിന് ഇടയില്‍ എടുത്ത പിസിആര്‍ ടെസ്റ്റിലെ നെഗറ്റീവ് സര്‍ട്ടിഫിക്കറ്റ് ഉള്ളവരേയോ മാത്രമേ എയര്‍പോര്‍ട്ടിലേക്ക് പ്രവേശിപ്പിക്കുകയുള്ളൂ. യാത്രക്കാരെ സ്വന്തം നിലയ്ക്ക് ചെക്ക്-ഇന്‍ ചെയ്യാനും ബോര്‍ഡിംഗ് പാസുകളും ബാഗ് ടാഗുകളും പ്രിന്റ് ചെയ്യാനും സഹായിക്കുന്ന സെല്‍ഫ് സര്‍വീസ് ചെക്ക് ഇന്‍, ബാഗ് ഡ്രോപ്പ് സൗകര്യങ്ങള്‍ ഇവിടെ ലഭ്യമാണൈന്നും അധികൃതര്‍ അറിയിച്ചു. തുടര്‍ന്ന് ബാഗുകള്‍ ടാഗ് ചെയ്ത് അവ ഡ്രോപ് സംവിധാനത്തില്‍ വച്ച ശേഷം എമിഗ്രേഷനിലേക്ക് പോകാം.

​ഒരു മണിക്കൂര്‍ മുമ്പ് ചെക്ക് ഇന്‍ നിര്‍ത്തും


കൊവിഡ് സാഹചര്യത്തില്‍ പുറപ്പെടുന്നതും മടങ്ങിവരുന്നതുമായ യാത്രക്കാരുടെ സൗകര്യവും സുരക്ഷയും പരിഗണിച്ച് ഡിപ്പാര്‍ച്ചര്‍, അറൈവല്‍, ടെര്‍മിനല്‍ കെട്ടിടത്തിലേക്കുള്ള പ്രവേശനം യാത്രക്കാര്‍ക്ക് മാത്രമായും പരിമിതപ്പെടുത്തിയിട്ടുണ്ട്. ചെക്ക് ഇന്‍ നടപടിക്രമങ്ങള്‍ ലളിതമാക്കുന്നതിനായി യാത്ര ചെയ്യുന്ന രാജ്യത്തെ കൊവിഡ് നിയന്ത്രണങ്ങള്‍ എന്തൊക്കെയെന്ന് നേരത്തേ തന്നെ അറിഞ്ഞുവയ്ക്കുകയും അവ അനുസരിച്ചുള്ള തയ്യാറെടുപ്പുകള്‍ നടത്തുകയും വേണം. നിരോധിത സാധനങ്ങളൊന്നും ലഗേജില്‍ ഇല്ലെന്ന് ഉറപ്പുവരുത്തണം. അവധി ദിനങ്ങളില്‍ തിരക്ക് കൂടുമെന്നതിനാല്‍ വളര്‍ത്തുമൃഗങ്ങളെ പരമാവധി വിമാനത്താവളത്തിലേക്ക് കൊണ്ടുവരുന്നത് ഒഴിവാക്കണം. വിമാനം പുറപ്പെടുന്നതിന് ഒരു മണിക്കൂര്‍ മുമ്പായി ചെക്ക് ഇന്‍ നടപടികള്‍ നിര്‍ത്തിവയ്ക്കും.

​കൊവിഡ് ചട്ടങ്ങള്‍ പാലിക്കണം


ഹമദ് എയര്‍പോര്‍ട്ട് വഴി രാജ്യത്തു നിന്ന് പുറത്തുപോവുന്നവര്‍ HIAQatar എന്ന മൊബൈല്‍ ആപ്പ് ഡൗണ്‍ലോഡ് ചെയ്ത് യാത്രയുമായി ബന്ധപ്പെട്ട എല്ലാ വിവരങ്ങളും നിര്‍ദ്ദേശങ്ങളും അപ്‌ഡേറ്റ് ചെയ്യണമെന്നും അധികൃതര്‍ നിര്‍ദ്ദേശിച്ചു. ഖത്തറിലേക്ക് തിരിച്ചുവരുന്ന മുഴുവന്‍ യാത്രക്കാരും www.ehteraz.gov.qa എന്ന സൈറ്റില്‍ രേഖകള്‍ അപ് ലോഡ് ചെയ്ത് ട്രാവല്‍ ഓതറൈസേഷന്‍ നേടിയിരിക്കണം. കൂടുതല്‍ വിവരങ്ങള്‍ https://covid19.moph.gov.qa/EN/travel-and-return-policy/Pages/default.aspx എന്ന ലിങ്കില്‍ ലഭ്യമാണ്. മാസ്‌ക്ക് ധാരണം, സാമൂഹ്യ അകലം പാലിക്കല്‍, കൈകള്‍ അണുവിമുക്തമാക്കല്‍ തുടങ്ങിയ കാര്യങ്ങള്‍ യാത്രയിലുടനീളം പാലിക്കണമെന്നും അധികൃതര്‍ അറിയിച്ചു.

ആര്‍ട്ടിക്കിള്‍ ഷോ