ഒരു വയസുകാരനായ മലയാളി ബാലന്‍ ഖത്തറില്‍ മരിച്ചു

ഖത്തർ: ഖത്തറിൽ ഒരു വയസുകാരനായ മലയാളി ബാലന്‍ മരിച്ചു. തൃശൂര്‍ ഏങ്ങാണ്ടിയൂര്‍ ചെമ്പന്‍ ഹൗസില്‍ കണ്ണന്‍ സികെയുടെയും സിജിയുടെയും മകൻ വിദ്യുജ് കണ്ണന്‍ ആണ് മരിച്ചത്. ഖത്തറിലെ ദോഹയിൽ വെച്ചാണ് മരിച്ചത്. കഴിഞ്ഞ ഒരാഴ്ചയായി സിദ്ര ആശുപത്രിയില്‍ പ്രവേശിപ്പിച്ചിരുന്നു. ഇവിടെ ചികിത്സയിൽ കഴിയുന്നതിന് ഇടക്കാണ് മരണം സംഭവിച്ചത്.

Also Read: ഒരാഴ്ച പിന്നിട്ടും യാതൊരു വിവരവുമില്ല, കാടുള്ള പ്രദേശത്തേക്ക് പോകുന്നുവെന്ന് അവസാന സന്ദേശം, പിന്നാലെ ഫോൺ ഓഫ് ആയി; ദുബായിൽ കാണാതായ അമലിന്റെ തിരോധാനത്തിൽ ആശങ്കയോടെ ബന്ധുക്കൾ

കുട്ടിയുടെ പിതാവ് ഖത്തറില്‍ സ്വകാര്യ സ്ഥാപനത്തില്‍ സെയില്‍സ് വിഭാഗത്തില്‍ ജോലി ചെയ്യുകയാണ്. അമ്മ സിജി ഖത്തര്‍ എയര്‍വേയ്സില്‍ ജീവനക്കാരിയാണ്. മൃതദേഹം നാട്ടിലേക്ക് കൊണ്ടു പേകാൻ തന്നെയാണ് തീരുമാനിച്ചിരിക്കുന്നത്. കള്‍ച്ചറല്‍ ഫോറം എക്സ്പാട്രിയേറ്റ് പ്രവര്‍ത്തകരുടെ നേതൃത്വത്തില്‍ ഇതിന് ആവശ്യമായ നടപടി ക്രമങ്ങൾ നടത്തി.

Read Latest Gulf News and Malayalam News