വാതക ചോര്‍ച്ചയ്ക്ക് കാരണമാകും
Photo Credit: pixabay
ഇത്തരം അനധികൃത റെഗുലേറ്ററുകള്‍ ശഫാഫ് സിലിണ്ടറുകള്‍ക്ക് കേട്പാട് വരുത്തുമെന്നും വുഖൂദ് ഉപഭോക്താക്കള്‍ക്ക് മുന്നറിയിപ്പ് നല്‍കി. ഷഫാഫ് സിലിണ്ടറുകള്‍ക്ക് ഉപയോഗിക്കുന്നതിന് വേണ്ടി അംഗീകാരമില്ലാത്ത റെഗുലേറ്ററുകള്‍ വിപണിയില്‍ വില്‍ക്കുന്ന കാര്യം ശ്രദ്ധയില്‍പ്പെട്ടിട്ടുണ്ടെന്ന് സാമൂഹ മാധ്യമങ്ങളിലൂടെ വ്യക്തമാക്കി. ഇത്തരം റെഗുലേറ്ററുകള്‍ ഉപയോഗിക്കുന്നത് വാതകം ചോരാനും അതുവഴി തീപ്പിടിത്തത്തിനും ഇടയാക്കുമെന്ന് മുന്നറിയിപ്പ് നല്‍കി.
സുരക്ഷാ നിര്‍ദ്ദേശങ്ങള്‍
Photo Credit: pixabay
വുഖൂദ് അംഗീകാരത്തോട് കൂടിയ ഉന്നത നിലവാരമുള്ള പ്രഷര്‍ റെഗുലേറ്ററുകള്‍, ഹോസ് കേബിള്‍ എന്നിവ മാത്രമേ ഉപയോഗിക്കാവൂ എന്നും നിര്‍ദ്ദേശമുണ്ട്. റെഗുലേറ്ററുകള്‍ ശരിയായ രീതിയില്‍ ഘടിപ്പിച്ചു എന്ന് ഉറപ്പ് വരുത്തണം. മണം പരിശോധിച്ചും കോണ്ടാക്ട് പോയിന്റില്‍ സോപ്പ് വെള്ളം ഉപയോഗിച്ചും വാതക ചോര്‍ച്ച ഇല്ല എന്നുറപ്പു വരുത്താം. ഉപയോഗമില്ലാത്ത സമയത്ത് റെഗുലേറ്റര്‍ നോബ് ഓഫ് ചെയ്തു എന്ന് ഉറപ്പു വരുത്തണമെന്നും അലക്ഷ്യമായി ഗ്യാസ് സിലിണ്ടറുകള്‍ കൈകാര്യം ചെയ്യരുതെന്നും വുഖൂദ് ഉപഭോക്താക്കള്‍ക്ക് നിര്‍ദ്ദേശം നല്‍കി.
വീട്ടിനകത്ത് ചാര്‍കോള്‍ കത്തിക്കരുത്
Photo Credit: pixabay
അതിനിടെ, തണുപ്പ് കാലം വരുന്നതോടെ വീട്ടിനകത്ത് ചാര്‍കോളും വിറകും കത്തിക്കുന്ന പതിവുണ്ടെന്നും അത് മാരകമായ വിഷവാതകത്തിന് കാരണമാവുമെന്നും ഹമദ് മെഡിക്കല്‍ കോര്‍പറേഷന്‍ മുന്നറിയിപ്പ് നല്‍കി. കഴിഞ്ഞ വര്‍ഷം തണുപ്പ് കാലത്ത് നൂറോളം പേരാണ് ഈ രീതിയില്‍ വിഷവാതകം ശ്വസിച്ച് ആശുപത്രിയിലെത്തിയത്. പുകയില്‍ അടങ്ങിയിരിക്കുന്ന കാര്‍ബണ്‍ മോണോക്‌സൈഡ് ഗുരുതരമായ ആരോഗ്യ പ്രശ്‌നങ്ങള്‍ക്കു കാരണമാവുമെന്നും അധികൃതര്‍ മുന്നറിയിപ്പ് നല്‍കി.