വാക്സിന് നല്‍കുന്നത് 35 വയസിന് മുകളിലുള്ളവര്‍ക്ക്
60 വയസിനു മുകളിലുള്ളവരില്‍ 84.5 ശതമാനത്തിനും 70 വയസിനു മുകളിലുള്ളവരില്‍ 81.2 ശതമാനത്തിനും 80 വയസ്സിന് മുകളിലുള്ളവരില്‍ 79.5 ശതമാനത്തിനും ചുരുങ്ങിയത് ഒരു ഡോസെങ്കിലും വാക്സിന് ലഭിച്ചതായും മന്ത്രാലയം അറിയിച്ചു. അതേസമയം, 50 വയസ്സിന് മുകളിലുള്ളവരില്‍ 76.6 ശതമാനവും 40 വയസിനു മുകളിലുള്ളവരില്‍ 63.9 ശതമാനവും പേരും ഒരു ഡോസ് വാക്സിന് എടുത്തുകഴിഞ്ഞു. കൂടുതല്‍ പേര്‍ക്ക് വാക്സിന് നല്‍കുന്നതിന്റെ ഭാഗമായി അര്‍ഹതാ പ്രായം കഴിഞ്ഞയാഴ്ച 35ആക്കി മന്ത്രാലയം കുറച്ചിരുന്നു.
രണ്ട് ഡോസ് ലഭിച്ചത് അഞ്ചു ലക്ഷത്തിലേറെ പേര്‍ക്ക്
അതിനിടെ, രാജ്യത്തിലെ 22.3 ശതമാനം ആളുകളും രണ്ട് ഡോസ് വാക്സിന് സ്വീകരിച്ചുകഴിഞ്ഞു. 507,743 പേരാണ് ഏതെങ്കിലും വാക്‌സിന്റെ രണ്ടു ഡോസുകളും പൂര്‍ത്തിയാക്കിയത്. പ്രൈമറി ഹെല്‍ത്ത് കെയര്‍ കോര്‍പറേഷന്റെ കീഴിലുള്ള 27 പ്രാഥമികാരോഗ്യ കേന്ദ്രങ്ങള്‍ ഉള്‍പ്പെടെ 35 കേന്ദ്രങ്ങള്‍ വഴിയാണ് രാജ്യത്ത് കൊവിഡ് വാക്സിന് വിതരണം ചെയ്യുന്നത്. ഖത്തര്‍ നാഷനല്‍ കണ്‍വെന്‍ഷന്‍ സെന്ററും ലുസൈലിലെയും അല്‍ വക്‌റയിലെയും രണ്ട് ഡ്രൈവ് ത്രൂ സെന്ററുകളുമാണ് ഇവയില്‍ പ്രധാനം. ഇതുവരെ വാക്സിന് ലഭിച്ചവരില്‍ 1.1 ലക്ഷത്തിലേറെ പേരും വാക്സിന് എടുത്തത് രണ്ട് ഡ്രൈവ് ത്രൂ സെന്ററുകളില്‍ നിന്ന് വാഹനത്തില്‍ ഇരുന്നാണ്. ഇവിടെ രണ്ടാം ഡോസ് വാക്സിന് മാത്രമാണ് വിതരണം ചെയ്യുന്നത്.