നാളെ മുതല് പ്രാബല്യത്തില് വരുന്ന പുതിയ ഇളവുകള്
- സ്വകാര്യ, സര്ക്കാര് ഓഫീസുകളില് 50 ശതമാനം ജീവനക്കാര്ക്ക് ഓഫീസിലെത്തി ജോലി ചെയ്യാം. ബാക്കിയുള്ളവര് സൗകര്യത്തിനും ആവശ്യത്തിനും അനുസരിച്ച് വീട്ടില് നിന്ന് ജോലി ചെയ്യണം. സൈന്യം, പോലിസ്, ആരോഗ്യ മേഖലകള്ക്ക് ഇത് ബാധകമല്ല. സ്വകാര്യ മേഖലയില് മുഴുവന് ജീവനക്കാരും ജോലിക്കെത്തേണ്ട സ്ഥാപനങ്ങള്ക്ക് വാണിജ്യ - വ്യവസായ മന്ത്രാലയവുമായി ബന്ധപ്പെട്ട് ഇളവ് നേടാം.
- ഓഫിസുകളില് വാക്സിനെടുത്ത 15ല് കൂടാത്ത ആളുകള്ക്ക് യോഗം ചേരാം. ഇതില് കൂടുതല് പേര് പങ്കെടുക്കുന്ന യോഗങ്ങള് ഓണ്ലൈന് ആയി മാത്രമേ പാടുള്ളൂ.
- സ്കൂളില് ഓണ്ലൈന്, ഓഫ്ലൈന് പഠനം സംവിധാനം. 30 ശതമാനം ശേഷിയില് നേരിട്ടുള്ള ക്ലാസ്സുകള് അനുവദിക്കും.
- ആശുപത്രികള്, സ്വകാര്യ മെഡിക്കല് കേന്ദ്രങ്ങള് എന്നിവയ്ക്ക് 80 ശതമാനം ശേഷിയില് പ്രവര്ത്തിക്കാം.
- പള്ളികളില് പതിവ് നമസ്കാരങ്ങളും ജുമുഅ നമസ്ക്കാരവും നടക്കും. 12 വയസ്സിന് താഴെയുള്ള കുട്ടികള്ക്ക് പ്രവേശനമില്ല. ആരോഗ്യ മന്ത്രാലയത്തിന്റെ എല്ലാ മുന്കരുതലുകളും പാലിക്കണം. അംഗ ശുദ്ധി വരുത്തുന്ന സ്ഥലവും ടോയിലെറ്റുകളും അടച്ചിടണം.
വാഹനങ്ങളില് ഡ്രൈവര് ഉള്പ്പെടെ പരമാവധി നാലു പേര്മാത്രം
- രണ്ട് ഡോസ് വാക്സിനെടുത്തവരാണെങ്കില് വീട്ടിനകത്തും മജ്ലിസിനകത്തും അഞ്ച് പേര്ക്കും അവയ്ക്കു പുറത്ത് 10 പേര്ക്കും ഒത്തു ചേരാം. ഒരു ഡോസ് വാക്സിന് മാത്രം എടുത്തവരോ വാക്സിന് തീരെ എടുക്കാത്തവരോ ആണെങ്കില് ഇവയ്ക്ക് പുറത്ത് പരമാവധി അഞ്ചു പേര്ക്കും ഒത്തുചേരാം.
- ഇന്ഡോറിലായാലും ഔട്ട് ഡോറിലായാലും വിവാഹ ചടങ്ങുകള്ക്ക് അനുമതിയില്ല.
- പാര്ക്കുകള്, കോര്ണിഷ്, ബീച്ചുകള് എന്നിവിടങ്ങളില് അഞ്ച് പേരടങ്ങുന്ന സംഘങ്ങള്. അല്ലെങ്കില് ഒരേ കൂടുംബത്തില്പ്പെട്ടവര് എന്നിവര്ക്ക് ഒത്തു ചേരാം. പക്ഷെ, ആകെ ശേഷിയുടെ 30 ശതമാനം പേര് മാത്രമേ പാടുള്ളൂ. നടത്തം, സൈക്ലിംഗ് എന്നിവയ്ക്ക് അനുവാദമുണ്ട്. എന്നാല് ഇവിടങ്ങളിലെ കളിസ്ഥലങ്ങള്, സ്പോര്ട്സ് ഉപകരണങ്ങള് എന്നിവ ഉപയോഗിക്കരുത്.
- വാഹനങ്ങളില് ഡ്രൈവര് ഉള്പ്പെടെ പരമാവധി നാലു പേര്മാത്രം. എന്നാല് ഒരേ വീട്ടില് നിന്നുള്ള ആളുകളാണെങ്കില് ഇളവുണ്ട്.
- ബസ്സുകളില് പരമാവധി 50 ശതമാനം പേര് മാത്രം. സാമൂഹ്യ അകലം, മാസ്ക് ധാരണം, അണുനശീകരണം തുടങ്ങിയ നിര്ദ്ദേശങ്ങള് കൃത്യമായി പാലിക്കണം.
അധ്യാപകരും പരിശീലകരും വാക്സിനെടുത്തിരിക്കണം
- വെള്ളി, ശനി അടക്കമുള്ള എല്ലാ ദിവസങ്ങളിലും മെട്രോ ഉള്പ്പെടെയുള്ള പൊതുഗതാഗതം 30 ശതമാനം ശേഷിയില് പ്രവര്ത്തിക്കാം. ഭക്ഷണപാനീയങ്ങള് അനുവദിക്കില്ല. സ്മോകിംഗ് ഏരിയ അടച്ചിടണം.
- ഡ്രൈവിങ് സ്കൂളുകള്ക്കും സിനിമാ തിയേറ്ററുകള്ക്കും 30 ശതമാനം ശേഷിയില് പ്രവര്ത്തിക്കാം. ജീവനക്കാരെല്ലാം വാക്സിനെടുത്തിരിക്കണം. സിനിമാ തിയേറ്ററുകളില് പ്രവേശനം വാക്സിനെടുത്ത 12 വയസ്സിന് മുകളിലുള്ളവര്ക്ക് മാത്രം.
- സ്വകാര്യ വിദ്യാഭ്യാസ സ്ഥാപനങ്ങളും ട്രെയ്നിംഗ് സെന്ററുകളും നഴ്സറികളും 30 ശതമാനം ശേഷിയില് പ്രവര്ത്തിക്കാം. അധ്യാപകരും പരിശീലകരും വാക്സിനെടുത്തിരിക്കണം.
- ലൈബ്രറികളിലും മ്യൂസിയങ്ങളിലും 30 ശതമാനം പേര്ക്ക് പ്രവേശനം അനുവദിക്കാം.
13. ഭിന്നശേഷിക്കാര്ക്കായുള്ള വിദ്യാഭ്യാസ-പരിശീലന കേന്ദ്രങ്ങളില് അഞ്ച് പേരില് കൂടാതെയുള്ള സെഷനുകള് സംഘടിപ്പിക്കാം. പരിശീലകരും ജീവനക്കാരും വാക്സിനെടുത്തിരിക്കണം.
പൊതു പരിപാടികള്ക്കുമുള്ള വിലക്ക് തുടരും
- ഖത്തര് ആരോഗ്യ മന്ത്രാലയം അംഗീകരിച്ച പ്രാദേശിക, അന്താരാഷ്ട്ര മല്സരങ്ങള്ക്കുള്ള സ്പോര്ട്സ് ടീം പരിശീലനത്തിന് അനുമതിയുണ്ട്. തുറന്ന സ്ഥലങ്ങളില് വാക്സിനെടുത്ത 10 പേര്ക്കും ഇന്ഡോറില് വാക്സിനെടുത്ത അഞ്ചു പേര്ക്കുമാണ് അനുമതി. പൊതുജനങ്ങള്ക്ക് പ്രവേശനമില്ല.
- അന്താരാഷ്ട്ര, പ്രാദേശിക കായിക മല്സരങ്ങള് വാക്സിനെടുത്ത 30 ശതമാനം കാണികളുമായി സംഘടിപ്പിക്കാന് അനുമതി. അടച്ചിട്ട സ്ഥലങ്ങളില് കാണികളെ അനുവദിക്കില്ല.
- എല്ലാ സമ്മേളനങ്ങള്ക്കും പ്രദര്ശനങ്ങള്ക്കും മറ്റ് പൊതു പരിപാടികള്ക്കുമുള്ള വിലക്ക് തുടരും.
- ഷോപ്പിങ് സെന്ററുകള്ക്ക് 30 ശതമാനം ശേഷിയില് പ്രവര്ത്തിക്കാം. ഫുഡ് കോര്ട്ടുകളില് ഇരുന്ന് ഭക്ഷണം കഴിക്കാന് പാടില്ല. പാര്സല്, ഡെലിവറി സേവനങ്ങള് ആവാം. 12 വയസ്സിന് താഴെയുള്ള കുട്ടികള്ക്ക് പ്രവേശനമുണ്ടായിരിക്കില്ല.
- റസ്റ്റോറന്റുകളിലും കഫേകളിലും 30 ശതമാനം ശേഷിയില് ഔട്ട്ഡോര് ഡൈനിംഗ് അനുവദിക്കും. ക്ലീന് ഖത്തര് റസ്റ്റോറന്റുകളില് 30 ശതമാനം ശേഷിയില് അകത്തിരുന്നു ഭക്ഷണം കഴിക്കാം. എന്നാല് പ്രവേശനം പൂര്ണമായി വാക്സിനെടുത്തവര്ക്കു മാത്രം.
ബാര്ബര് ഷോപ്പ്, ബ്യൂട്ടി സലൂണുകള് എന്നിവ 30 ശതമാനം ശേഷിയില് പ്രവര്ത്തിക്കാം
- ബോട്ടുകളും ടൂറിസ്റ്റ് യാനങ്ങളും വാടകയ്ക്ക് നല്കുന്നതിനുള്ള വിലക്ക് തുടരും. എന്നാല്, ഒരേ വീട്ടില് താമസിക്കുന്ന ഒരേ കുടുംബത്തില്പ്പെട്ടവര്ക്ക് ഇളവുണ്ട്. ബോട്ട് ജീവനക്കാര് മുഴുവന് വാക്സിന് എടുത്തിരിക്കണം.
- പരമ്പരാഗത മാര്ക്കറ്റുകള് അഥവാ സൂഖുകള്ക്കും ഹോള്സെയില് മാര്ക്കറ്റുകള്ക്കും ആഴ്ചയിലെ എല്ലാ ദിവസവും 30 ശമതാനം ശേഷിയില് പ്രവര്ത്തിക്കാം. 12 വയസ്സിന് താഴെയുള്ള കുട്ടികള്ക്ക് പ്രവേശനമുണ്ടായിരിക്കില്ല.
- ബാര്ബര് ഷോപ്പ്, ബ്യൂട്ടി സലൂണുകള് എന്നിവ 30 ശതമാനം ശേഷിയില് പ്രവര്ത്തിക്കാം. ജീവനക്കാരും സന്ദര്ശകരും പൂര്ണമായും വാക്സിനെടുത്തവര് ആയിരിക്കണം എന്ന് നിബന്ധനയുണ്ട്.
- കളി സ്ഥലങ്ങള്, എന്റര്ടെയിന്മെന്റ് സോണുകള്, അമ്യൂസ്മെന്റ് പാര്ക്കുകള് എന്നിവിടങ്ങില് തുറന്ന സ്ഥലങ്ങള് 30 ശതമാനം ശേഷിയിലും അടച്ചിട്ട സ്ഥലങ്ങളില് 20 ശതമാനം ശേഷിയിലും പ്രവേശനം അനുവദിക്കും. ഇന്ഡോറില് വാക്സിനെടുത്തവര്ക്ക് മാത്രം പ്രവേശനം.
- ഹെല്ത്ത്, ഫിറ്റ്നസ് ക്ലബ്ബുകള്, മസാജിംഗ് സെന്ററുകള്, സ്പാ എന്നിവിടങ്ങളില് 30 ശതമാനം ശേഷിയില് പ്രവേശനം അനുവദിക്കാം. ജീവനക്കാരും സന്ദര്ശകരും പൂര്ണമായും വാക്സിനെടുത്തവര് ആയിരിക്കണം.
പുറത്തിറങ്ങുമ്പോള് എല്ലാവരും മാസ്ക്ക് ധരിക്കുക
- ഔട്ട്ഡോര് സ്വിമ്മിംഗ് പൂളുകളിലും വാട്ടര് പാര്ക്കുകളിലും 30 ശതമാനം ശേഷിയില് ആളുകളെ പ്രവേശിപ്പിക്കാം. ഇന്ഡോറിലാണെല് 20 ശതമാനം പേരെ അനുവദിക്കും. ജീവനക്കാരും സന്ദര്ശകരും പൂര്ണമായും വാക്സിനെടുത്തവര് ആയിരിക്കണം.
- ഹോസ്പിറ്റാലിറ്റി-ക്ലീനിംഗങ് സര്വീസുകളില് വാക്സിനെടുത്ത ജീവനക്കാര്ക്ക് ഒന്നിലധികം വീടുകളില് ജോലി ചെയ്യാം. സ്ഥാപനങ്ങളാണെങ്കില് 30 ശതമാനം ശേഷിയില് മാത്രമേ സേവനം പാടുള്ളൂ.
പുറത്തിറങ്ങുമ്പോള് എല്ലാവരും മാസ്ക്ക് ധരിക്കുകയും മൊബൈല് ഫോണില് ഇഹ്തിറാസ് ആപ്പ് ആക്ടീവ് ആക്കുകയും ചെയ്യണം. അതേസമയം, വാഹനം തനിച്ചോ വീട്ടുകാര്ക്കൊപ്പമോ ആണെങ്കില് മാസ്ക് ധരിക്കണമെന്നില്ല. കൊവിഡ് മുന്കരുതലുകള് പാലിക്കുന്നത് തുടരണം. മൂന്നാഴ്ച്ചച നിരീക്ഷിച്ച് ഫലം വിലയിരുത്തിയ ശേഷമായിരിക്കും രണ്ടാംഘട്ട ഇളവുകളുടെ കാര്യത്തില് തീരുമാനമെടുക്കുക.