ദോഹ: പ്രമുഖ ഇസ്ലാമിക പണ്ഡിതനും ആഗോള മുസ്ലിം പണ്ഡിതസഭാ സ്ഥാപക ചെയര്‍മാനുമായ യൂസുഫുല്‍ ഖറദാവിക്ക് കോവിഡ് സ്ഥിരീകരിച്ചു. 95 വയസുള്ള അദ്ദേഹത്തിന്റെ ആരോഗ്യനില തൃപ്തികരമാണെന്ന് ഔദ്യോഗിക ട്വിറ്ററില്‍ അറിയിച്ചു.
ചികില്‍സയില്‍ കഴിയുന്ന തനിക്കായി പ്രാര്‍ഥിക്കണമെന്ന് അദ്ദേഹം ആഹ്വാനം ചെയ്തു. ഈജിപ്ത് സ്വദേശിയായ ഖറദാവി വര്‍ഷങ്ങളായി ഖത്തറിലാണ് താമസം. കുറച്ചുകാലം മുമ്പു വരെ ഖത്തര്‍ ഗ്രാന്‍ഡ് മസ്ജിദില്‍ അദ്ദേഹം ജുമുഅ നമസ്‌കാരത്തിന് നേതൃത്വം നല്‍കാറുണ്ടായിരുന്നു. അദ്ദേഹത്തിന്റെ ജുമുഅ പ്രഭാഷണം കേള്‍ക്കാനായി ആയിരങ്ങളാണ് മസ്ജിദില്‍ എത്തിയിരുന്നത്.
Also Read:
ഖറദാവി കൊവിഡ് ബാധിതനായ കാര്യം മകന്‍ അബ്ദുല്‍ റഹ്മാനും പങ്കുവച്ചിട്ടുണ്ട്. അദ്ദേഹം നേരത്തേ കൊവിഡ് വാക്‌സിന്‍ സ്വീകരിച്ചിരുന്നുവെന്നും മകന്‍ അറിയിച്ചു.