പള്ളിയില്‍ നിന്ന് മടങ്ങുന്നതിനിടെ വാഹനം ഇടിച്ചു, ഖത്തറിലെ പ്രവാസി മലയാളി ദാരുണാന്ത്യം

ഖത്തർ: ഖത്തറിലെ സജീവ പൊതുപ്രവർത്തകർ ആയിരുന്ന പ്രവാസി മലയാളി വാഹനാപകടത്തില്‍ മരിച്ചു. കോഴിക്കോട് ചെറുവാടി സ്വദേശി സുബൈല്‍ അല്‍ കൗസരിയാണ് മരിച്ചത്. 56 വയസായിരുന്നു. ചൊവ്വാഴ്ച വൈകുന്നേരം മുഹമ്മദ് ബിന്‍ അബ്‍ദുല്‍ വഹാബ് പള്ളിയുടെ സമീപത്ത് വെച്ചായിരുന്നു അപകടം സംഭവിച്ചത്.

Also Read: രണ്ട് പ്രവാസികളെ ഇടിച്ചിട്ട ശേഷം വാഹനം നിര്‍ത്താതെ പോയി; ഒമാനിൽ ഡ്രൈവർ അറസ്റ്റിൽ

വാഹനം വന്നു ഇടിച്ചപ്പോൾ ഗുരുതര പരിക്കുകൾ സംഭവിച്ചു. ഉടന്‍ തന്നെ ആശുപത്രിയില്‍ പ്രവേശിപ്പിച്ചു. എങ്കിലും രാത്രിയോടെ മരണം സംഭവിച്ചു. ഖത്തറില്‍ മതാര്‍ഖദീമില്‍ ഏബിള്‍ ഇലക്ട്രിക്കല്‍സ് എന്ന സ്ഥാപനം നടത്തി വരുകയായിരുന്നു. ഖത്തര്‍ സോഷ്യല്‍ ഫോറത്തിന്റെ സജീവ പ്രവര്‍ത്തകൻ ആണ്.

Also Read: കള്ള ടാക്‌സി ഓടിച്ചതിന് അറസ്റ്റിലായ ഇന്ത്യക്കാര്‍ ഉള്‍പ്പെടെ 60 പ്രവാസികൾ; കുവൈറ്റ് ഇവരെ നാടുകടത്തും

ഭാര്യ - സലീന. മക്കള്‍ - സഹല്‍, സഈദ്, നിഷ്‍വ, റുഷ്ദ. ഹമദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടു പോകും. നാട്ടിലേക്ക് കൊണ്ടുപോകാനുള്ള നടപടികള്‍ പൂര്‍ത്തിയാക്കി കൊണ്ടിരിക്കുകയാണ്.

Read Latest Gulf News and Malayalam News