2022 ലോകകപ്പ് ഫുട്ബോള്‍ പ്രചാരണത്തിന് ഖത്തര്‍ എയര്‍വേയ്സിന്റെ പ്രത്യേക വിമാനം

2022 ലോകകപ്പ് ഫുട്ബോള്‍ പ്രചാരണത്തിന്‍റെ ഭാഗമായാണ് ഖത്തര്‍ എയര്‍വേയ്സ് പ്രത്യേക വിമാനം പുറത്തിറക്കിയത്. ലോകകപ്പിന്‍റെ ഔദ്യോഗിക എംബ്ലവും നിറവും നല്‍കിയാണ് ഖത്തര്‍ എയര്‍വേയ്സ് പ്രത്യേക വിമാനം പുറത്തിറക്കിയിരിക്കുന്നത്. ദോഹയില്‍ നിന്നും സൂറിച്ചിലേക്കാണ് വിമാനം ആദ്യ സര്‍വീസ് നടത്തുക.

2022 ലോകകപ്പിലേക്ക് ഇനി രണ്ട് വര്‍ഷമാണ് കാത്തിരിപ്പ്. ഖത്തര്‍ ലോകകപ്പിന്‍റെ ഔദ്യോഗിക ലോഗോയും നിറവും പതിപ്പിച്ചുകൊണ്ടുള്ള യാത്ര വിമാനം കഴിഞ്ഞ ദിവസം ആണ് ദോഹ വിമാനത്താവളത്തില്‍ എത്തിയത്. കൂടുതല്‍ യാത്ര വിമാനങ്ങള്‍ ഉടന്‍ തന്നെ എത്തും. ഖത്തര്‍ ലോകകപ്പിന്‍റെ ഔദ്യോഗിക എയര്‍ലൈന്‍ പങ്കാളി എന്ന നേട്ടം സ്വന്തമായതിന്‍റെ സന്തോഷം പുതുക്കുക കൂടി ലക്ഷ്യമിടുന്നത്
കമ്പനി സിഇഒ അക്ബര്‍ അല്‍ ബേക്കിര്‍ പറഞ്ഞതായി അറബ് മാധ്യമങ്ങള്‍ റിപ്പോര്‍ട്ട് ചെയ്യുന്നു.

Also: ആഘോഷപൂര്‍വം കൗണ്ട് ഡൗണ്‍ തുടങ്ങി ഖത്തര്‍; ഫുട്‌ബോള്‍ മാമാങ്കത്തെ വരവേല്‍ക്കാന്‍




വിമാനം സര്‍വീസ് നടത്തുന്ന രാജ്യങ്ങളില്‍ ലോകകപ്പിന്‍റ ആവേശമുണര്‍ത്തുകയാണ് ഇതിലൂടെ ലക്ഷ്യം വെക്കുന്നത്. 2021 മാര്‍ച്ചോടെ ലോകത്തിന്‍റെ 125 ഭാഗങ്ങളിലേക്ക് ഖത്തര്‍ എയര്‍വേയ്സ് സര്‍വീസ് നടത്താന്‍ തീരുമാനിച്ചിട്ടുണ്ട്. 2022 ല്‍ മൊത്തം 58 മില്യണ്‍ യാത്രക്കാരെ സ്വീകരിക്കുകയാണ് കമ്പനി ലക്ഷ്യമിടുന്നത്.