ലോകകപ്പിനായി ഖത്തറിനെ അലങ്കരിക്കാം; സമയപരിധി ഈ മാസം 31ന് അവസാനിക്കും

ഖത്തർ: ലോകകപ്പ് തുടങ്ങുന്ന സാഹചര്യത്തിൽ ആണ് രാജ്യത്തെ അണിയിച്ചൊരുക്കുന്നതിൽ പങ്കാളികളാകാൻ ആഗ്രഹിക്കുന്നവർക്ക് അവസരവുമായി ഖത്തർ രംഗത്തെത്തിയിരിക്കുന്നത്. ഇതിന് വേണ്ടിയുള്ള രജിസ്‌ട്രേഷൻ പൂർത്തിയാക്കണം. രജിസ്‌ട്രേഷന്റെ രണ്ടാം ഘട്ടം പൂർത്തിയാക്കാൻ വേണ്ടിയാണ് ഇപ്പോൾ അറിയിപ്പ് ലഭിച്ചിരിക്കുന്നത്. രണ്ടാം ഘട്ട രജിസ്‌ട്രേഷൻ സമയപരിധി 31 ന് അവസാനിക്കും. അലങ്കാരത്തിന്റെ വിശദമായ ആശയങ്ങൾ സമർപ്പിക്കുന്നതാണ് ആദ്യ ഘട്ടം.

Also Read: കൺസ്ട്രക്ഷൻ കമ്പനിയിൽ ജോലി വാഗ്ദാനം ചെയ്ത് ഒമാനിലെത്തിച്ച് കബളിപ്പിച്ചു; പരാതിയുമായി 23 മലയാളികൾ

അനുമതി ലഭിച്ചാൽ അലങ്കാരങ്ങൾ പൂർത്തിയാക്കി ചിത്രങ്ങൾ എടുത്ത് അയക്കണം. ഖത്തർ നൽകിയിരിക്കുന്ന വ്യവസ്ഥകൾ പാലിച്ച് തന്നെയായിരിക്കണം അലങ്കാരങ്ങൾ ചെയ്യാൻ. എങ്ങനെയാണ് ചെയ്യേണ്ടതെന്നതിനെ കുറിച്ചുള്ള വിവരങ്ങൾ കൃത്യമായി പുറത്തുവിട്ടിട്ടുണ്ട്. അത് പാലിച്ചായിരിക്കണം ചിത്രങ്ങൾ അയക്കേണ്ടത്. നമുക്ക് ആഘോഷിക്കാം എന്ന തലക്കെട്ടിൽ ആണ് രജിസ്ട്രേഷൻ ആരംഭിച്ചത്. കഴിഞ്ഞ ജൂണിലാണ് പദ്ധതിക്ക് തുടക്കം കുറിച്ചത്. ജൂലൈ 1 മുതലാണ് ആദ്യ ഘട്ടം ആരംഭിച്ചത്.

Also Read: സൗദിയിൽ മലയുടെ മുകളിൽ നിന്നും താഴേക്ക് വാഹനം മറിഞ്ഞ അപകടം; മരിച്ച മൂന്ന് പേരുടെ മൃതദേഹങ്ങൾ കണ്ടെത്തി

റോഡുകളും പൊതുസ്ഥലങ്ങളും ലോകകപ്പ് തുടങ്ങുന്നതിന് മുമ്പ് സൗന്ദര്യവൽക്കരിക്കാൻ ആണ് പദ്ധതി. പൊതുമരാമത്ത് അതോറിറ്റിയുടെ കീഴിൽ ആണ് പദ്ധതി. വീടുകൾ, സ്‌കൂളുകൾ, സർവകലാശാലകൾ, പ്ലാസകൾ, പൊതുസ്ഥലങ്ങൾ, പൊതു കെട്ടിടങ്ങൾ എന്നിവ അലങ്കരിക്കും. ഫുട്‌ബോൾ ആരാധകരെ രാജ്യത്തേക്ക് സ്വാഗതം ചെയ്യാൻ വേണ്ടിയാണ് ഇത്തരത്തിലുള്ള പദ്ധതി രൂപീകരിച്ചിരിക്കുന്നത്.

വീടുകൾ, പാർപ്പിട യൂണിറ്റുകൾ എന്നിവ അലങ്കരിക്കാൻ പൗരന്മാർക്കും പ്രവാസികൾക്കും അവസരം നൽക്കുന്നുണ്ട്. ആദ്യ ഘട്ടത്തിൽ ആണ് ഈ അലങ്കാരങ്ങൾ പെടുന്നത് രണ്ടാമത്തെ വിഭാഗത്തിൽ സ്‌കൂളുകൾ, കിന്റർഗാർട്ടനുകൾ സർവകലാശാലകൾ എന്നിവയാണ് അങ്കരിക്കാൻ അവസരം നൽക്കുന്നത്. മൂന്നാമത്തേത് നഗരസഭകളാണ്. 3 വിഭാഗങ്ങളിലും മികച്ച അലങ്കാരങ്ങൾക്ക് ക്യാഷ് പ്രൈസ് സമ്മാനമായി ലഭിക്കും.

https://zeeenah.ashghal.gov.qa/EN എന്ന വെബ്‌സൈറ്റിൽ വേണം രജിസ്ട്രേഷൻ ചെയ്യാൻ. പാലിക്കേണ്ട നിബന്ധനകളും വ്യവസ്ഥകളും പാലിച്ച് വേണം അലങ്കാരങ്ങൾ ചെയ്യാൻ. ഏതു വിഭാഗത്തിലാണ് മത്സരിക്കാൻ പങ്കെടുക്കാൻ പോകുന്നത് എന്ന കാര്യം വ്യക്തമായി അപ്‌ലോഡ് ചെയ്യണം. മികച്ച അലങ്കാരങ്ങൾക്കുള്ള പുരസ്‌കാരം 2023 ജനുവരി ആയിരിക്കും വിതരണം ചെയ്യുക. വിധ അലങ്കാരങ്ങളും 2023 ജനുവരി ശേഷം എടുത്ത് മാറ്റണം.