സൗദിയിൽ വാഹനാപകടം; രണ്ട് ഗര്‍ഭിണികള്‍ മരിച്ചു

സൗദി: സൗദി അറേബ്യയില്‍ കഴിഞ്ഞ ദിവസം ഉണ്ടായ വാഹനാപകടത്തില്‍ രണ്ട് ഗർഭിണികൾ മരിച്ചു. മരിച്ചവർ രണ്ട് പേരും സ്‌കൂള്‍ അധ്യാപികമാർ ആണെന്നാണ് റിപ്പോർട്ട്. പ്രാദേശിക മാധ്യമത്തെ ഉദ്ധരിച്ച് ഗൾഫ് ന്യൂസ് ആണ് വാർത്ത പുറത്തുവിട്ടിരിക്കുന്നത്. സൗദിയിലെ തെക്ക്-പടിഞ്ഞാറന്‍ മേഖലയായ അസീര്‍, നജ് റാന്‍ മേഖലകളിൽ ആണ് വാഹനാപകടം സംഭവിച്ചത്.

Also Read: ബഹ്റൈനിൽ ജോലിചെയ്യുമ്പോഴാണ് പരിചയപ്പെട്ടത്, വിവാഹം കഴിച്ച് സ്വർണവും പണവും തട്ടിയെടുത്ത് മുങ്ങി: കണ്ണൂർ സ്വദേശിക്കെതിരെ പരാതിയുമായി യുവതി

അധ്യാപികമാർ സ്ക്കൂളിൽ നിന്നും മടങ്ങുന്നതിന് ഇടയിൽ ആണ് അപകടം സംഭവിച്ചത്. അപകടത്തില്‍ മറ്റ് നാല് പേര്‍ക്ക് പരിക്കേറ്റിട്ടുണ്ട്. മരിച്ച അധ്യാപികമാരിൽ ഒരാൾ ഒമ്പതു മാസവും, മറ്റൊരാള്‍ ആറുമാസം ഗര്‍ഭിണിയാണെന്നാണ് റിപ്പോർട്ടിൽ പറയുന്നത്. റെഡ് ക്രസന്റ് സംഘം സ്ഥലത്തെത്തി ആവശ്യമായ പ്രവർത്തനങ്ങൾ നടത്തി. പരിക്കേറ്റ ആരുടേയും നില ഗുരുതരമല്ല. ഇവർ സമീപത്തെ ആശുപത്രിയിൽ ചികിത്സയിൽ ആണ്. അപകടം സംഭവിച്ച കാർ ഇടിയുടെ ആഘാതത്തിൽ തലകീഴായി മറിഞ്ഞു. എന്നാൽ എങ്ങനെയാണ് കാറുകൾ തമ്മിൽ കൂട്ടിയിടിച്ചതെന്ന കാര്യം വ്യക്തമല്ല. ഇതുമായി ബന്ധപ്പെട്ട മറ്റു വിവരങ്ങൾ ഒന്നും പുറത്തുവിട്ടിട്ടില്ല.

Also Read: ബാങ്കില്‍ നിന്ന് ഇറങ്ങി വാഹനത്തിലേക്ക് പോകുന്നവരുടെ കെെയ്യിൽ ഉള്ള പണം ആണ് ഇവര്‍ നോട്ടമിട്ടിരുന്നത്. ഒന്‍പതംഗ സംഘം സൗദിയില്‍ അറസ്റ്റിലായത് ഇങ്ങനെ

അതേസമയം, പ്രാദേശികമായി ഉത്പാതിപ്പിക്കുന്ന ഉൽപന്നങ്ങൾ വർധിപ്പിക്കുന്ന മേഖലകളിൽ കൂടുതൽ നിക്ഷേപം ഇറക്കാൻ ആണ് സൗദി തീരുമാനിച്ചിരിക്കുന്നത്. രാജ്യത്തിന്റെ കയറ്റുമതി ശേഷി വർധിപ്പിക്കാനും അതിലൂടെ കൂടുതൽ വിപണികൾ സ്വന്തമാക്കാനും സൗദി ലക്ഷ്യം വെക്കുന്നുണ്ട്. പ്രാദേശിക ഭക്ഷ്യോൽപാദന വ്യവസായത്തിൽ 9,100 കോടി റിയാൽ നിക്ഷേപിക്കുമെന്നാണ് പരിസ്ഥിതി, ജലം, കൃഷി മന്ത്രി കഴിഞ്ഞ ദിവസം വ്യക്തമാക്കിയിരുന്നു. രാജ്യത്ത് കൂടുതൽ വരുമാന മാർഗങ്ങൾ കണ്ടെത്താൻ ആണ് ഇപ്പോൾ സൗദി ശ്രമിക്കുന്നത്. ഇതിന് വേണ്ടി കൂടുതൽ പദ്ധതികൾ പുറത്തിറക്കാൻ ആണ് തീരുമാനിച്ചിരിക്കുന്നത്.

Read Latest Gulf News and Malayalam News