ഒന്നും രണ്ടും ടെർമിനലുകൾ നവീകരിക്കുന്നു; റിയാദ് വിമാനത്താവളത്തിലെ സര്‍വീസുകളില്‍ മാറ്റം വരും

സൗദി: സൗദിയിലെ കിങ് ഖാലിദ് അന്താരാഷ്ട്ര വിമാനത്താവളത്തിലെ ഒന്നും രണ്ടും ടെർമിനലുകൾ നവീകരിക്കാൻ തീരുമാനിച്ചു. ജനറൽ അതോറിറ്റി ഓഫ് സിവിൽ ഏവിയേഷൻ പ്രസിഡന്റ് അബ്ദുൽ അസീസ് അൽ ദുഅയിലജ് ആണ് ഇക്കര്യം അറിയിച്ചത്. മൂന്നും നാലും ടെർമിനലുകൾ നവീകരിച്ച പണി പൂർത്തിയായി. അവിടെ നേരിട്ടിരുന്ന പ്രശ്നങ്ങൽ പരിഹരിച്ചു. കൂടുതൽ സൗകര്യങ്ങൾ ഒരുക്കി. ഒന്നും രണ്ടും അഞ്ചും ടെർമിനലുകളാണ് ഇനി നവീകരിക്കേണ്ടത്. ഇതിന്റെ പണികൾ വെെകാതെ തന്നെ തുടരും.

ഒന്നാം ടെർമിനലിന്റെ നവീകരണവും സൗകര്യങ്ങളുടെ വികസനവും നടപ്പാക്കാനുള്ള പദ്ധതി വെെകാതെ തന്നെ ആരംഭിക്കും. നവീകരണ പദ്ധതി പൂർത്തിയാകുന്നതുവരെ വിദേശ വിമാന കമ്പനികളുടെ ഓപറേഷൻ ഒരു വർഷത്തേക്ക് ഒന്നാം ടെർമിനലിൽനിന്ന് രണ്ടാം ടെർമിനലിലേക്ക് മാറ്റും. ഇവിടെ പൂർത്തിയായ ശേഷം ആയിരിക്കും രണ്ടാം ടെർമിനൽ വികസന പദ്ധതി ആരംഭിക്കുക. ഇതുമായി ബന്ധപ്പെട്ട വിവരങ്ങൽ ടിക്കറ്റ് എടുക്കുമ്പോൾ തന്നെ ഏജൻസികൾ അറിയിക്കുന്നതായിരിക്കും.

Also Read: വിദേശ തൊഴിലാളികളുടെ റിക്രൂട്ട്‌മെന്റ് ഫീസ് ഉള്‍പ്പെടെയുള്ളവ നല്‍കേണ്ടത് തൊഴിലുടമയാണെന്ന് സൗദി

അതേസമയം, കിങ് അബ്ദുൽ അസീസ് പൊതുഗതാഗത പദ്ധതി മാർച്ചിൽ പ്രവർത്തനം ആരംഭിക്കും. സൗദി തലസ്ഥാന നഗരിയുടെ മുഖഛായ തന്നെ മാറ്റുന്ന പദ്ധതിയാണ് ഇത്. മെട്രോ ട്രെയിനും ബസും ഉൾപ്പെടുന്ന വലിയ പൊതുഗതാഗത സംവിധാനമാണ് ഇവിടെ ഒരുക്കിയിരിക്കുന്നത്.
റിയാദ് സിറ്റി റോയൽ കമീഷൻ സി.ഇ.ഒ ഫഹദ് അൽറഷീദ് ആണ് ഇതുമായി ബന്ധപ്പെട്ട വിവരങ്ങൾ പുറത്തുവിട്ടത്. സ്വിറ്റ്സർലൻഡിലെ ദാവോസിൽ നടക്കുന്ന ലോക സാമ്പത്തിക ഉച്ചകോടിയോട് (വേൾഡ് എക്കണോമിക്ക് ഫോറം) ത്തിന്റെ ഭാഗമായി സൗദി മിസ്ക് ഫൗണ്ടേഷൻ സംഘടിപ്പിച്ച യൂത്ത് മജ്‌ലിസ് എന്ന പരിപാടിയിൽ സംസാരിക്കുമ്പോൾ ആണ് അദ്ദേഹം ഇക്കാര്യം വ്യക്തമാക്കിയത്.

Also Read: സംശയമുള്ള പണമിടപാടുകൾ റിപ്പോര്‍ട്ട് ചെയ്യണം നിർദേശവുമായി കുവെെറ്റ് സെന്‍ട്രല്‍ ബാങ്ക്
ആറ് മെട്രോ ലൈനുകൾ, 842 ബസുകൾ, , 2860 ബസ് സ്റ്റോപ്പുകൾ, 84 സ്റ്റേഷനുകൾ, 80 ബസ് റൂട്ടുകൾ എന്നിവ അടങ്ങുന്ന ഏറ്റവും വലിയ ഒറ്റഘട്ട പദ്ധതിക്കാണ് മാർച്ചിൽ തുടക്കം കുറിക്കുന്നത്. വിവിധ മെട്രോ സ്റ്റേഷനുകളെ ബസ് ഗതാഗതവുമായി ബന്ധപ്പെടുത്തിയാണ് ഈ ഗതാഗത സംവിധാനം ആരംഭിച്ചിരിക്കുന്നത്. രാജ്യത്ത് എത്തുന്ന വിനേത സഞ്ചാരികൾക്ക് ഉപകരിക്കുന്ന രീതിയിൽ ആണ് പൊതുഗതാഗതം ഉപയോഗിക്കുന്നത്.