സൗദി അറേബ്യയില്‍ നേരിയ ഭൂചലനം; ജനങ്ങള്‍ക്ക് ചലനം അനുഭവപ്പെട്ടു

സൗദി: സൗദിയിലെ അല്‍ ബാഹ മേഖലയില്‍ ഭൂചലനം. ഒരാഴ്ചയ്ക്കിടെ ഇത് രണ്ടാം തവണയാണ് ഈ മേഖലയിൽ ഭൂചലനം അനുഭവപ്പെട്ടത്. ഞായറാഴ്ച വൈകുന്നേരമുണ്ടായ ഭൂചലനം റിക്ടര്‍ സ്‍കെയിലില്‍ 1.95 തീവ്രത രേഖപ്പെടുത്തി. സൗദി ജിയോളജിക്കല്‍ സര്‍വേ അതോറിറ്റി വക്താവ് താരിഖ് അബാ ഖൈല്‍ ആണ് ഭൂചലനം ഉണ്ടായ വിവരം അറിയിച്ചത്.

Also Read: സൗദിയിൽ വാഹനത്തിനുള്ളിൽ മരിച്ച നിലയിൽ കണ്ടെത്തിയ പ്രവാസി മലയാളിയുടെ മൃതദേഹം നാട്ടിലെത്തിച്ചു

അഞ്ച് കിലോമീറ്റര്‍ ആഴത്തിലായാണ് ഭൂചലനം രേഖപ്പെടുത്തിയത്. ഉപരിതലവുമായി താരതമ്യേനെ അടുത്തായതിനാല്‍ ചില പ്രദേശങ്ങളിലെ ജനങ്ങള്‍ക്ക് ചലനം അനുഭവപ്പെട്ടു. വളരെ ചെറിയ ഭൂചലനമാണ് ഉണ്ടായതെന്നും രാജ്യത്ത് എവിടെയും നാശനഷ്ടങ്ങളുണ്ടായിട്ടില്ലെന്ന് ജിയോളജിക്കല്‍ സര്‍വേ അതോറിറ്റി വക്താവ് അറിയിച്ചു.

Also Read: ഒമാനില്‍ അപ്രതീക്ഷിതമായി മണിക്കൂറുകളോളം വൈദ്യുതി നിലച്ചു, വലഞ്ഞ് ജനം; മാളുകള്‍ ഇരുട്ടിലായി, ലിഫ്റ്റുകളില്‍ ആളുകൾ കുടുങ്ങി

ഭൂമിശാസ്‍ത്രപരമായ പ്രത്യേകതകള്‍ കാരണം ആണ് സൗദിയിൽ ചെറിയ ഭൂചലനങ്ങൾ ഉണ്ടാകുന്നത്. ഭൂചലനം നിരീക്ഷിക്കാനായി രാജ്യത്തുടനീളം മൂന്നൂറിലധികം നിരീക്ഷണ കേന്ദ്രങ്ങളുണ്ടെന്ന് ജിയോളജിക്കല്‍ സര്‍വേ അതോറിറ്റി വക്താവ് പറഞ്ഞു. കഴിഞ്ഞ ബുധനാഴ്ച രാവിലെയാണ് അല്‍ ബാഹയുടെ തെക്ക്-പടിഞ്ഞാറന്‍ മേഖലയില്‍ ചെറിയ ഭൂചലനമുണ്ടായിരുന്നു. റിക്ടര്‍ സ്‍കെയിലില്‍ 3.62 ആണ് തീവ്രത രേഖപ്പെടുത്തിയത്.